2 SAMUEL 12:13 - Allah Wene Fano Wene Hupla Inane

¹³ A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.

2 SAMUEL 12:13 ပူးပေါင်းရင်းမြစ်များ

KEJADIAN 39:9

Oloba yi mene ti mene yoma, at eisewerek welagarek hagat, an eisewerek nobagaikhemo, an nen higit hilingisigin enek meneat he, hat hebe nek he, at agwe welagenma re, an nenggiba figi'lego. Allah eilhanem at ane sagalogo an a'nogo weak hilingisigin mondok elo'lego,” iluk yagatikhe.

2 SAMUEL 24:10

Oba nen he at Daud en afuni a'nogo mondogat wenaginafikhesigen he, ”An weak hilingiti o,” iluk anggasikhesik he, aren Tuhan oba ikhi logolik he, ”Eige, neisena Tuhan, an mondogat weak hilingiti o! An nen hilingiti mene andi re mondok kemburogo hilingitimo re, an naweak hilingiti mene andi honggorabethogo nobagain o, neisena,” iluk yagatikhe.

2 SAMUEL 24:17

At Daud en he malaikat afuni inoasigiluk wagaikhe mene a'nogo eilenggen hasikhesik Tuhan oba yagati logolik he, ”Weak andi re an nenat kwanirogo hilingitimo re anat weak hilingiti o. Oba nen he afuni inunggulenu yi inap, inonggwaregen yi'nogo ti'nogo mel hilingisu mondok elo'lek mene yi nen he ninggi'nogo mene weak hilingitama? An inom, an neisok erokwe mene inom enek unggum ninoba fein o!” iluk yagatikhe.

1RAJA-RAJA 13:4

A'nogo ugu kwelek arem nogo re at Yerobeam en esanggo holhikhesik he, aren nabi a'nogoba enggi tum wat fikhi logolik, ”Ap ari fak feni!” iluk isikheba nen he, at Yerobeam enggi tum a'nogo mot taunghogo omame lek agaikhemo re enggi sirogo wanu re nong-hong isikhe.

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

1RAJA-RAJA 22:8

A'nogo yagatikhemo, at Ahab en he, ”Hun Yimla amlogo Mikha andi nek misik ekhe werek. A'nogo meneat he, aren wene hobuk hilinglasigin mene faget wenggelogo ekhe yaganeterek mondok lek, we weak mene nek yaganeterek andi nen, an at ebe mondok nabit higirek mene andi nek werego,” iluk yagatikhemo, at Yosafat en he, ”Ah, a'nogo ugun o,” iluk yagatikhe.

2 RAJA-RAJA 1:9

A'nogo isikhesik he, at raja nen he, ap sikhe fisogo mene inoe perwira misik ekhe inom agoromi inebe 50 nen mene inom he at Elia senfei lani iluk lakfisasikhe. Lakfisasikhemo re, at sikhe fisogo mene inoe a'nogo lagunemen he at Elia ebe punu ekheba hurek were'ma lagaikhe. Lagaikhesik he, at perwira a'nogo nen he, ”Hat Allah amingmingengge yei, ninoe raja nen he, hat hebe pi wesuak ikhe o,” iluk yagatikhe.

1 TAWARIKH 21:8

A'nogo wogisasikhemo re at Daud en Allahba samban ikhi logolik he, ”Allah neisena o, an mondok weak hilingitimo, naweak sebelogo leget fisan o, an nen hilingiti mene andi re mondok kemburogo hilingiti o, neisena!” iluk samban isikhe.

2 TAWARIKH 16:10

A'nogo yagatikhemo re at nabi Hanani nen yagatikhe mene andiba re at Asa a'nogo a'mage lagasikhesik he aren nabi a'nogo o afuni hele warogo kwelaginafarek oba omanogo kwelafikhe. Andem oba re at Asa nen it afuni holhu mene fenakwe inom enggin-fenggin inoba hokhorogo fikhi lagaikheat.

2 TAWARIKH 25:16

At Amazia nen ikhi logolik he, ”Hat he raja komotu mene logoinogoluk hobagogo re fuk! Hane lek ame. Nen hat hane igin halok he niren hebe hoasuogeluk welago,” iluk yagatikhe. A'nogo yagatikhemo re at nabi a'nogo ane lek agaikheba nen he oan ane lek agi'lek logolik he mel yagatikhe, ”An nen komothafi mene andi hol fegen leksik hun haren hobabut hilingiten mene andiba re At Allah nen hat hebe weaget hobagagiluk fik-foukhogo hilingfikhesik werek andi,” iluk yagatikhe.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 103:12

Mo lagai wagarek huli nen ubuk ikherek huli eil uan andi hangge, nit weak hilingitorek mene waganogo yatmaat lakfisikherek.

MAZMUR 51:16

Neisena Allah telnafendek mene, an nendawimo nagaiyek hikhi logolik, haren higithogo hilingiti lagen wene andi, an nen yagaisilik laga logoigen he, noati'lek heraknobagain o.

MAZMUR 51:6

Hat hane sagalogo weak hilingiti o, Hane sagalogo figirik Hat helokhoma weak hilingiti o. Hat hendawimo weak anggikhi lagen meneat, heilhanem weak hilingitimo aro. Haren wene noba fegen andi re, fou higit obaat noba fegen o.

KELUARAN 9:27

A'nogo hilingitikhemo, at raja a'nogo nen he, Musa Harun emberek wolisasikhesik he, mel yagaisasikhe: ”An mondok weak hilingiti o. Hit Tuhan nen andi eberogoat hilingitu kwelek meneat he, an nebe inom, afuni mondogat inom, at eilhanem weak hilingito o.

AMSAL 25:12

Afuni inendawinggen kagalek mene nen it ekhe inesanggo holu inagaiyek were'ma yagaisagarek andi re, senggan emas mene inenggimo itik, inalilingge emas mondok fano mene inesanggoma kelhik agarek andi higit.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

YESAYA 43:24

Hiren An nobaget amben fano mene dupa onggo palneti lagep legat, nen noba yamukhogo wam senggelogo nolhi logolik sei werek mene wo'neti lagep legaro. A'nogo wo'neti'lek logolik, noba enggin kwelagaisogo weak hilingitik, nendawimo mondok weak asuagaluk hilingnobagagik, ikhi lagep andi.

YESAYA 44:22

Haren weak hilingiti lagen mene re An nen ohena hakhogo palogo lakfigik, Nen haweak hilingiti lagen mene re An nen ohena hikweak meneba nen hakhogo kwe palfigik igirek, An nen mondogat fikhalogo leget figi hilingi'mo re, hambotkwe sugulogo An noba eme o,” iluk ikhe isikhe.

RATAPAN 3:32

Aren nit ninebe endawit ninaferek mene andi re huli-huli werek lek meneba endawi hundik hilingninafere'ma re, Aren enggin-fenggin ninoba fuluk mene ogore endawitninafu mondok werek.

IMAMAT 20:10

Ap Israel mene misik ekhe nen, he it inunggulenu misik mene inagagwi ekhe inom pailak hilingite halok he ap andi inom, he andi inom wene inoba fuluk pinggi inoasugun.

IMAMAT 24:17

Ap ekhe nen ap watu halok he, arogo wene oba fuluk wasugunat.

ZAKHARIA 3:4

A'nogo were'ma at malaikat a'nogo nen he pogoroba at lebethagarek mene omanogo inoba yagaisikhi logolik, ”Ap yi nen asu sinduk weak laberek werek ari nonggologo hugisani o,” ikhesik he aren Yosua ba ikhi logolik, ”Hat haweak he an nen mondogat hugisigi o, nen hat he hasu ket mene laberanogen wokhesigin o,” iluk yagati laga.

MATIUS 14:10

A'nogo yagaisasikhemo lagaukwasik he, Yohanes a'nogo afuni inenggi hele warogo fisagarek oba were'ma kwisukwasik he, alonggop tekhogo watukwa.

LUKAS 15:21

A'nogo hilingitikhemo, at amlogo a'nogo nen he, mel yagatikhe: Neisena! An he, at Allah pogoroba mene a'nogo inom, hat inom, hineil salogo weak hilingiti o. A'nogo hilingitiri'mo re, yi an namlogo, iluk hobuk igin mondok elo'lego, iluk yagatikhe.

LUKAS 18:13

at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

IBRANI 9:26

Aren he, it attak hilingiti lagaukwa andi hak hilingi'lepma re, kweang elalhikhe huli nen pikhit yogondak huli, enggi hobugalep yi enggin ti enggin hikhi logolik wa'laga logoilep. A'nogo meneat he, o wurep oba nit weak hilingitorek mene legetfisageluk enggi misigam fagerat wam Allah faget waresu hak, onggwarek ebe wa'lasi wagaikhe andi.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

1 SAMUEL 15:20

A'nogo yagatikhemo, at Saul en he, ”An he yi'nogo hilingi'no, iluk yaganete hagat ane hologo weim yabi lagarik wagi. Weim yafi logolik, afuni Amalek mene felelenghogo inoati logolik, inoe raja Agas nek he hele warogo waluk wagi o.

1 SAMUEL 15:30

at Saul en he, ”An weak hilingiti meneat he, an nen neisena Tuhan Allah faget hilingisigen he, nemberek louwogo, neisena. An nen a'nogo hilingisigin halok, haren afuni nit mene ninogogwi ineilhanem inom, afuni Israel mene ekhe mondogat ineilhanem inom, agaugwet nobagainogen o,” iluk yagatikhe.