2 SAMUEL 12:31 - Allah Wene Fano Wene Hupla Inane

³¹ Andi nen it afuni andoma mene re lirinarek laga logolik gergaji inom, posiemanggen meneba nen habulharek mene inom, yaga posie inom, helaluk logoin iluk yagaisasukwasik, it a'nogo ineabu helep kweang tangge mene endu oba weratuba omanogo hilingiti logouwageluk fisasukwa. A'nogo hilingfisasukwasik he at Daud inom agoromi sikhe fisogo mene omanogo inom he nekhengge o Yerusalem wagaukwa.

2 SAMUEL 12:31 ပူးပေါင်းရင်းမြစ်များ

2 SAMUEL 8:2

Andi nen it Moab inap ogo inomame leget fisasikheat. A'nogo hilingfisikhi logolik it inebe henagan menere kweang kwe weing la'ni iluk misik ekhe herakfikhi logolik it inebe pire mene halok enek he inoarik lagaukwa. Andiba re it afuni Moab mene re at Daud a'ma sebeluk afuni ap lego mene ekhe nen a'ma sebetu mene omanogo nen onggo wogeti lagaukwa higithogo at Daud oba wogeti lagaukwa.

1 TAWARIKH 20:2

A'nogo hilingitukwama nek he at Daud a'nogo waga logolik he, o kota andi yi mene ti mene hokhorogo telhukwangge omanogo helasikhe. Sunggwe andoma anggele'ma re at raja Amon agun a'nogo kware-kware hangge makhota a'nogo ogo welagaikhe. Makhota andi enggin he 34 kilo nen hangge hilingi'mo re permata ekhe misik oba eiselek welagaikhe. A'nogo eiselek were'ma re at Daud en permata a'nogo wanhikhesik he aren mene kware-kware makhota ba kelfesikhe.

1 TAWARIKH 20:3

Andi nen at Daud en he afuni o kota Raba andi mene omanogo mondogat feleleng inarek lagaikhesik, ane omameba yabu gergaji ba inom, kiam oba inom, yagaba inom, hilingiti logouwageluk yagaisasikhe. Andi higithogo re obabut andi mene re o kota Amon oba nen amu mene omanogo ogore a'nogo nek hilingfisasikhe. A'nogo hilingfisasikhesik he at Daud inom it agoromi sikhe fisogo mene omanogo mondogat inom he inambotkwe inaiba o Yerusalem wagaukwa.

YEREMIA 43:9

”Haren he helep hokho mene nek wanimbik he o pemerintah e andi mene inawi kota andiba kwe kwi lagaikharek oba andoma kweangma salfein o. Hat a'nogo hilingitunem andi re ap Yehuda mene nen ineilenggen heoakhogo hilingi'no.

AMOS 1:13

Tuhan nen ikhi logolik he, ”It afuni inunggulenu Amon mene re hundik-handik weagenek hilingitu weregen he, eberogoat An nen wene inoba fagain o. Iren it inaiba wilayah omanogo hokhorogo wialasuageluk hilingiti logolik, iren hemi o Gilead hemi ineagwi ina'ma mene inalabut pelanghigik inoata andi.

AMOS 1:14

A'nogo hilingita andiba re, An nen endu o kota Raba leget pa'leget waganek meneba lakfei wagik, iren himbirengge wurik mene andoma endu fatik igin o. Andem sambul he, ap weim yafi logolik inane hokhorogo sup ugunem inane inesanggo holhik, weim sogoi hokhorogo funha wagarek andi hak anini weak mondok yafunem isigik, ugun o.

AMOS 1:3

Nineisena Tuhan a'nogo isikhesik, ekhe afuni Siria mene faget mel isikhe: ”It afuni o Damsyik welagaikharek mene, hundik-handik weak hilingitu werek andi nen he, An nen kamo igi'lek eberogoat wene inoba fagain o. Iren he, afuni Gilead mene inebe inendawirinafi'lek inoba enggin-fenggin fisugu mondok werek,

IBRANI 11:37

helep oba tamuk-tamakhogo inoatik, gergaji oba inobakhe tegethigik, karok oba inoatik, yi enggin ti enggin hikhi logolik, su re, wam domba inom, kambing inom, agap nonggologo itik, yi mene ti mene legen inelagaik welagik, it afuni ekhe nen wiik-weakhogo hilinginafik, ikhi lagaukwa.

YOSUA 10:15

Weim a'nogo arat yakfuluk at Yosua inom, agoromi tentara mene inom, inambotkwe inawi su mene wuri'mo o Gilgal lagaukwa.