2 SAMUEL 13:23 - Allah Wene Fano Wene Hupla Inane23 A'nogo hilingitukwasik oba nen he tahun pire welagaukwasigen at Absalom a'nogo re o Baal-Hazor o Efraim horokhogo omanogo wam domba esi palhunem seni isatikhe. Nen, a'nogo isati logolik he, at raja againafuri ap mene re inebe mondogat inayonggo fesikhe. အခန်းကိုကြည့်ပါ။ |
2 SAMUEL 13:23
13 ပူးပေါင်းရင်းမြစ်များ
A'nogo hilinglagasik, wam domba inom, sapi ai mene inom, otholik mene inom, hokhorogoat Allah faget fisikhesik pesta hilingisigiluk ap hat hagainafuri inom, Allah eisewerek mene Abyatar inom, Yoab tentara inoe woginarek nikherek mene a'nogo inom, inayonggo fikhe meneat he, hamlogo Salomo nek he ayonggo figi'lego.
O yogondak yi sambul he, at anggo domba inom, sapi ai mene inom, otholik mene inom, hokhorogoat Allah faget fisikhesik pesta hilingisigiluk, ap hat hagainafuri mene mondogat inom, hagoromi tentara inogogwi kaindek panglima mondogat inom, ap Allah eisewerek Abyatar inom, inayonggo fikhesik pesta hilingiti logolik mel ili'lagwi andi: Ninoe raja re Andonia logouwago, iluk inane ami'mit hokhorogo sup ili'lagwi o.
At Andonia nen a'nogo tegelogo fesikhesik, inenggi ekhe sambul anggo domba inom, sapi ai mene inom, otholik mene inom, Allah faget warogo o helep enu ”Walo helep oba,” iluk agarek oba i elesi En-Rogel horokhogo andoma nolesigiluk, raja Daud againafuri ap fenakwe inom, Daud agoromi inunggulenu Yehuda mene at aiba welagaukwa mene inom, inayonggo fesikhemo lagaukwa.
A'nogo hilingitu were'ma raja Mesa afuni Moab mene ineisena andi re anggo domba tati lagaikhe agun. A'nogo tati logolik he, aren kweang onggo fagarek hakhogo re raja Israel mene faget fei waga logolik he, tahun hundik-hundik oba domba eagwi re 100 ribu nen inom, nen domba ai mene ebe 100 ribu nen omanogo esi palek inom fei waga lagaikhe.
Hun andi re yabu wanhu mene faget agaiyek welagaikhe andi nen he, o tomkwe omanogo anggur yabu hilingiti logouwageluk inom, kweang muli kwe omanogo hilingiti logouwageluk inom he, ap hokhorogo kwelaginafikhe. Aren he o leimo omanogo helep oba mondok omamerogo uanhogo wurik lagagik, at anggo tati lagaukwa mene mondok hokhorogo welagaikhe mene agai nunggu mene faget tonggo kwe inom, punukwe inom, mo ubuk ikherek fikhit inom, i mogo yenggelhukwe iluk kweang hokhorogo habulik lagaikhe.
At omanogo lagunemen he o kota Maon omanogo re ap misik ekhe enu Nabal hun Kaleb ambisangma mene nen tagongge mene welagaikhe. Hun andi re aren anggo takhuguba faget he kweang o Karmel horokhogo andoma welagaikhe. At ebere enggi werek agun logolik anggo domba re 3.000 nen welagaikhe. Nen anggo kambing he 1.000 nen welagaikhe. At agwe Abigail andi re mondok hebelek logolik he, ebe ogo mondok fano welagaikhe. Oba nen he at agun Nabal andi re obabut mondok haferek logolik mondok weak mene nek hilingiti lagaikhe. Linggene misik sambul he at Nabal a'nogo o Karmel andoma anggo domba esi palhi lagaikhe.
A'nogo yagatikhemo at he Abigail a'nogo sugulogo hun Nabal ambit wagunemen he, it ap raja nen seni isatarek omanogo hakhogo oloba seni hokho mene isati lagaukwa. A'nogo isati logolik at Nabal a'nogo lugu-lugwi palhikhesik agaiyek hokhorogo hilingitunem he, at agwe nen wene yi'nogo ti'nogo iluk ekhe yagati'lek werek kwelek enek he hobit huli agaikhe.
An nesanggo holhunemen hat he, hundik-handik hanggo domba esi nek pali'lago, ugunem holhi lagi o. Nen, ekhe hat hagainafuri hanggo hali'lagwi mene it inebe nit ninawi fikhit were'ma ogore niren yi'nogo ti'nogo iluk inoba fikhi lago lek, nen it inebe o Karmel logolik oba re it inangge mene misik ekhe longgo ikhe lek mene andi re harogo helu asuago.
ကြော်ငြာတွေ