2 SAMUEL 14:2 - Allah Wene Fano Wene Hupla Inane

² andi nen aren he ekhe afe hebelek mene o Tekoa were'ma hondosi loageluk miminginafikhe. Miminghogo lakfisasikhemo re, he a'nogo hondo'luk wagaukwama, Yoab en he a'nogoba ikhi logolik, ”He hat he heranhogo afuni fong watarek mene hakhogo logolik hasu pelagi su laberogo re amusu amben fano mene inebene yugulharek mene omanogo yugulhi'legengge logoino. A'nogo logolik he, hemi inaguni inendawi mondok hundik mene wa'lagunem inenggi aninurogo le agu wela'luk hakhogo logoino.

2 SAMUEL 14:2 ပူးပေါင်းရင်းမြစ်များ

KEJADIAN 38:19

At Tamar a'nogo aiba lagaikhesik su elokhe salogo lagaikhe mene a'nogo nonggologo fesikhesik asu ebe sogwe logolik labeti lagaikhe mene a'nogo nekhengge labetikhe.

2 SAMUEL 11:26

A'nogo yagaisasikhemo lagaukwama re, afuni nen he Batsyeba yagati logolik he, ”Hagun ebe watama wa'laga o,” iluk yagatukwama esanggo holhikhesik he, endawimo weakhogo fong watu welagaikhe.

2 SAMUEL 12:20

A'nogo yagatukwama, at Daud wengik welagaikhengge a'nogo menlagaikhesik he, kume warogo esi feisalhik, asu laberek mene nonggologo fesikhesik ket mene itik, isikhe. A'nogo hilingitkhesik, eisena Tuhan awi wuri'mo lagaikhesik he eindep awi yagaisogo Allah fogeratikhe. A'nogo hilingi'luk ambotkwe aiba wagaikhesik sumburu wogosuwagaluk yagaisasikhemo, wogetukwama nasikhe.

2 SAMUEL 20:16

O kota andiba re he obabut hebelek mene ekhe welagaikhengge a'nogo re, leget fak mene amboloba aremnogo lagasikhesik mendek logolik ane ikhi logolik he, ”Holini! Holini o! An Yoab ninom ninane ugun enggere at wesuakhogo yaga'ni,” iluk kweti lagaikhe.

1RAJA-RAJA 14:2

Ou fakhasikhemo re at Yerobeam en agwe yagati logolik, ”Hat he o Silo nabi Ahia awi attak an afuni Israel mene inobaget raja asigin iluk yaganete mene a'nogo ambit lanogen he fik-foukhogo hilingisin o. Nen hat lageluk, afuni nen heanogo re hinagaisogo amu mene hakhogo hilingfembik lano.

1RAJA-RAJA 14:5

Oba nen he Tuhan en at oba yagati logolik, ”Hun Yerobeam agwe re it inomalik ou werek mene faget ninggi'nogo hilinglasigin iluk heinok wokheagaluk weri'lago,” iluk yagatikhe. Nen, At Tuhan en ogo re nabi Ahia a'nogo nen he, ninggi'nogo yagasigin iluk inom yagatikhe. A'nogo yagatikhemo were'ma nen he, Yerobeam agwe a'nogo andoma asi lagaikhesik, aren hemi amu mene hakhogo hilingfuluk lagaikhe.

2 TAWARIKH 11:6

Kota Betlehem inom, Etam inom, Tekoa inom,

2 TAWARIKH 20:20

A'nogo hilingitukwasik hubet o weigiluk ugu kwelek, it afuni a'nogo wulibi lagaukwasik he o Tekoa horokhogo leimo omanogo lagaukwa. It lagunem he at Yosafat en wene inoba fikhi logolik he, yi'nogo yagaisasikhe, ”Yago hit afuni Yehuda mene inom, nen Yerusalem mene inom, hit logoin mene andi ambisangma fano agunem hogoin enggere, hit hineisugwi nabi nen yagahisaga mene andi furogo wanino. Nen, it hinaselei mene wagu halok hinendawinggen hambukhogo logobagaigen he, hit hineisena Tuhan Allah ba hinendawinggen tibet feino!” iluk yagaisasikhe.

NEHEMIA 3:27

Leget pa'leget andi fena fikhit he, it ap inenu lisu palek mene yi nen attak en engge hobugen engge wanhukwa mene re yi: It afuni Tekoa mene nen he: Leget a'nogo re TUHAN Awi silimo ap lagaluk kagalek werekwe andoma nen he o Ofel sili kwe andoma wanhukwa. It imam o kwe enu Pintu Gerbang Kuda ugukwe andoma werek inaben he: leget a'nogo re it inawi wurik mene inom misik era'lukwe hilingik mene omanogoba nen he kweba andoma nen hiling-hiling he abel utara fikhit andoma huli. Hun Imer amlogo Zadok a'nogo nen he: Pa'leget at onggwarek aiba inom elokhe misi'mo hilingik mene andoma kwe wanhukwa. Hun Sekhanya amlogo Semaya kwe ambe enu Gerbang Timur fikhit agarek kwe a'nogo kagalek welagaikhe agun andi nen he: Pa'leget at onggwarek aiba inom, elokhe wuthogo hilingik kwe omanogo wanhikhe. Hun Selemya amlogo. Hananya amlogo inom, nen hun Zalaf amlogo Hanun at ebere falfaligengge a'nogo inom. Bereknya amlogo Mesulam a'nogo inomen he: Pa'leget it inonggwarek inawilokwe inom, elokhe wuthogo hilingik kwe omanogo wanhukwa. Hun Malkia emas elalhu aple elu agun a'nogo nen he: Leget it ap TUHAN Awi elonggoma yabu hilingitarek mene inawi inebe misi'mo logolik welagaikharekwe andoma nen it ap yingge-tingge onggo palhu inap inawi wurik mene kwe enu Pintu Gerbang Mifkad salek kwe a'nogo nen he ambe eil ambol kwe mene wagane'ma nen mo liabi wagarek fikhit en he a'ma fikhit higithogo pa'leget unggutmo andoma huli wanhukwa. It ap emas elalhu aple inelu inap inom, nen yingge tingge onggo palhu inep inom, andoma nen he: Pa'leget he mondok fem elugunmo, ambe ambolkwe mene leget a'nogo unggutmo aremnogo nen hiling-hiling he kwe ambe enu Pintu Gerbang Domba salhukwa mene a'nogoba wanhukwa.

MAZMUR 104:15

Ninendawimo ninagaiyek hogoluk anggur amusu hilingisogo ninggik, Ninelokhonggen heanerogoluk zaitun amusu hilingisogo ninggik, Ninebe ninomamerogoluk yi mene ti mene yagaisogo ninggik, ikhi logouwageluk Harenat hilingninobagakhi lagen.

PENGKHOTBAH 9:8

Hit hinebe hineisena Allah nen o kweangma elama faget logouwagaluk hinobagaikhemo logolik set kwil kwalhogo hilingiti logogun mene andi faget hinenggi onggo wanu hak, hinendawimo hinagaiyek hikhi logogun andi aro. Andi nen he, hinagagwi hinendawinggen hundik mene hinom fano hai warogo logoubagaik iluk wokhisasikhemore hundik-handik we elama faget logolik he hinoba heanerogo nek logoino o.

YEREMIA 6:1

Yago, hit afuni Benyamin mene yi sani, o abel utara fikhiren enggin mene inom, obabut mondok weak mene inom ninoba feigiluk weri'lago andi nen he, hit he o Yerusalem herakfisaluk wulibi lani o! O Tekoa nen he trompet futhani, nen o Bet-Kerem oba andoma enegenggerogo iluk he endu hule liapni.

AMOS 1:1

Ap Amos andi ebere domba konhi lagaikhe mene awi o kota Tekoa agun welagaikhe. At ebere it Yehuda meneba andoma hun Uzia raja logolik melalinafu kwelek, nen it Israel mene re raja Yerobeam hun Yoas amlogo a'nogo logolik melalinafu kwelek andem oba Amos ebe nabi menlagaikhe. Menlagaikhesik tahun pire wela'luk o lugul oan langhigi'lek werek kwelek, At Allah nen he Amos oba afuni Israel mene inobaget wene yagatikhe.

MATIUS 6:17

Menere, hit enek he, sumburu ninggi'lek sambanat ugu logouwogeluk halok, afuni nen enegat futhinobagainogo. Hineisena Allah afuni nen ineilenggen hagarek lek mene a'nogo alegaren enegat futhinobagauwageluk hinagap sobalogo re, hinesi feisalogo logolik, samban ikhi logoino o. A'nogo hinagaisogo hilingitep halok he, hineisena Allah afuni ineilenggen hagarek lek mene andi eilenggen hisambik onggo wokhisagain o,” iluk yagaisasikhe.

RUT 3:3

Andi nen he, hat hebe kume fanorogo wasimbik amusu amben fano mene hebene watfembik he, hasu fano mene wendeberogo labesin. Labesimbik he, at Boas gandum enggen lologo pelafarek oba andoma ware'ma lambik logoino o. Lambik were'ma, at Boas hat hebe weinam were'ma elu asinogo nen he, at sumburu inom, i inom, nunggu kwelek nenangot hikhi logolik hebe hinagaiso logoino o.