2 SAMUEL 15:10 - Allah Wene Fano Wene Hupla Inane

¹⁰ A'nogo meneat he, at ebe oan lagi'lek logolik, ap ekhe inayonggo fesikhesik lakfisikhi logolik, ”Hiren afuni Israel mene inunggulenu lombok mondogat mel yagaisilik lano: Pinggong hokho a'nogo mene ane pak ikhe halok he, hiren he, o Hebron andoma Absalom nit afuni Israel mene ninoe raja hilinglaga o, iluk hinane hokhorogo ino o, iluk yagaisilik lano o,” iluk wene warogo lakfisasikhe.

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.

2 SAMUEL 14:30

A'nogo aga lagaikhemo re at Absalom en amingmingengge omanogo inoba yagaisikhi logolik, ”Hit he Yoab eabu, an neabumo aremnogo nen fena fikhit jelai yago mene omanogore hinelu nogo a? Yabu yago mene andi endu fasi lani o,” iluk yagaisasikhemo it omanogo lagaukwasik endu fasi lagaukwa.

2 SAMUEL 15:9

A'nogo yagatikhemo, at raja Daud en he, ”Fano, lano o,” iluk yagatikhemo, at Absalom ebe o Hebron lagaikhe.

2 SAMUEL 19:10

Andi nen he, niren Absalom nit ninoe raja logouwagaluk menfogo meneat he, yogondak at ebe weim yafi logolik wata andi. Andi nen he, ap nit mene ekhe nen ogo at raja Daud andi hondo'luk ambotkwe waluk wagep lek andi nenahalok?” iluk isukwa.

2 SAMUEL 2:1

At Daud le wuni a'nogo arat isikhesik, Tuhan oba mel yagatikhe, ”Neisena, hat endawimo nen he, at Daud en afuni Yehuda mene o kota ekhe ferinarek logouwagen loak, iluk anggegen halok he layoga?” iluk heinok wokhasikhemo, At Tuhan nen he, ”Fano, lano o,” iluk yagatikhemo, at Daud en he, ”O kota ki layok?” iluk heinok wokhasikhemo, Tuhan nen he, ”O kota Hebron lan o,” iluk yagatikhe.

2 SAMUEL 2:11

nen at Daud ebere o Hebron logolik it afuni Yehuda mene melalinafu were'ma nen enek he tujuh setengah tahun hilingitikhe.

2 SAMUEL 5:5

Nen, at o Hebron logolik afuni Yehuda mene ferinarek 7 setengah tahun welagaikhe. Hobuk, at ebe Yerusalem wagaikhesik logolik, afuni Israel mene inom, Yehuda mene inom, ferinarek 33 tahun welagaikheat.

1RAJA-RAJA 1:11

A'nogo hilingitikhemo, at Natan Allah ane yagaisikhi lagaikhe mene a'nogo, he Batsyeba, Salomo agaisa oba wagaikhesik he, mel yagatikhe: ”Nagaisa. He Hagit eak Andonia a'nogo nen raja Daud onggot werek kwelek, onggwaregen ebe raja logogin iluk ili'lago aga andi hesanggo holhendik welagen a, honggora?

1RAJA-RAJA 1:34

Lambik he, ap imam Zadok inom, Allah ane yagaisikherek mene Natan inom emberegen amusu unggul oba kweisalogo afuni Israel mene inoe raja menfouwago. A'nogo arat menfaga halok he, hiren pinggong ane hokho mene a'nogo anethikhi logolik, hinane ami'mit suphogo lakfikhi logolik mel ino: Ninoe raja re Salomo logouwago, iluk ino o.

2 RAJA-RAJA 9:13

A'nogo yagaisasikhemo it Yehu agaila'lak omanogo nen he weak-weak aremnogoat inasu jubah su ninonggol aplere at Yehu elokhoma kwe pelaba aremnogo talfesukwa. Arigin fesukwasik he iren trompet furogo inane a'mit subikhi logolik he, ”Yehu a'nogo raja menlaga a,” iluk a'mit liafi lagaukwa.

1 TAWARIKH 11:3

A'nogo yagasi lagaukwama at Daud a'nogo it afuni Israel mene inogogwi omanogo inom o Hebron nen Tuhan elokhoma ane hombuk palhikhemo re, Tuhan nen hun Samuel ebe nen, ”At Daud a'nogo asigin,” iluk abok isikhe higithogo re, iren at Daud ungguloba amusu warogo afuni Israel mene inobaget inoe raja logouwageluk menfesukwa.

1 TAWARIKH 12:23

At Daud a'nogo o Hebron were'ma re, ap weim yafu mene faget ninghogo hilingiti lagaukwa inap omanogo re, at Daud ebikhit asi waga lagaukwa. Iren he, Tuhan en abok ikhi logolik, ’Daud raja menlasigin,’ iluk isikhe higithogo at Saul obali'mo raja menlasuageluk lebetha waga lagaukwa. It inebe lambulogo esa logalek welagaukwa mene re yi: It inunggulenu Yehuda mene re ap inebe 6.800 nen tok kwe palengge inom, sige inom tomogethigik fisogo welagaukwa. It inunggulenu Simeon mene re ap inebe 7.100 nen mondok melalek mene welagaukwa. It inunggulenu Lewi mene re inebe 4.600 nen welagaukwa. Hun Yoyada Harun ambisangma mene a'nogo agoromi inebe 3.700 nen welagaukwa. Alage souge mene misik ekhe ailo mondok lek mene enu re Zadok ogogwi agoromi re ap inebe 22 nen welagaukwa. It inebe mondogat he, it ineisok erokwe mene faget inogogwi kepala welagaukwa. Nen it inunggulenu Benyamin mene (at raja Saul a'nogo unggulenuba mene) andi nen he ap inebe 3.000 nen welagaukwa. It inunggulenu Benyamin mene inebe hokhorogo re at Saul faget hilingiti lagaukwa. It inunggulenu Efraim mene re ap inebe 20.800 nen andem inebe lombok he ap enu werek inap enek welagaukwa. It inunggulenu Manasye mene o Yordan mo ubuk ikherek fikhit welagaukwa mene omanogo re ap inebe 18.000 nen at Daud raja menfogoin mene faget obaget hilingiti logouwageluk wenagaisogo fisasukwa. It inunggulenu Isakhar mene re ap inebe 200 nen inom, inogogwi inom welagaukwa. It inogogwi andi nen he, afuni Israel mene linggene higithogo hilingiti logogun mene iluk penogo fikhi lagaukwa. It inunggulenu Zebulon mene re, weim yafu aple faget inom, sikhe sige wanhu aple faget inom, inelu pinelurek logolik, hambukhogo hilingitu inap welagaukwa. It inunggulenu Naftali mene re, inogogwi inebe 1.000 mene inom, ap sikhe fisogo mene inangge tokwe palengge lik-louksek inap inebe 37.000 nen inom welagaukwa. It inunggulenu Dan mene re, ap inebe 28.600 nen mondok melalek mene nek welagaukwa. It inunggulenu Asyer mene re, ap inebe 40.000 nen weim yabi kugu aple faget mondok fik-fouksek inap welagaukwa. It inunggulenu fena i Yordan mo liabi wagarek fikhit mene re, Ruben mene inom, Gad mene inom, it inunggulenu Manasye mene fena minggirogo inom he inebe 120.000 nen welagaukwa. Nen it andi re sikhe yiginik-tiginik wanu higit mene nek welagaukwa.

1 TAWARIKH 12:38

It ap Daud obaget hilingiti lagaukwa mene omanogo re at Daud ebe afuni Israel mene inobaget inoe raja men fogoin iluk hilingitukwa sambul andi re inebene inalilingge lik-loukhogo o Hebron andogotukwa. Nen it afuni Israel mene fena mondogat omanogo re, inendawinggen misik agaukwasik iren we misik aple andi nek hilingisugun anggasukwa.