2 SAMUEL 12:24 - Allah Wene Fano Wene Hupla Inane

²⁴ Hobuk at Daud agwe Batsyeba endawinggen sebelhi lagaikhesik he, emberek nogo isukwa. A'nogo nogo isukwama, at Betsyeba omalik a'ma agaikhesik, eak ap takhasikhemo, Daud en enu Salomo salhikhe. Nen, nineisena Tuhan nen omalik andi endawi mondok hasikhe.

2 SAMUEL 12:24 ပူးပေါင်းရင်းမြစ်များ

2 SAMUEL 12:25

A'nogo endawi mondok hasikhe andi nen he, Natan, at ane yagaisikhi lagaikhe mene a'nogo nen, omalik andi enu Yetia saluagaluk, lakfei wagaikhemo wagaikhesik enu andiat salhikhe.

2 SAMUEL 5:14

At ebe o Yerusalem logolik, againafuri ap taginafikhe mene inenu re: Syamua inom, Sobab inom, Natan inom, Salomo inom,

2 SAMUEL 7:12

A'nogo hilingiti logombigen, hobuk hat hebe wa'lasumo, hebe warek hombalak salinafukwaba salhafunem he, hobulu'mo, hat hamlogo mene ekhe menfagain o. A'nogo menfoumo, aren enek he An nawi wusigin o. Nen, aren melalinafi logogin oba kerajaan andoma An nen mondok-mondok abolok leget foumo hambuksek logogin. Nen at ambisangma mene ekhe nen raja mendek logolik melalinafi logogin.

1RAJA-RAJA 1:10

A'nogo meneat he, at Andonia agot Salomo inom, ap Allah ane yagaisikhi lagaikhe mene Natan inom, Benaya inom, Daud agoromi ebe serogo welagaukwa mene inom, andem enek he, inayonggo fesikhe lek.

1RAJA-RAJA 1:11

A'nogo hilingitikhemo, at Natan Allah ane yagaisikhi lagaikhe mene a'nogo, he Batsyeba, Salomo agaisa oba wagaikhesik he, mel yagatikhe: ”Nagaisa. He Hagit eak Andonia a'nogo nen raja Daud onggot werek kwelek, onggwaregen ebe raja logogin iluk ili'lago aga andi hesanggo holhendik welagen a, honggora?

1 TAWARIKH 29:1

A'nogo yagatukwasik at Daud en it afuni inogogwi kaboksek mene omanogo inoba ikhi logolik he, ”It an nagainafuri mondogat omanogo nen we at Salomo nek he Tuhan nen wenate. Oba nen he at ebe alage oan se'ma endawinggen hambuksek lek, nen yabu yi re mondok hokho mene. Nen, o wusugun mene andi re afuni mene inawi istana faget he fuk, mene at he o andi re nineisena Tuhan Allah faget Awi wusugun.

1 TAWARIKH 3:5

againafuri hokhorogo ta'lagaukwa. Nen at agwe Batsyeba hun Amiel a'logo a'nogo nen he, Daud amlogomi inebe enggaminogo o Yerusalem en ta'ginafikhe mene inenu re: Simea inom, Sobab inom, Natan inom, Salomo inom.

NEHEMIA 13:26

An nen ikhi logolik he, ”At raja Salomo nen weak he yi mene hilingite lek nogo a? Hilingitikhe at. O kweang ma yoma ap raja werek mene re at Salomo lego welagaikhe mene andi hakhogo ekhe werek lek. We Allah nen he at oba endawi hundik hilingiti lagaikhe, A'nogo hilingiti logolik he at ebe afuni Israel mene inobaget raja logouwageluk menfesikhe. Oba nen he at ebe hemi inunggulenu amu mene nen endawinggen wanhi lagukwaba weak hilingitikhe.

AMSAL 4:3

An nebe yenggere'ma re, neisena nagaisa ineak we misik masigengge were'ma,

MATIUS 1:6

Isai nen he, ap Daud enupogot a'nogo tatik, a'nogo taginabik wagaukwa. Nen, andi nen he, at Daud en ap Uria agwe telogo waluk wulifikhesik he, Salomo tatik,

ULANGAN 33:12

A'nogo yagatikhesik, it afuni inunggulenu Benyamin mene faget Allah mel yagatikhe: ”Afuni inunggulenu Benyamin mene yi re, hat nineisena Tuhan nen he hendawi hundik mene o. Andi nen he, hat hebe it inanggelekwe mondok logolik, linggene hubanggo ferinarek mondok logoino o,” iluk yagatikhe.