2 SAMUEL 15:2 - Allah Wene Fano Wene Hupla Inane

² O hundik-handik, at Absalom ebe huberat siakhogo eluk a'luk humusek leget pa'leget wuri'mo kwe ambe palek oba, o kain enupogot aiba kuogoluk kwagarek oba era'lu horokhogo andoma menlasi laluk welagaikhe. A'nogo were'ma, it afuni ekhe wene weregen inebe lombok at kain raja nen pilingisogo legetfisoageluk wagunem aren wolisaluk heinok yi'nogo wogisikhi lagaikhe: ”Hat hunggulenu ki mene,” iluk heinok wogisugunem, iren he, ”An nunggulenu ti mene,” iluk yagati lagaukwa.

2 SAMUEL 15:2 ပူးပေါင်းရင်းမြစ်များ

KEJADIAN 34:20

A'nogo anggasikhesik, at Hemor inom Sikhem inom o kota kuogeluk kwe ambe palek kwe nen kuluk afuni wene paluogeluk kabogetarek oba andoma lagaukwasik, it afuni o kota andiba werek mene omanogo yagaisikhi logolik,

2 SAMUEL 19:8

A'nogo yagatikhemo, at inoe raja a'nogo siakhogo menlagaikhesik he, leget pa'leget ambe palek oba era'lu wulibi wagaikhesik andoma welagaikhe. A'nogo hilingitikhemo, it ap ekhe nen he, ”At ebe andoma hurek werek,” iluk isukwama, agoromi tentara mene inesanggo holhukwasik he, at oba andogosi wagaukwa. A'nogo hilingitu kwelek, it ap tentara Israel mene omanogo inebe mondogat weim heise pikhit inailokwe lombok he'la lagaukwa.

2 TAWARIKH 10:7

A'nogo heinok wogisasikhemo re iren onggo ikhi logolik he, ”It afuni holhu mene andi nen hundik-handik andoma re an noba tiphogo nek hilingiti logogun iluk anggikhi lagen halok he, haren it inendawimo anggaga mene andi hilingfisigik, fano mene hilingfisigik, hilingfembik he, it inoba hane fano liokhogo yagaisan o,” iluk yagatukwa.

AYUB 24:14

O hup hil mogolhu kwelek omanogo re at ap wa'ni a'nogo re nogoikherek oba nen feisakhogo menlagaresik he wulibi laluk ap inangge mondok lek mene omanogo inoasi wulibi'lagwi. Nen o oan wei igi'lek kwelek aremnogo re ap hinatarek mene nen hakhogo konu-konu lili'lagwi.

KELUARAN 18:14

A'nogo hilingitunem, at Yitro eilenggen hasikhesik heinok wokhikhi logolik he mel isikhe, ”It afuni yi faget haren wene ningginik mene nek hilingiti lagen? Yi wene ti wene andoma hat hamu nen enek hilingitunem, it afuni nen wene komotninabuageluk andi faget o huberen mendek werek kwelek enek hup agu aple andi re fano a?” iluk heinok wokhasikhemo,

KELUARAN 18:16

Nen, iren minggil-manggal a'luk halok he it inawene pilingisogo tegetnisoageluk nambit waluk weri'lagwiat. Nen, At Allah wene melalek inom, yi'nogo ti'nogo hilingiti logoino iluk inom, werek mene omanogo inomat yagaisikhi lagi,” iluk yagatikhe.

KELUARAN 18:26

A'nogo yagatikhemo re iren ap wene pilingitarek mene it afuni Israel mene faget mendek logolik yabu higithogo nek hilingiti lagaukwa. Iren wene enggin mene halok he, at Musa ambit waluk kwikhi lagaukwa, nen wene endep-endebengge minggilik awene halok he it inamu nen tekhogo leget fisikhi lagaukwa.

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

DANIEL 11:21

Malaikat a'nogo nen nekhengge ane ikhi logolik, ”Raja ombo'ne mene utara fikhit andoma faget menlasimbik ferinarek logogin mene andi re mondok sebelek mene raja menlasu re we elo'lek mene. Oba nen he at ebe ferekhogoat wesimbik ane nen lalogo raja logogin iluk menlasigin.

MATIUS 27:1

A'nogo hilingitukwasik were'ma, o arat wei isikhemo ohealekwe it ap Allah eisewerek mene inogogwi kaindek mene omanogo inom, inaluendek omanogo inom, mondogaren he, Yesus wasuogeluk weim abok isukwasik he,

ULANGAN 17:8

Wene unggum ekhe weinam agunem it ap wene katokhogo lebegetu inap omanogo nen lebegetu aple enggin agu halok, nen wene andi ambi ap fetakhogo wate mene faget hea, anggomo kagalhesik ebe wate mene faget hea, inangge faget nili-hili ikhi logolik hea, inagap pal-pal lagu halok he, hit hinebe hineisena Tuhan Allah nen obalik wenagaisogo fikheba omanogo laluk,

RUT 4:1

At Boas a'nogo o kota kwi louwogeluk lagaikharek oba, leget pa'leget kwe ambe pale'ma, afuni andogotarek oba andoma lagaikhe. Lagaikhesik omanogo hurek were'ma nen he at Boas nen ap andi hun Elimelek werekwe mene a'nogo ebekhalem andoma lagunem hasikhe. Lagunem he Boas nen at a'nogo wolhikhi logolik, mel isikhe: ”Nagailak, hebe ya hu'lasime o,” isikhemo ap a'nogo wagaikhesik aremnogo hu'lasi wagaikhe.