2 SAMUEL 12:20 - Allah Wene Fano Wene Hupla Inane

²⁰ A'nogo yagatukwama, at Daud wengik welagaikhengge a'nogo menlagaikhesik he, kume warogo esi feisalhik, asu laberek mene nonggologo fesikhesik ket mene itik, isikhe. A'nogo hilingitkhesik, eisena Tuhan awi wuri'mo lagaikhesik he eindep awi yagaisogo Allah fogeratikhe. A'nogo hilingi'luk ambotkwe aiba wagaikhesik sumburu wogosuwagaluk yagaisasikhemo, wogetukwama nasikhe.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

A'nogo kamo isukwasik, inane samik-samok ugunem at Daud eilenggen isasikhesik he, ”An namlogo a'nogo ebe arat wa'lagama higi,” iluk futfesikhesik, mel yagaisasikhe, ”Yenggerek a'nogo ebe arat wa'lagama a?” iluk heinok wogisasikhemo, iren he, ”I o, ninoe,” iluk yagatukwa.

2 SAMUEL 12:21

A'nogo hilingitikhemo, it ap at amingmingengge mene nen ineilenggen hasukwasik he, mel yagatukwa: ”Noe, yenggerek andi ebe eluk oba re, hat sumburu ninggi'lek logolik, le aga lagen a'nogo meneat he, ebe arat wa'lagama nek he, hebe menlagendik sumburu nenggen andi re, nit futfogo mondok lego,” iluk yagatukwa.

2 SAMUEL 14:2

andi nen aren he ekhe afe hebelek mene o Tekoa were'ma hondosi loageluk miminginafikhe. Miminghogo lakfisasikhemo re, he a'nogo hondo'luk wagaukwama, Yoab en he a'nogoba ikhi logolik, ”He hat he heranhogo afuni fong watarek mene hakhogo logolik hasu pelagi su laberogo re amusu amben fano mene inebene yugulharek mene omanogo yugulhi'legengge logoino. A'nogo logolik he, hemi inaguni inendawi mondok hundik mene wa'lagunem inenggi aninurogo le agu wela'luk hakhogo logoino.

2 SAMUEL 19:24

A'nogo yagatikhemo, at Mefiboset Saul omba a'nogo Daud ebe wanigiluk inom lagaukwaat. At Mefiboset Daud o Yerusalem herakfuluk wulifikhe huli nen hobuk ambotkwe fanoat wagaikhe andi huli re, eisok sobalhi'lek, omboro palhi'legat logolik, asu sobalhi'legat laberek welagaikhe.

2 SAMUEL 6:17

A'nogo hilingirik wagaikhesik he, Peti Wene Warogo Allah nen wo'ninafikhe, iluk hilingik a'nogo obuluk at Daud en o su mene wutikheba andoma fesukwa. A'nogo fesukwasik, at Daud en wam nineisena Tuhan faget warogo noletik, Allah ninom lambulho, iluk warogo noletik, isikhe.

2 SAMUEL 7:18

A'nogo yagatikhemo, at raja Daud nineisena Tuhan awi tenda wuri'mo a'nogo kwisikhesik he, ebe hu'lagaikhesik, samban mel isikhe: ”Allah Henupogot mene neisena. An nebe inom, nagainafuri inom, ninebe hat heilhanem mondok elo'lek meneat he, fanorogo fetninarek welagen andi, neisena.

AYUB 1:20

A'nogo yagatukwama, ”At Ayub endawimo weak agasik hilingite,” iluk inendawi wenggelasuagaluk, asu laberek mene tilibisigik, esi palisigik, isikhesik he, Allah fogerasigeluk kweangma eindep awi yakfilik, mel isikhe:

AYUB 2:10

A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.

MAZMUR 103:1

At Daud en wuni watikhe mene An nendawinggen oba nen inom, nebeba mondogaren inom, neisena Tuhan tegelek mondok welagendek mene a'nogo fogethafi logolik hapne wanhi lagi.

MAZMUR 103:8

At Tuhan he endawi hundik hilinginafik, inelagaik were'ma endawirinafik ikherek mene werek. At obabut mondok hombunsek logolik, endawi hundik mondok hokhorogo hilinginafu werek.

MAZMUR 39:9

An naweak omanogoba nen lologo nobagain, an ap kembu mene nen li'not nafungge hilingnobagau fugo.

MAZMUR 95:6

Andi nen he At elokhoma ninelokhe sogoum fogerasuogen we'ni o, Nineisena pogot kweang yi mene ti mene mondogat elalhikhe mene andi nineindep awi yagaisogo fogerasuogo.

AMSAL 3:7

Hat hebeba hilingik welagen mene andoma werek kwelek oba nen, an enek he nelu mondok welagi iluk anggikhi logou fuk. Tuhan ane hologo hilingiti logolik, weak mene re herakfikhi logoino.

PENGKHOTBAH 9:8

Hit hinebe hineisena Allah nen o kweangma elama faget logouwagaluk hinobagaikhemo logolik set kwil kwalhogo hilingiti logogun mene andi faget hinenggi onggo wanu hak, hinendawimo hinagaiyek hikhi logogun andi aro. Andi nen he, hinagagwi hinendawinggen hundik mene hinom fano hai warogo logoubagaik iluk wokhisasikhemore hundik-handik we elama faget logolik he hinoba heanerogo nek logoino o.

MATIUS 6:17

Menere, hit enek he, sumburu ninggi'lek sambanat ugu logouwogeluk halok, afuni nen enegat futhinobagainogo. Hineisena Allah afuni nen ineilenggen hagarek lek mene a'nogo alegaren enegat futhinobagauwageluk hinagap sobalogo re, hinesi feisalogo logolik, samban ikhi logoino o. A'nogo hinagaisogo hilingitep halok he, hineisena Allah afuni ineilenggen hagarek lek mene andi eilenggen hisambik onggo wokhisagain o,” iluk yagaisasikhe.

LUKAS 7:46

Nen, haren amusu an nunggul oba ekhe watnobagegen lek meneat he, he yi nek he, amusu amben fano mene neisok oba watnobagaikhe o.

RUT 3:3

Andi nen he, hat hebe kume fanorogo wasimbik amusu amben fano mene hebene watfembik he, hasu fano mene wendeberogo labesin. Labesimbik he, at Boas gandum enggen lologo pelafarek oba andoma ware'ma lambik logoino o. Lambik were'ma, at Boas hat hebe weinam were'ma elu asinogo nen he, at sumburu inom, i inom, nunggu kwelek nenangot hikhi logolik hebe hinagaiso logoino o.

1 SAMUEL 15:25

Weak a'nogo hilingiti meneat he, o yogondak an hat nemberek o Gilgal lambik nineisena Tuhan faget ekhe hilingisigen he, weak hilingiti mene andi sagalogo herak fisanogen iluk kino yagaheti o, neisena,” iluk yagatikhe.

1 SAMUEL 15:31

A'nogo yagatikhemo, Samuel Saul emberek o Gilgal wagaukwasik, at Saul en nineisena Tuhan faget hilingitikhe.