2 SAMUEL 13:5 - Allah Wene Fano Wene Hupla Inane

⁵ A'nogo yagatikhemo at Yonadab en at oba ikhi logolik he, ”Andi re enggin lek abi! Hat hebe ou wanhu mene hakhogo hilinglasimbik nogokhi logolik logoin. Nen, hat heisena nen kwelakhea wagu halok he at oba ikhi logolik he, ’Hunai, hele Tamar a'nogo wesimbik an sumburu nagain mene ekhe wo'nesuakhogoluk yagaheti o, at yoma wesimbik an nagain mene yoma nen isagaisogo wo'nesumo neilenggen nen hambik enek he, an nen higit nagain o,’ iluk yaga'no.

2 SAMUEL 13:5 ပူးပေါင်းရင်းမြစ်များ

2 SAMUEL 13:4

Andi nen he at Yonadab en he Amnon oba yagati logolik, ”Hun raja amlogo yi re, hat he linggene hundik-handik hoba sinurogo nek welagen andoma re nenahalok? Wene ninggi'nogo mene ekhe hilingigen?” iluk heinok wokhasikhe. A'nogo heinok wokhasikhemo at Amnon nen ikhi logolik he, ”An he hele Tamar an nare Absalom erei andiba nendawinggen nunggu nen hilingiti lagi o, nare,” iluk yagatikhe.

2 SAMUEL 13:6

A'nogo yagatikhemo, at Amnon a'nogo ou wanhu mene hakhogo wengik logolik welagaikhe. A'nogo were'ma nen at Daud a'nogo amlogo neilenggen hagain iluk wagaikhemo re, At Amnon nen ikhi logolik he, ”Hunai, hele Tamar a'nogo wesimbik kue ekhe werasumo nek he, an sumburu na hak hilingnabigin enggere wesuakhogo yaga'no o, neisena,” iluk yagatikhe.

2 SAMUEL 16:21

A'nogo yagatikhemo, at Ahitofel en he, ”Hat hebe heisena amingmingengge mene agagwi woginafikhe mene o heisena aiba serogo logouwagaluk fisaluk laga mene andoma inoba kwimbik he hinom nogo ino. A'nogo hilingisigin andiba, afuni Israel mene mondogaren he, At eisena mondok apsiri nen hilingite higi, iluk futfigik, ap hat hombo'ne wagaikha mene andi ebenagaik inailo mondok legat hilinglagik, ugun o,” iluk yagatikhe.

AMSAL 19:27

Namlogo e, haren ekhe inom yanggulhi'lek hilingisigin halok he, haren attak yanggulhiginmo helu aga mene aremnogo onggorasigin aro.

KISAH PARA RASUL 23:15

Halok he, hit ap wene ero pilingitarek mene hinomen he, at tentara inoe kain a'nogo nen, Paulus ebe hinoba waluk wesuageluk lisu mel iluk palogo lakfeino: Niren Paulus anema senggerogo wanuageluk ebe ninoba waluk we'nogeluk kino yagaheto, iluk lakfeino. A'nogo lakfoumo, aren eberogoat iluk hinoba waluk wesigeluk wagunem, nit Paulus ebe wasuogeluk ebekhalem salfembik logogun o,” iluk