2 SAMUEL 14:33 - Allah Wene Fano Wene Hupla Inane

³³ A'nogo yagatikhemo re at Yoab a'nogo raja Daud were'ma at Absalom en kino isikhe mene a'nogo yagasi lagain iluk lagaikhe. A'nogo lagaikhemo re at raja nen Absalom a'nogo raja a'ma eindep awi yagaisogo elokhe sogoum fogerasi wagaikhemo, raja nen he ebene elokhe tophogo hai watikhesik ebe wanhikhe.

2 SAMUEL 14:33 ပူးပေါင်းရင်းမြစ်များ

KEJADIAN 27:26

Wogetikhemo, mel yagatikhe: ”Namlogo e, hebe noba horokhogo ya higilha wesimbik he, hai hambe saluk wa'nabin o,” iluk yagatikhe.

KEJADIAN 33:4

A'nogo hilingitikhe oba nen he at Esau humusek Yakub ambit lagaikhesik obakhe felikhogo fakfesikhesik olokhe kwe hai inambe saluk wat-wat aga logolik, emberek le agaukwa.

KEJADIAN 45:15

Le agaukwasik, nginuk le yak-yak at agaila'lak fena omanogo inom inobakhe felik-felik aga logolik, inelokhe kwe top-top agaukwasik hobuk enek he iren at inom inane ma'mak agaukwa.

2 SAMUEL 15:5

A'nogo yagaisugunem, it afuni ekhe ineindep awi yagaisogo hai wasuogoluk Absalom oba horokhogo wagunem he, aren enggi fakfisaluk, hai inambe saluk warinafi lagaikhe.

2 SAMUEL 19:39

A'nogo yaga'luk, at Daud agoromi tentara mene mondogat inom i Yordan palogo wulibi wagaukwa. Wulibi waga logolik, Daud en Barzilai hai ambe saluk watikhesik, ”Allah nen fanothabuago,” iluk lakfesikhemo, at Barzilai aiba ambotkwe lagaikhe.

1RAJA-RAJA 1:53

A'nogo yagaisasikhesik, ap ekhe inayonggo fuluk, Andonia ebe yi mene ti mene Allah faget warogo noletarek oba a'nogo were'ma wani loagaluk lakfisasikhemo, lagaukwasik waluk wagaukwama, raja Salomo oba wagaikhesik elokhoma eindep awi yagaisogo hai watikhemo, at Salomo nen he, ”Hat he haiba lan o,” iluk yagatikhe.

LUKAS 15:20

A'nogo anggasikhesik, o welagaikheba a'nogo hebisaluk he, eisena a'nogo oba wesigeluk oan wagunem, at eisena a'nogo nen yatma wagu kwelek eilenggen yethasikhesik he, endawinggen abolok isikhesik, fungusek lagaikhesik he, obakhe felikhogo hai ambe saluk-saluk watikhe.