2 SAMUEL 14:11 - Allah Wene Fano Wene Hupla Inane

¹¹ A'nogo yagatikhemo he a'nogo nen ekhe inom yagati logolik, ”An hamingmingengge nomalik wate mene andi faget ap ekhe nen an nen ogo unggulmo wasigin iluk hilingiti logolik, ap a'mage ekhe inom hokhorogo lagaluk an nomalik ekhe andi ogo wasinogore, noe haren heisena Tuhan Allah andiba samban in o,” iluk yagatikhe. A'nogo yagatikhemo at raja a'nogo nen yagati logolik he, ”Tuhan Eluk Mondok welagarek mene enuba hilingi'mo re, hat homalik oba yi'nogo ti'nogo we endebengge iluk ogo ekhe hilingfogoin mondok lego,” iluk yagatikhe.

2 SAMUEL 14:11 ပူးပေါင်းရင်းမြစ်များ

KEJADIAN 14:22

A'nogo yagatikhemo, at Abram en he, mel yagatikhe: ”Neisena Allah Enupogot esin mene logolik, pogot kweang elalhikhe mene andi oak, iluk hombuk palogo igiri'mo.

KEJADIAN 31:50

At Laban en ekhe inom ikhi logolik, ”Haren an nagainafuri weak mene inoba fegen halok hea, afuni alek mene ineil lek kwelek hemi amu mene woginabigin halok hea, Allah nen eil nisikhi logolik werek a'nogo wenggel hano!

2 SAMUEL 14:10

A'nogo yagatikhemo nen he raja nen onggo ikhi logolik, ”Ap ekhe nen inane yi'nogo ti'nogo iluk yagahetu halok he, an nambit woginarek we'no, hobuk ap andi nen hat hoba a'nogo ekhe lalhabigin mondok lego,” iluk yagatikhe.

2 SAMUEL 14:12

A'nogo isikhesik he a'nogo nen ikhi logolik, ”Noe henu mondok lego hagun, an nen nane we endebat halok, fano uak anggan,” iluk yagatikhemo, at raja a'nogo nen ikhi logolik he, ”Fano,” iluk yagatikhe.

2 SAMUEL 14:21

A'nogo isukwasik he at raja nen Yoab woletikhesik yagati logolik he,” Hat hendawimo anggikhi lagen mene andi re an nen tiphogo hilinghobagagin enggere, haren Absalom a'nogo hondosi laluk he waluk yoma we'no,” iluk yagatikhe.

1RAJA-RAJA 1:52

A'nogo yagatukwama at Salomo nen he, ”Aren fano hilingite halok he an nen wene endep halok ekhe oba fagain lego. A'nogo meneat he, at weak hilingite halok enek he, ebe wasugun o,” iluk yagaisasikhe.

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

BILANGAN 35:19

It aben ap amu mene wat fagain mene a'nogo agaila'lak horokhogo mene nen he ap wene oba fuluk pinggi watu aple andi hilingisugun fano. Nen ap agailak ekhe nen ap ware a'nogo hinakfuluk halok he ap andi pinggi wasigin andi fano.

BILANGAN 35:21

athe enggi yinggilogo inoasigin halok hea, ap andi ap ware andi nen he, at ebe pinggiat wasugun. Wasumo nen ap wa'lasigin mene a'nogo agaila'lak inom horoksek mene nen he ap unggum oba fuluk pinggi watu aple andi hilingisugun fano. Nen ap agailak ekhe nen ap ware a'nogo heragaisogo fembik halok he pinggi wasugun andi fanoat.

MATIUS 10:30

Hit he, hinesi hinungguloa'ma mondogat he at Allah nen enggi wenago welagarego.

KISAH PARA RASUL 27:34

Mene re, hit hinebe ekhe i lagik, hinoba endebat ekhe weak agik, igin mondok lego. Halok he, fano telobagaigen he, sumburu ekhe nobagaik iluk yagahisigi,” iluk yagaisasikhe.

1 SAMUEL 14:45

A'nogo meneat he, it afuni omanogo nen Saul mel yagatukwa: ”At Yonatan nen ap Filistin mene inoatemo ninomame ago meneat he, at ebe wasuageluk wene oba fogoin nogo? Mondok elo'lego. Weim yogondak he, nineisena Tuhan nen Yonatan omame wogotemo, at omame aga andi nen he, at ebe watik, oba endebat ekhe weaget figik, ugun mondok lek u hak he, esi ungguloa'ma misigat halok ekhe longgot fogoin mondok lego, iluk nineisena Tuhan enu hombuk palogo ogo o,” iluk yagatukwa. At Yonatan wene oba fuluk wa'lep mene, it afuni nen a'nogo telhukwa andi.

1 SAMUEL 20:42

Inendawimo a'nogo heiselhikhemo, at Yonatan nen Daud mel yagatikhe: ”Allah nen lebethiikhi logouwago. Nen, nit nemberek Tuhan eilhanem wene wat-wat ogo mene andi, Aren he, nit nemberek ninom, niren tagongge mene inom, wene andi fisogo logouwageluk, fetninarek mondok logouwago,” iluk yagatikhe. A'nogo isukwasik, at Daud lagaikhemo re, at Yonatan ambotkwe o kota wagaikheat.

1 SAMUEL 28:10

A'nogo yagatikhemo, at Saul en he, ”Tuhan eluk welagarek mene oak. Haren a'nogo igin andiba wene hoba fogoin mondok lego, iluk hombuk palogo wene watheti o,” iluk yagatikhe.