2 SAMUEL 13:22 - Allah Wene Fano Wene Hupla Inane

²² At Absalom en he at agot Tamar inom nogosukwasik ebe weaget fesikhe mene a'nogo faget Amnon oba a'marikhogo endawimo sebelek logolik he, at inom ane matu aple abithogo welagaikhe.

2 SAMUEL 13:22 ပူးပေါင်းရင်းမြစ်များ

KEJADIAN 24:50

A'nogo yagaisasikhemo, it Laban Betuel emberegen he, mel yagatukwa: ”Wene hilinglaga mene egen andoma, At nineisena Tuhan Allah nen hilingitesi'mo re, niren wene yi'nogo ti'nogo ekhe ugun mondok elok lego.

KEJADIAN 31:24

Andoma wagaukwasik hup nogokhi logolik Laban abi wokhugunemen, Allah ambit wagaikhesik yagati logolik, ”Hat haneba nen wene misik iluk at Yakub ailo asu mene ekhe yagatun o,” iluk yagatikhe.

KEJADIAN 31:29

Andi nen wene andi re an nen hat hoba weak hilingisogo fouba nen he, o yogondak hubanggo Allah hat heisena nen fogerati laga mene a'nogo nen nabiba yaganeti logolik, Haren Yakub oba yi'nogo ti'nogo ekhe hilingisu fuk, iluk komotnafe.

2 SAMUEL 13:21

A'nogo were'ma re at raja Daud a'nogo nen agaikhe aple a'nogo faget esanggo holhikhesik he, at a'mage mondok hokho mene lagasikhe.

AMSAL 10:18

Ap ekhe nen abit anggikherek mene andi endawimo hinago werek halok he, ap lalinaferek menere ebe andi aro, ap ekhe ane nen lalogo sagarik laga halok he ap andi kembu mene werek.

AMSAL 25:9

Hagailak ekhe hinom weak mene hinelokhoma aga halok he, at andi hinom enek pilingisogo leget fisugu nogo. Oba nen he it ekhe inawene faget he haren weinamet fou fuk.

AMSAL 26:24

Ap li'norinaferek mene re ambeba nen ane fanorogo ikherek mene hangge ikherek, oba nen he endawimo re eranhogo wene nek peterek logoligen ikherek.

AMSAL 26:26

At awene weak mene omanogo endawimo hinakfakhagain oba nen he, ap hokhorogo nen weak hilingisigin mene andi enegat hambik inelu asugun.

PENGKHOTBAH 7:9

Ap morue mene nen ina'mage lagaikherek mene andi inendawimo hinagaisogo fetaluk welagaikharek hilingi'mo re, ina'mage weak-weagat lagaikherek andi weak.

MATIUS 18:15

At Yesus nen a'nogo yagaisasikhesik ekhe mel yagaisasikhe: Hat ekhe herei hagaila'lak ekhe nen weak hilinghafe halok he, hat at oba lambik hemberek hinalegat logolik he, ”A'nogo hilingi-sugun elo'lego,” iluk fakhogoat komo'no. A'nogo komotunem esanggo holhe halok he, fakhogo legetfisambik hemberek fano asugun.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

EFESUS 4:31

Inane haro weak igik, ina'makwe het-pet igik, ina'mage lagaluk, inane uarek-puarek wene palhik, ineranhogo inabok weak palhik, agarek mene andi herakfisikhi logolik he, weagerinafarek mene inom mondogat herakfisikhi logoino o.

1 YOHANES 2:11

A'nogo meneat he, ap sa nen erugwi agaila'lak abit welagarek halok he, at ebe o mum oba werego. A'nogo were'ma, mum en eilenggen mumetfikhemo ebe o mum oba nikhi logolik, ”Koma laga lagi heat,” onggot obakhe palek werego.

1 YOHANES 2:9

Nen, ap sa nen, ”An nebe selek oba welagi,” iluk ikhi logoligat he, erugwi agaila'lak abit halok he, o fagearen pikhit yogondak ya, at ebe mum oba werego.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.

1 YOHANES 3:12

Niren he, at Kain ebe Iblis obabut weak mene andi amlogo agaikhesik onggwarek agot watikhe andi hak hilingisugun lego. Aren agot watikhe andi nenahalok watikhe nogo. At hilingiti lagaikhe mene weak mondok, nen, agot hilingiti lagaikhe mene fano mondok, andi nenat watikhe o.

1 YOHANES 3:15

Inerugwi inagaila'lak inabit welagaikharek mene andi, it inebe lombok afuni inoare mene aro. Nen, it afuni inoare mene andi, inebe lombok nabulal-habulal eise agi'lek mondok werek, iluk ninelu o.