2 SAMUEL 14:14 - Allah Wene Fano Wene Hupla Inane

¹⁴ Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

2 SAMUEL 14:14 ပူးပေါင်းရင်းမြစ်များ

2 SAMUEL 11:25

Yagatikhemo, at Daud en he, ap Yoab en lakfei wagaikhe mene a'nogo mel yagatikhe: ”At Yoab endawi hambukhogo yagati logolik he, hat hebe hailo a'luk hendawi fitun o. Ap weim yafunem andoma nen ap sani inoasugun he iluk andi re hendawimo menenei wenggelhi'legengge re, o kota andi re it inomame legasimbik, niren ekhe inom hilingisu elo'lek aga, iluk anggoakhogo re o kota andiba mondok hinomamerogo yabino o, iluk yaga'no,” iluk yagatikhe.

2 SAMUEL 14:15

An hamingmingengge noe hambit wagi yi re, aben noasuogeluk hilingitu nen an nen ebeti logolik wene yi re noe hat ninom ninane seberogo masimbik noe haren lebetninabigin iluk, nendawimo eberek logolik welagi.

1RAJA-RAJA 11:39

At Salomo weak hilingite andiba, at Daud en tagomangge mene wene inoba fagain meneat he, wene inoba mondok-mondok fagain lego, iluk ikhe,” iluk yagatikhe.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

AYUB 30:23

Haren it afuni ineluk werek mene wa'laluk lagaikharek oba mondogat kaboget fisikhi lagen oba andoma, wo'narek laga lagen mene andi re an mondok nelu o.

AYUB 34:15

it yi mene ti mene ineluk werek mene a'nogo mondogat wa'laga logolik he, afuni re ambotkwe kweang asu hak.

AYUB 34:19

At Allah nen enek it ap raja inom, inenggi werek mene inom, inenggi lek mene inom, elalinafikhemo re, Aren he it ap raja halok enek inebikhit agik, nen it afuni inangge lek mene halok herakfisikhi logolik he it inenggi werek mene halok enek elokhomarogo hilinginafik, hilingiterek lek.

MAZMUR 22:14

Mene singa nen yi mene ti mene ebe halmakhigik nagaluk, ane kouwarik wagarek hak, iren an noasuogeluk inambe anghogo weri'lagwi.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

MAZMUR 58:7

Allah neisena, it inaik andoma langgorisan o, Tuhan neisena, mene singa ket souge mene aik tum hak mene andoma langgorisan.

MAZMUR 77:8

”At Tuhan nen he enggi mondok-mondok faget an nebe obokhogo laknobagaikhesik, endawit nabi'lago lek hea?

MAZMUR 79:3

O Yerusalem andoma bene mondogat he it inamep enek i hakhogo pikhi laga, nen inebe re aben ogo ekhe salinafa lek.

MAZMUR 90:10

Nit ninebe umur he we, 70 tahun huli nek welagorek. Mene re, ninomame werek halok enek he, 80 tahun huliba asi lagorek. A'nogo meneat he ninebe a'nogo nineluk logolik he yi enggin ti enggin hikhi logolik mondok welago. Nen ninebe umur endebat a'nogo wela'luk arat lek agorek andi.

MAZMUR 90:3

Haren he, afuni attak mene a'nogo ebe kweang abu'nengge mene elalhiginmo re, afuni inambotkwe kweang abu'nengge asuageluk hilingfisikhi lagen.

KELUARAN 21:13

Meneat he, ap andi nen wasigin iluk endawinggen wenggelek le'ma nen ferekhogo watfuluk halok he, humusek o obalik An nen yagahesigin oba andoma lagunem at ebe along pale'ma asigin.

PENGKHOTBAH 9:5

Afuni ineluk werek mene andi re wa'lasugun iluk he inelu logoumo fano, nen it afuni arat wa'lagaikha mene nen he yi'nogo ti'nogo mondogat inonggot werek. It inobaget wogisugu mene inom inoba eberek werek aple inom ekhe werek lek, nen inenu ogore inonggot agaikharegat.

RATAPAN 3:31

Tuhan nen nit ninebe mondok-mondok faget obokhogo lak ninobagagin lek.

YEHEZKIEL 18:23

Haren anggikhi logolik, An Tuhan Lego Mondok welagirek mene nen ap weak hilingitarek mene wa'lagu halok nagaiyek anggigirek anggegen? A'nogo anggigirek mondok lego! An nendawimo nagaiyek he at aweak andoma herakfuluk ebe elugat logoilep anggikhi lagi o.

IMAMAT 26:40

Oba nen he it hinombawi nen inom, nen hiren inom, An nane sagalogo fuluk hilingiti lagep mene andoma hiren inom, nen hiren tagomangge mene nen inom hinaweak fagetu halok,

BILANGAN 35:15

O kota falfaligen andem he, kota wesa mene enogo foumo, andi re hit ap hinunggulenu Israel mene faget inom, ap pok mene inambit we elama we'luk werek mene faget inom, athe ap pok mene femhogo we'luk hit hinanggele'ma werek mene faget inom logogin. Ap ekhe nen eranhogo lek oba nen ferekhogo ap ekhe pinggi watfuluk halok he heise re o kota andem misik ekheba kwi laga logogin.

BILANGAN 35:25

Afuni kabogesugun mene a'nogo nen he ap eranhogo legoba nen wate mene andi, it warek mene a'nogo agaila'lagen wasinogo iluk inebe nen kwe palogo hinago logolik, pilingiti logogun. Ap andire waluk nekhengge sugulogo re o kota wesa logogin oba omanogo waluk logoin. Waluk lamo at ebe andoma werek kwelek enek he, hun Imam Agung andem sambul logogin mene a'nogo wa'lasigin. A'nogo wa'lasumo nek he at a'nogo aiba eroma laga logogin. Oba nen he, at a'nogo o kota wesa aiba ailo nen heise lagain oba omanogo herakfuluk wulibi lambik hilingitunemen, ap wa'lasigin mene a'nogo agaila'lak en areng palogo herasimbik ebe pinggi wasugun halok he, iren unggulmo fogoin mene andi re ap pinggi watu mene hakhogo re fuk.

MATIUS 22:16

Abok palhi lagaukwasik he, ap it inagoromi inane wanhi lagaukwa mene inom, it ap Herodes werekwe mene inom, Yesus oba wene heinok wanuageluk lakfisa wagaukwama it andi wagaukwasik he, mel yagatukwa: ”Yesus noe. Hat hobabut he, wene eberogoat enek ikhi logolik, Allah endawimo nen, Afuni yi'nogo hilingiti logouwak, iluk anggikherek mene eberogoat yaganisikhi lagen andi nit ninelu o. Afuni inebe hailo legat logolik inelokhonggen oba nek isaluk he, ekhe helokhoma fisigik, ekhe hambotma fisigik, hilingisu lek hak hiikhi lago o.

KISAH PARA RASUL 10:34

At Petrus nen wene eroba nen yagaisikhi logolik he, ”At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lek, iluk yogondagen futfigi.

ULANGAN 10:17

At nineisena Tuhan Allah re, afuni ekhe nen hunogoat mene faget, Nineisena ebe andi aro, iluk agarek mene mondogat inom, yi mene ti mene omame werek mene mondogat inom, elo'lek hangge werek kwelek, At enek he, Ebe Esin Lego Omame mondok Hokho welagarek. Andi nen he, At ane hologo higithogo hilingiti logogun o. At he, it ekhe inebikhit aga logolik, ekhe abit welagik, it inebikhit asuageluk onggo hinagaisogo wogetunem wanhik, ikherek mondok lego.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.