2 SAMUEL 14:19 - Allah Wene Fano Wene Hupla Inane

¹⁹ A'nogo yagatikhemo at raja a'nogo nen yagati logolik, ”Hat he abo Yoab a'nogo nen mimingisogo lakhobagai wagama a?” iluk heinok wokhasikhemo, he a'nogo nen onggo yagati logolik he, ”Noe hat honggwarek helu welagen hilingi'mo re an nen labelogo noe haren heinok wo'neegen mene andi faget u re elo'lego. Eberogo hilingi'mo re an hamingmingenggere Yoab en laknobagai waga logolik he yi'nogo ino, iluk yaganete higithogo yagaheti lagi o, noe.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

A'nogo yagatikhemo, at Uria nen he, mel yagatikhe: ”Ap tentara Israel mene inom, Yehuda mene inom, Peti Wene Warogo Allah nen wo'ninafikhe, iluk hilingik a'nogo weim mondok inomamerogo yafu kwelek waluk nikho. Nen, at Yoab agoromi kabelek mene inom ogore tenda o leikwe salhigik nugu kwelek mene at he, an hamingmingengge yi nambotkwe oloba lambik, sumburu ninggik, i ninggik, nagwe nemberek nogo igik, uagaluk yaganeten andi nenahalok, noe. Noe, hat hebe hoak, an hat egen andi a'nogo hilingisigin mondok lego,” iluk yagatikhe.

2 SAMUEL 14:18

A'nogo yagatikhemo at raja nen ikhi logolik he, ”An nen amu mene ekhe heinok wokheagain enggere haren higithogo nek ino,” iluk yagatikhemo, at he a'nogo nen ikhi logolik he, ”Yaganom o,” iluk yagatikhe.

2 SAMUEL 14:3

A'nogo logombigen raja oba lambik he haren yi'nogo yaga'no,” iluk he, Yoab en he a'nogo nen igin mene eluet fesikhe.

2 SAMUEL 18:13

An nen eberogoat Absalom ebe neilenggen higirik andemat ebe wa'lema re, at ninoe raja yi wene ti wene mondogat esanggo holherek enek andi nen he, wene andi faget esanggo holilepsik he, an wene noba fugunem, hat noe nen an nebikhit asilen he elo'legat anggigi,” iluk yagatikhe.

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

2 SAMUEL 3:29

Andiba re, unggum wogisoak. Hobuk logogun huli andoma re at Yoab eisok erokwe mene inoba re, ap inagap ebene inoumo purak werek mene welagik, ap inomame lek mene welagik, inangge nunggu mene inelagaikhogo welagik, hilingik mene nek logouwak!” iluk isikhe.

2 SAMUEL 3:34

”Abner he, ap morue mene nen hakhogo wa'lagen he ninggi'nogo iluk nogo? Henggi re heleba homago legengge, heisok he heleba hambelek legenggeat, aben talogo waraga o, ap inanini mondok weak mene nen o, ap inobaharo weak mene nen o,” iluk le wuni isikhe. A'nogo isikhemo afuni mondogat omanogo nen at Abner a'nogo ouwak le inane kwi-kwerogo agaukwa.

2 RAJA-RAJA 2:2

A'nogo waga logolik, at Elia nen Elisa mel yagatikhe: ”An he Tuhan nen o Betel loageluk yaganetemo lagain enggere, hat he yoma logoin o,” iluk yagatikhe. A'nogo yagatikhe meneat he, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain mondok lego neisena,” iluk yagatikhe. Andikhi lagaikhemo re, emberegat laga lagaukwasik he pikhit o Betel lagaukwa.

KELUARAN 4:15

Hat oba lambik, hemberek wene ane ikhi logolik, aren ugu mene yaga'no. An nen he, hit hemberek lebethisambik, hiren ugun mene inom, hilingisugun mene inom, yagahisagain o.

AMSAL 25:2

Allah legeisogo fagarek andi re Aren yi wene ti wene hinagaisogo fisogo welagarek andiba, nen raja legeisogo fagarek andi re aren yi wene ti wene inendawimo kagalogo yagaisikherek andiba o.

AMSAL 4:27

Weak mene mondogat herakfisaluk, kwe pikhithogo nek laga logoino. Ebekwe eberogo mene andiba nen taganhogo wulibi la fuk.

BILANGAN 20:17

Nit wago yi re, ebekwe ninoe hawilokwe yoma nen louwogen iluk kino yagahesi wago o, noe. Nit ninebe inom, ninanggo inom, kwe ebekwe hokho yiba waga logolik, kwe kwanirogo ekhe lagi'lek, yabu kwe inom, anggur awi yagokwe inom kugun mondok lego. Nit he, hat hagai mogo habulikwe ekhe ninggi'lek, kwe pikhithogo nek laga logombik o hat ninoe were'ma yoma herakfuluk wulibi louwogen iluk yagahesi wago o, noe,” iluk yagatukwa.

ULANGAN 28:14

A'nogo meneat he hiren wene an nen hilingiti logouwageluk yagahisigi mene andi higithogo hilingiti'lek ap amu mene nen hilingitarek higithogo hilingisugun lek. Hiren amu mene faget allah ap-ap hilingfuluk apne wanhu meneba apne wanhik, obaget hilingitik ikhi logogun lek,” iluk yagaisasikhe.

ULANGAN 5:32

Allah againafuri Israel mene yi sani! Hit hineisena Tuhan Allah nen awene melalek yagahisikhe mene andi re ane hologo hilingiti logolik fi-furogo hilingiti logoino. Wene melalek andiba nen misik ekhe sagalogo herakfisa fuk.

YOSUA 1:7

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

1 SAMUEL 1:26

Kwisukwasik, Hana nen Eli mel yagatikhe: ”Neisena. An nebe futnobagegen a? An nebe re, ya mendek logolik neisena Tuhan samban oba kino yagatunem, hat heilenggen tomok neasigin mene a'nogo o.

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 20:3

A'nogo yagati lagaikhemo, at Daud en he, ”Haren an hendawi hundik mondok welagen andi, at Saul elu mondogo. Andi nen he, hat an faget hendawimo weak asinogoluk, wene andi aren hat yagahesigin mondok lek anggigi o. A'nogo meneat he, nineisena Tuhan eluk mondok welagarek mene oak. An nebe yogondak yaat wa'lasigin horogat agama welagi andi eberogoat yagaheti o,” iluk yagatikhe.

1 SAMUEL 25:26

Hat heisena nen haselei mene inoba onggo wo'nesuageluk kino yagaisigik, inebe inoatik, ikherek mene a'nogo At Allah nen kwe palhobagaikhemo, At Tuhan Eluk Mondok Welagarek mene a'nogo enuba re an nen hombuk palhi lagi andi. Neisena hat haselei mene inom, nen it hat hebe alomat hobagagun iluk hilingiri'lagwi mene andoma inom, inoba ari'lago aple andoma re at Nabal ogo andi higit oba aga logouwago.