2 SAMUEL 13:36 - Allah Wene Fano Wene Hupla Inane

³⁶ At a'nogo we ane kerat isikhesik were'ma nen he, it Daud againafuri omanogo o Daud were'ma a'nogo kwi lagaukwa. Kwi lagaukwasik he, it a'nogo le agunem at Daud inom, at amingmingengge omanogo inom he inebe mondogat inendawi ane tuk-tuk le agaukwa.

2 SAMUEL 13:36 ပူးပေါင်းရင်းမြစ်များ

2 SAMUEL 12:21

A'nogo hilingitikhemo, it ap at amingmingengge mene nen ineilenggen hasukwasik he, mel yagatukwa: ”Noe, yenggerek andi ebe eluk oba re, hat sumburu ninggi'lek logolik, le aga lagen a'nogo meneat he, ebe arat wa'lagama nek he, hebe menlagendik sumburu nenggen andi re, nit futfogo mondok lego,” iluk yagatukwa.

2 SAMUEL 13:15

Oba nen he a'nogo weagerogo fesikhesik at Amnon a'nogo nen he Tamar oba abit agaikhesik oba haro fesikhe mene andi re attak endawinggen nunggunem hilingiti lagaikhe mene aremnogo re we endep hak oba nen he ebe hilingitikhesik a'mage agot oba fesikhe andi nek he mondok hokho mene. A'nogo hilingitikhesik he aren agot a'nogoba ikhi logolik he, ”Hela, wulibin!” iluk yagatikhe.

2 SAMUEL 13:35

Andi nen at Yonadab en raja oba ikhi logolik he, ”A'li re hat noe hagainafuri omanogo pi weri'lagwi a'li! An fage yagaheti a'nogo re eberogo nen igimo,” iluk yagatikhe.

2 SAMUEL 13:37

Nen, a'nogo hilingitu kwelek, at Absalom a'nogo re o kwe ambe at raja Talmai hun Amihur amlogo o Gezur mene a'nogo awi sili wuri'mo omanogo lagaikhesik welagaikhe. At ebe andoma werek kwelek enek he tahun henagan hilingitikhe. Nen, at Daud a'nogo re at Amnon faget he aninurogo fong watu welagaikhe.

2 SAMUEL 18:33

A'nogo yagatikhemo, at raja wene andi esanggo holhikhesik, endawimo mondok weak agaikhesik he o senggelek ambolkwe meneba kwe ambe palek a'nogo amboloba le arik lagasikhesik mel isikhe: ”Namlogo e. Absalom, namlogo e. Absalom namlogo e. Hat hobali'mo an wa'lasu mene, Absalom namlogo e, namlogo e,” iluk le agaikhe.