2 SAMUEL 13:28 - Allah Wene Fano Wene Hupla Inane

²⁸ Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.

2 SAMUEL 13:28 ပူးပေါင်းရင်းမြစ်များ

KEJADIAN 9:21

A'nogo yakfesikhesik anggur amusu nasikhesik he, obakheindok palagaikhesik asu ninggi'nonggok hogo lakfesikhesik alfulukwa kogougat o sabumo nogo ikhi lagaikhe.

2 SAMUEL 11:13

Ayonggo a'nogo fesikhemo sumburu inom ninggi logolik, at Daud en he, i anggur amusu mondok hokhorogo wogotikhemo, ebe sini'nuk palogo obakhe palagaikhe. A'nogo hilinglagaikhe meneat he, at Uria aiba lagi'lek kamo isikhesik, it ap o andoma serogo welagaukwa mene inaiba aselimut talogo nogo isikheat.

2 SAMUEL 11:15

At Daud surat andi Yoab oba palogo lakfikhi logolik, mel yagatikhe: ”Ap Uria andi ebe selei mene nen wasuakhogo re weim mondok aninirogo weri'lagwi fikhit andoma elokhoma feino, fuluk he aren yethiigi'lek werek kwelek he nabel-habel herakfuluk wulibi we'no,” iluk palogo lakfesikhe.

2 SAMUEL 12:10

Haren An nane sagalogo fegendik, ap Uria agwe andi helegenma re, o yogondak huli nen mondok-mondok andoma re haren tagomangge mene ambisangma andoma re weim ambisangma nen enek inoatunem wa'laga logogun o.

2 SAMUEL 13:27

Oba nen he at Absalom a'nogo nen ninghogoat mimingitu weregen he, At Daud en he, ”Amnon inom nen nagainafuri fena omanogo hinomat lani o,” iluk yagatikhe. [A'nogo yagatikhemo re lagaukwasik at Absalom en nunggungge mondok fano mene onggo hokho mene nek isagaisogo liafikhe.]

2 SAMUEL 14:6

An hamingmingengge nagainafuri ap mene inebe pire, nen linggene misik sambul he o leimo omanogo nen yei fesukwasik he ap telinafu mene ekhe le'ma re at ekhere ebe pinggi wa'laga.

1RAJA-RAJA 20:16

A'nogo hilinglagaikhemo re, iren o pin talogo inoasi kugun mene a'nogo re o linggene erotukwa, erotukwasik at Benhadad agaila'lak raja amu mene inebe 32 nen sebetukwa mene omanogo inom he inawi wuri'mo kwisukwasik i lugu-lugwi palharek mene ninggi logolik were'ma nen kwi lagaukwa.

ESTER 1:10

A'nogo isatikhesik linggene sabirenggeba re, at raja a'nogo i nasikhesik he agaiyek mondok agaikhe. Andiba re aren it ap inouwali waganek logolik at onggwarek faget yabu hilingitu mene inebe sabiren aremnogo wolinafikhe. It andem inenu re: Hun Mehuman inom, Bizta inom, Harbona inom, Bigta inom, Abagta inom, Zetar inom, Karkas inom, andem.

MAZMUR 104:15

Ninendawimo ninagaiyek hogoluk anggur amusu hilingisogo ninggik, Ninelokhonggen heanerogoluk zaitun amusu hilingisogo ninggik, Ninebe ninomamerogoluk yi mene ti mene yagaisogo ninggik, ikhi logouwageluk Harenat hilingninobagakhi lagen.

KELUARAN 1:18

A'nogo hilingiti lagaukwa andi nen at kain nen hemi pire omalik taginafunem leberisikhi lagaukwa mene aremnogo wolisasikhesik he, heinok yi'nogo wogisasikhe: ”Hiren omalik ap mene inoati'lek ineluk herakfisikhi lagep andi nenahalok?” iluk yagaisasikhe.

PENGKHOTBAH 10:19

Seni isago werek halok he inagaiyegen endo agik, anggur agai werek halok he inendawimo hai agik agarek, oba nen andoma mondogat he a uang lombok werek.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

DANIEL 5:30

A'nogo yagaisasikhesik were'ma, o hubanggo andi sambul, it afuni Babel mene inoe raja Belsyazar a'nogo ebe watukwa.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

KISAH PARA RASUL 5:29

A'nogo yagaisikhi lagaukwama re, it Petrus lak, Yesus nen inayonggo fuluk lakfisasikhe mene omanogo nen he, ”Nit he, afuni mene inane hologo hilingiti'lek, Allah ane andiat hologo hilingisugun o.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

HAKIM–HAKIM 19:22

A'nogo hilingiti logolik inagaiyekhogo werek kwelek he, ferekhogo aremnogo ap inobabut weak mene o kota andi mene nen o a'nogo labesi lagaukwasik iren kwe sou henambik telhi logolik he ap yaman mene a'nogoba re, ”Ap haren hondoginarek haiba fisa wagen mene andi niren hilingisuogen he nit wo'nisan o,” isukwa.

HAKIM–HAKIM 19:6

Ma re, ap Lewi mene a'nogo hu'lagaikhesik hele a'nogo eisena inom i ninggik, sumburu ninggik, isikhe. Oba nen he a'nogo hilingitukwasik a'nogo logoin iluk menlagunemen he hele eisena a'nogo nen elele wanhi logolik he mel isikhe, ”Hinagaiyek-hinagaiyek aple andoma hilingisimbik hinebe yoma nogoni” iluk isikhe. Ma re ap Lewi mene a'nogo enggi ekhe inomat andoma welagaikhe.

HAKIM–HAKIM 19:9

”Andi nen he ap Lewi mene a'nogo amingmingengge inom, hele agweaberasikhe mene a'nogo inom he logoin iluk ugunemen hele eisena a'nogo nen ikhi logolik he, ”O mondok hup asigiluk ili'lago enggere hit hinebe yoma hinagaiyekhogo nogoni. Ohealek enek he hit hinebe hubethogo menla'luk hinaiba lobagaigen o,” iluk yagaisasikhe.

RUT 3:7

At Boas sumburu inom, i inom, alabut ninghogo nasikhesik, oba hambuk isikhemo re, gandum enggen palogo fesukwaba era'lu horokhogo andoma nogo i kwisikhe. Nogo a'nogo i kwisikhemo, at Rut a'nogo ling long kwisikhesik he, Boas aselimut salek mene lekhasikhesik he, eiso'ma horokhogo weinglasi kwisikhe.

1 SAMUEL 18:22

A'nogo yagatikhesik, at Saul agoromi nen wene hinagaisogo Daud yagasuageluk oba lakfisasikhemo, lagaukwasik mel yagatukwa: ”At Saul ebe inom, agoromi mondogaren inom, hat hebe inendawi werego. Yogondak haren a'logo wanigin obaat wanigin o. Andi nen he, eberogoat wanino o,” iluk yagatukwa.

1 SAMUEL 28:10

A'nogo yagatikhemo, at Saul en he, ”Tuhan eluk welagarek mene oak. Haren a'nogo igin andiba wene hoba fogoin mondok lego, iluk hombuk palogo wene watheti o,” iluk yagatikhe.

1 SAMUEL 28:13

A'nogo yagatikhemo, at raja Saul en he, ”Hailo lego. Heilenggen yethegen mene andi yaganom,” iluk yagatikhemo, at he a'nogo nen he, ”Munggwat ekhe kweang a'ma nen lagai wagunem yethigi o,” iluk yagatikhe.