2 SAMUEL 13:3 - Allah Wene Fano Wene Hupla Inane

³ Nen at Amnon agailak ekhe awenggelek mondok weak mene enu re Yonatab, at Daud oe hun Simea amlogo andi welagaikhe.

2 SAMUEL 13:3 ပူးပေါင်းရင်းမြစ်များ

KEJADIAN 3:1

At nineisena Allah nen, yi mene ti mene enggi lek mene inom, werek mene inom elalhikhe mene andi mondogat he, we inobabut endebat lioksek meneat he, at kisu andi nek he, obabut mondok weak mene welagaikhe. Obabut a'nogo lagokse'ma re, he andi mel yagatikhe: ”He yi, Allah nen he, hit yabumo e enggen awi yagokwe yoma mondogat enggen ninggi logou fuk, iluk, eberogoat yagahisikhe a?” iluk heinok wokhasikhe.

KEJADIAN 38:1

Andem higit he at Yehuda a'nogo agaila'lak herakfisaluk he hun Hira it o kota Adulam mene inom welagaukwa.

KEJADIAN 38:20

Inenggi miren hak welagaukwasik at Yehuda nen Hira are a'nogo obare kambing a'nogo waluk wogosi laluk he, endawi litungge wogotikhe mene omanogo waluk wesuageluk wogotikhemo lagaikhe oba nen he, at Hira nen he a'nogo inom ambi agaukwa lek.

2 SAMUEL 13:2

At endawinggen nunggunem endawimo nen he, hele ari ninom nogoilo agwi iluk ebeti lagaikhe. Oba nen he at Tamar ebe agun oan heligi'le'ma, nen ap inom ogore nogogu aple oan hilingi'mo, at Amnon a'nogo nen ninggi'nogo ninom nogoilo e, iluk anggikhi lagaikhe. At a'nogo endawimo hundik-handik ebetu were'ma re oba ou hunitikhe.

2 SAMUEL 13:32

Oba nen he, at Yonatab hun Simea Daud oe amlogo a'nogo nen ikhi logolik he, ”Neisena raja haren he hagainafuri inebe mondogat omanogo wa'lagaikha iluk hendawi wenggelhi logolik, hoba sinurogo werek lego. We at Amnon a'nogo nek wata o. At andi nen hele Tamar a'nogo inom nogogama weagerogo fikhe a'nogo nen he, at Absalom endawimo sebelek werek engge a'nogo re yogondak weinam aga yi o.

2 SAMUEL 13:4

Andi nen he at Yonadab en he Amnon oba yagati logolik, ”Hun raja amlogo yi re, hat he linggene hundik-handik hoba sinurogo nek welagen andoma re nenahalok? Wene ninggi'nogo mene ekhe hilingigen?” iluk heinok wokhasikhe. A'nogo heinok wokhasikhemo at Amnon nen ikhi logolik he, ”An he hele Tamar an nare Absalom erei andiba nendawinggen nunggu nen hilingiti lagi o, nare,” iluk yagatikhe.

2 SAMUEL 14:2

andi nen aren he ekhe afe hebelek mene o Tekoa were'ma hondosi loageluk miminginafikhe. Miminghogo lakfisasikhemo re, he a'nogo hondo'luk wagaukwama, Yoab en he a'nogoba ikhi logolik, ”He hat he heranhogo afuni fong watarek mene hakhogo logolik hasu pelagi su laberogo re amusu amben fano mene inebene yugulharek mene omanogo yugulhi'legengge logoino. A'nogo logolik he, hemi inaguni inendawi mondok hundik mene wa'lagunem inenggi aninurogo le agu wela'luk hakhogo logoino.

2 SAMUEL 21:21

A'nogo logolik he, aren it Israel mene faget piliphogo pelaginafi lagaukwama re abo Yonatan hun Simea amlogo at Daud oe a'nogo nen warogo fesikhe.

1 TAWARIKH 2:13

At hun Isai againafuri re inebe sabiren welagaukwa. It inebe ta'larik wagaukwa higithogo umur higit-higit he yi: manggusa mene re Eliab, ombo'ne re Abinadab, ombo'ne Simia,

1 TAWARIKH 27:32

At raja Daud eisena agot Yonatan andi re, ap komorinafu mene faget he mondok hibil-hebelsek logolik, elu mondok agun welagaikhe. At inom hun Hakhmoni amlogo Yehiel a'nogo inom he at raja againafuri faget sekolah yagaisikhi logouwageluk fisasikhe.

ESTER 5:10

Oba nen he aren yi'nogo ti'nogo ekhe hilingiti'lek sebel fakhasikhesik he aiba lagaikhe. Lagaikhesik at Haman nen he agaila'lak omanogo wesuageluk inayonggo fesikhesik he, at agwe Zeres a'nogo ogo it inom seberogo hurek logouwageluk yagatikhe.

ESTER 5:14

A'nogo isikhemo holhukwasik he at agwe inom at agaila'lak omanogo inomen he wene yi'nogo yagatukwa, ”Aben e liagaisogo ap inebe eba porogo fisugu mene uanhogo re 25 meter en hilingisuageluk yagaisan. A'nogo hilingfembik he e andiba at Mordekhai andi paku warogo eba fouwageluk at raja ba kino yaga'no. A'nogo hilingiten halok enek he hat hebe seni andiba hendawinggen hambukhogo nagain.” iluk yagatukwa. A'nogo yagatukwama re, at Haman nen he wene noba aga mene andi re fano anggasikhesik, aren he e ap paku warogo fisagarek mene a'nogo weak-weak hilingisuageluk yagaisasikhe.

ESTER 6:13

Lagaikhesik he aren agwe inom agaila'lak inom inoba re wene agaikhe mene omanogo mondogat tindelisasikhe. A'nogo tindelisasikhemo it at agwe inom nen agaila'lak inafe hebelek inap omanogo inomen ikhi logolik he, ”Hun Mordekhai andi re, Yahudi agun hilingik enggere haren at sebelogo fou lek hak, aren hat halong legaphogo hobagau hak. Nen eberogo nen he aren hat homame leget hobagau hak andi,” iluk yagatukwa.

AMSAL 19:6

Afuni inebe lombogen ap kaindek mene inendawi wanuogeluk inomamerogo hilingitarek, afuni inebe mondogen he ap yi mene ti mene inendawi fano wogisagarek mene ninom kam warogo logoilo e, anggagarek.

YEREMIA 4:22

Tuhan nen ikhi logolik, ”An nagainafuri andoma re mondogat kemburego, iren An fut nobagali'lagwi lek. It he omalik kembu mene hak hilingik logolik, wenggelhu mene endebat iluk ogo werek lek, inaniniba hilingisugun mene a'nogo faget enek he hibil-hebelhogo hilingiti logolik, fanorogo hilingisu mene omanogore mondogat nonghong sego,” iluk ikhe o, isikhe.

1 KORINTUS 3:19

Afuni kweangma mene nen he: ”Nit afuni ninawene ninendawimo mondok kagalek,” iluk anggili'lagwi halok he, Allah nen he, ”Inendawinggen nonghongsek werego,” iluk anggikherek. It ap Allah ane lisu palogo fikhi lagaukwa mene nen he: ”Paik hele fugunem watarek hak, it afuni kweangma mene yoma inendawimo kagalek hak logolik lalinabi'lagwi andiba, ke'noget lagunem he, Allah nen weagerinabigin werego,” iluk lisu palogo fesukwa.

YAKOBUS 3:15

A'nogo hilingitarek andi re, Allah nen inendawinggen kagalhunem hilingitarek fuk. We, ero at Iblis nenat inendawinggenma kagalhunem afuni kweangma mene inobabut inetogat logolik inamolo anggagarek mene hilingitarego.

HAKIM–HAKIM 14:20

A'nogo wagaikhemo, at Simson agwe a'nogo eisena nen he ap hunogo mene Simson agwe ebe iti logolik welagaukwa mene omanogo ekhe wogotikhe.

1 SAMUEL 16:11

A'nogo yagatikhesik, ”Hat hagainafuri ap inebe ya ara?” iluk heinok wokhasikhemo, at Isai nen he, ”An namlogo elabo mene ekhe werek meneat he, wam domba waluk lagasik konik nikho o,” iluk yagatikhe. A'nogo yagatikhemo, at Samuel en he, ”At andi oan wagi'lek werek kwelek, nit wam isago nogoin mondok lego, andi nen he, ayonggo ap ekhe lakfisan o,” iluk yagatikhe.

1 SAMUEL 16:9

A'nogo yagatikhemo, amlogo Syama menlasi loageluk yagatikhemo lagaikhe meneat he, at Samuel en he, ”At yi ogore, nineisena Tuhan nen wenate mene legaro,” iluk yagatikhe.