2 SAMUEL 12:8 - Allah Wene Fano Wene Hupla Inane

⁸ A'nogo telhafigisik, at Saul en ferinarek welagaikhe mene andi, hat wokheti logolik, at agagwi mondogat wokhetigiat anggigi. A'nogo wokhetigisik, hat hebe afuni Israel mene inom, Yehuda mene inom, inoe henupogot logoinogoluk menhobagasigi. Ariginhafigi a'nogo mene re, hat hendawimo nen andem elo'lek anggegen halok he, An nen andem higithogo ekhe inom eberogoat wokhesigin aro.

2 SAMUEL 12:8 ပူးပေါင်းရင်းမြစ်များ

2 SAMUEL 12:11

Ero hat honggwarek hagainafuri weak enat, yi enggin ti enggin hinoba fakhikhi logogun o. Nen, An nen he hat hagagwi honggwarek heil kumurinarek kwelek waganogo re ap amu mene ekhe wogisugunem, aben lingge tulem werek kwelek omanogo inom nogokhi logogun o.

2 SAMUEL 12:2

Logolik, ap kain enggi werek mene a'nogo re anggo yi wam ti wam inom, domba inom, hokhorogo welagaikhe.

2 SAMUEL 2:4

A'nogo wagaukwasik were'ma, afuni Yehuda mene o Hebron wagaukwasik, at Daud ebe it inoe raja logouwagaluk menfesukwa. A'nogo menfesukwama afuni nen he, ”At Saul ebe warek a'nogo re afuni Yabesh mene o Gilead werek mene omanogo nen kweangma salha,” iluk isukwama esanggo holhikhesik he,

2 SAMUEL 5:5

Nen, at o Hebron logolik afuni Yehuda mene ferinarek 7 setengah tahun welagaikhe. Hobuk, at ebe Yerusalem wagaikhesik logolik, afuni Israel mene inom, Yehuda mene inom, ferinarek 33 tahun welagaikheat.

2 SAMUEL 7:19

Neisena Tuhan nen, nit fetninarek welagen mene andi esin meneat he, andi endebat hangge. Oba nen he, hobuk afuni an nen tagongge mene fano hilinginafi logogiluk wene wa'neten andi nek he mondok esin hokho mene o, neisena. An nebe afuni meneat, hat hebe Tuhan Allah nen wene nit hobuk hilingninafi logogin mene faget yaganeten andi, neisena.

2 SAMUEL 9:7

A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

1RAJA-RAJA 2:22

Andi isikhemo at Salomo nen ikhi logolik he, ”Wene andi faget he nenahalok nagaisa haren an noba ikhi lagen? Andi re an nen raja logolik hurek welagiba yi at oba wogosu hak ikhi lagen. Nen, at andi re an noe lek nogo. Nen, ekhe at imam Abyatar inom Yoab inom ogore at ebikhit werek omanogo ri!” iluk isikhe.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

1 SAMUEL 15:19

A'nogo meneat he, haren nineisena Tuhan nen, yi'nogo hilingi'no iluk yagahete mene ane hologo hilingiten lek andi nenahalok? At ane holhi'lek a'nogo hilingiti logolik, yi mene ti mene hugulengge henggiabisak wanhen andi nenahalok? A'nogo hilingiten andi nen, nineisena Tuhan endawimo weak aga o,” iluk yagatikhe.