2 SAMUEL 11:8 - Allah Wene Fano Wene Hupla Inane

⁸ Heinok a'nogo wokhasikhesik mel yagatikhe: ”Haiba hambotkwe lambik he, set endebat halok ekhe warano o,” iluk yagatikhemo, at Uria Daud aiba andoma nen wulifikhemo at Daud en hadiah fano mene ekhe weat wogosuagaluk ombo'ne lakfesikhe.

2 SAMUEL 11:8 ပူးပေါင်းရင်းမြစ်များ

KEJADIAN 19:2

mel yagaisasikhe: ”Nogogwi, an naiba set walambik lobagaigo. An naiba ninom nogo ikhi logolik, hineisok ebene sobalubagaigo. O hobit logoin hinamolo halok, hubet siakhogo lobagaigo,” iluk yagaisasikhemo, iren he, ”I O, fano. Nit o sili kota yiba ninom nogo ugun o,” iluk yagatukwa.

KEJADIAN 43:24

Fei wagaikhesik it a'nogo hondoginarek o elonggoma kwisukwasik ap yabu hilingiri'logo mene a'nogo i ineisok terogo sobaluageluk wogisasikhe, inanggo keledai inamburu nunggu mene iluk wogisilik lagaikheat.

KEJADIAN 43:34

A'nogo hilingfisasikhesik, it a'nogo at Yusuf angge meja talek oba nageluk fesikhe mene omanogo wogisasikhe. Wogisikhi logolik he, at Benyamin a'nogo nek he hokhorogo enggi fuap oba wogetikhe, oba nen it ogogwi omanogo nek sebelogo wogisasikhe. A'nogo wogisasikhemo it a'nogo lambulogo inamburu ninggik, inagai ninggik ikhi logolik inalabut ninghogo nasukwa.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

MAZMUR 44:21

Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

MAZMUR 55:21

Attak an nagailak ekhe ninom fano welago mene nen he, at agaila'lak ekhe inoba labok igik, nen aren wene waterek mene a'nogo taganhogo hilingitik, hilingiti laga.

YESAYA 29:15

Ap ekhe nen hilingisigin iluk anggikhe mene Tuhan nen hanogoluk hinakfikhe halok ap andi re alomat lakhoago! Iren anggikhi logolik aben ekhe nisili'lagwi lek athe niren hilingiti lago mene fut ninobagali'lagwi legaro iluk anggikhi logolik a'nogo hilingitarek.

LUKAS 12:2

Mene re, yi mene ti mene sebelek mene andi faget figik, hinago werek mene andi inelurogo sele'mat figik, igin enego.

LUKAS 7:44

A'nogo yagatikhesik he, at Yesus elokhe hebekhogo, he a'nogo wogetikhesik he, mel yagatikhe: ”Simon. He yi heilenggen hegen a? Lega. An hat haiba kwi wagi meneat he, haren, heisok oba sobalin, iluk, i ekhe wo'neten lek. Meneat he, he yi nek he, eil amusu neisok oba pelafesik he, esiba hotnafe o.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.