2 SAMUEL 14:25 - Allah Wene Fano Wene Hupla Inane

²⁵ At Absalom ebere ap mondok fano elokhe pugunsek amlogo iluk it Israel inap were'ma andoma inebe mondogaren foget fikhi lagaukwa. At eisok agut oba nen pikhit esiba mondogat he fano mondok welagaikhe. Nen at ebe pugunsek aple andi sebelek hak kwelek ap ekhe aren ambolkwe pugunsek mene ekhe welagaukwa mondok lek.

2 SAMUEL 14:25 ပူးပေါင်းရင်းမြစ်များ

AYUB 2:7

A'nogo yagatikhemo, at Iblis afuni inendawimo kagalik nikherek mene a'nogo Tuhan elokhoma omanogo nen wulibi lagaikhesik wagaikhe. Wagaikhesik, ap Ayub oba eiso'ma nen pikhit ungguloak huli oumo weak mene mondok lambukhogo fesikhe.

AMSAL 31:30

Hemi inane lebelek andiba lalinafaregat, nen, inelokhe fano andi mene longgoikherek, meneat he, it hemi Tuhan oba lomborogo logolik, ane hologo hilingitarek mene andi agaukhogo fogerinabugun higit obaat agaugwerinafarego.

YESAYA 1:6

Hinunggul oba nen pikhit hineisok agut huli andoma re fano selek oba ekhe werek lek. Hit hinebene mondogat he hinoumo inom, tuk-tugengge inom hokhorogo logoligat he, legasuageluk sobalogo amusu figik obat figik igi'lek welagep andi.

DANIEL 1:4

A'nogo wenaginafi logolik, ap alage inebeba inagambut palek lek mene halok, inebe mondok fano mene halok, sekolah uan hilingita mene halok, yi wene ti wene elok futfou inelu mene halok, inendawimo kagauksek mene halok, yabu an naiba hilingiti logogun elok mene halok, wenaginabino o. A'nogo wenaginabimbik, nit afuni o Babel mene ninane yagaisigik, ninaneba lisu palek mene yanggulinafik, ikhi logoino,” iluk yatikhe.

MATIUS 23:27

”Hit ap Allah ane lisu palek eisewerek mene inom, Farisi mene inom, hinagap oba nek fano hangge hinendawinggen pire mene yi ri! Hit he, hinebe mel hangge. Afuni wa'lagaikharek mene kweangma salinafarek oba andoma endakwe nek he, mondok tegelek fano werek kwelegat he, elonggoma re, afuni inoak amben sang-pang ikherek andi hangge welagebo.

ULANGAN 28:35

At hineisena Tuhan Allah nen hineisok oba purak ou mondok weak mene, weak-weak agambut asu lek mene hilinghinobagaumo, hineisok oba nen pikhit hinunggul oba andi re mondogat pot enek selelemsek logogin.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

1 SAMUEL 9:2

At Kish andi amlogo re, ap souge fano mondok mene enu Saul welagaikhe. Afuni Israel mene ap mondogat endebat fano hangge meneat he, arenek he, eil alili mondok fano pugunsek welagaikhe. At oakhuse re it Israel mene endep mangge omolo huli werek kwelek arenek he mondok uan mene welagaikhe.