2 SAMUEL 13:25 - Allah Wene Fano Wene Hupla Inane

²⁵ Oba nen he at raja a'nogo nen onggo yagati logolik he, ”Lego, namlogo, nit ninebe mondogat andoma wesumo nen he hat hoba engginet fogo hanogo o,” iluk yagatikhe. A'nogo yagatikhemo nen he at Absalom a'nogo nen mimingituat weregen he, at eisena nen he, Andi re fano hilingi'no, iluk yagatikheba nen he, ”An he eberogo nen wesigin lek,” iluk yagatikhe.

2 SAMUEL 13:25 ပူးပေါင်းရင်းမြစ်များ

2 SAMUEL 13:24

Nen, aren raja Daud ambit lagaikhesik yagati logolik he, ”Hunai, an he wam domba esi palhunem seni isasigin enggere, hunai hat inom, it ap hokho inap o silimo yoma werek mene omanogo inom wesugun namolo o,” iluk yagatikhe.

2 SAMUEL 13:26

A'nogo yagatikhemo at Absalom en ikhi logolik he, ”Ariginik halok he, An nagailak Amnon a'nogo an ninom logoin nen he fano in,” iluk yagatikhe. A'nogo yagatikhemo re at raja nen he, ”At andi hinom logoin lego,” iluk yagatikhe.

2 SAMUEL 14:22

A'nogo yagatikhemo at Yoab a'nogo Daud a'ma eindep awi yagaisogo fogeratikhesik he yi'nogo isikhe, ”Neisena haren an hamingmingengge nen yi'nogo hilingnabin iluk kino yagaheti mene a'nogo nane holhen andiba re neisena haren an hamingmingengge yogondagen hendawit nabigin higi iluk arat nelu aga o. We At Allah nenat neisana hat hebe fanot hafi logouwak!” iluk yagatikhe.

LUKAS 14:23

A'nogo yagatikhemo, oe a'nogo nen amingmingengge a'nogo yagati logolik, mel yagatikhe: Halok he, seni isakfigi mene yi, it afuni attak inayonggo figi mene andi na wesugun mondok lego, iluk yagaheti o. Halok he, afuni o kota yiba endakwe mene, ebekhe hokhokwe, endepkwe, yugunat welagaikharek mene andoma an naiba yoma o peterogo kwi wesuagen he, hane omamerogoat yagaisilik lambik woginarek fisa we'no o, iluk yagatikhe,” iluk Yesus nen yagatikhe.

LUKAS 24:29

A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa.

KISAH PARA RASUL 16:15

Wene a'nogo wanhikhemo re, at ebe inom, it afuni at aiba misi'mo welagaukwa mene inom, ima pelaginafukwa. Pelaginafukwama, at Lidia nen he, ”An faget hit hinendawimo nen, at endawinggen Tuhan oba eberogoat himbiret fikhe higi, iluk hinendawimo anggegep halok he, an ninom logouwogen, ninom louwogo,” iluk ane ninghogo yaganisasikhemo re, ninom lagagu.

RUT 2:4

A'nogo andogorik lagunem, welagi'le'maat, at Boas o Betlehem en lagaikhesik afuni jelai enggen palhi lagaukwa mene omanogo hai warinafi logolik, ”Tuhan nen fethinarek logouwago,” iluk yagaisasikhemo, iren he, ”Harogo, Tuhan nen fanothafi logouwagaro,” iluk yagatukwa.