2 SAMUEL 11:27 - Allah Wene Fano Wene Hupla Inane

²⁷ A'nogo fong watu welagaikhesik kwe wulibu hak agaikhemo, at Daud en he andi wani loagaluk agoromi lakfisasikhemo wani lagaukwasik wagaukwama re, ebe helasikhe. Helasikhesik welagaukwasigen he a'nogo eak ap takhasikhe. A'nogo meneat he, at Daud en hilingitikhe mene andi faget he Tuhan nen abit anggasikhe.

2 SAMUEL 11:27 ပူးပေါင်းရင်းမြစ်များ

KEJADIAN 38:10

A'nogo hilingitu aple nen he Tuhan anini agaikhesik Tuhan nen at a'nogo ogo watfesikheat.

2 SAMUEL 12:9

Mene re, an nen, yi'nogo hilingi'no, ti'nogo hilingi'no, iluk yagaheti lagi mene andi, nane hendawimo seramet fegendik an neilhanem weak hilingiten andi nenahalok? Nenahalok haren weak mene andi hilingiten? At Uria a'nogo re aben weim ambisangma nen wasuageluk miminginafen. Haren he at agwe helikhi logolik he at ebere ap Amon mene nen wasuageluk herakfisegen andi!

2 SAMUEL 15:26

A'nogo meneat he, At Tuhan nen an nebe endawit nafi'lek halok he, an nebe faget andi re At endawimo anggagain mene higithogo hilinglasuak anggikhi lagi o,” iluk yagatikhe.

1RAJA-RAJA 21:16

A'nogo yagatikhemo, at Ahab weak-weak lagaikhesik he, yabu a'nogo at onggwarek faget eise asigiluk sebeli lagaikhe.

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

1 TAWARIKH 21:7

Allah nen ogore ap inenu lisu palogo wenaginafukwa mene andi faget abit anggasikhesik Aren it afuni Israel mene inoba wene fesikhe.

MAZMUR 5:6

Hat he ap fogerakhagarek mene andi inelokhoma kwelagisa re habit welagen, nen afuni mondok weak hilingiri'lagwi mene andi faget he haren habsirit fisikhi lagen.

AMSAL 6:29

Andi re aben it ekhe inagagwi inom hilingitarek andi higit werek. Sa nen a'nogo ekhe hilingisigin halok he ap andi wene oba kosigin mondok lek.

YESAYA 29:15

Ap ekhe nen hilingisigin iluk anggikhe mene Tuhan nen hanogoluk hinakfikhe halok ap andi re alomat lakhoago! Iren anggikhi logolik aben ekhe nisili'lagwi lek athe niren hilingiti lago mene fut ninobagali'lagwi legaro iluk anggikhi logolik a'nogo hilingitarek.

MATIUS 1:6

Isai nen he, ap Daud enupogot a'nogo tatik, a'nogo taginabik wagaukwa. Nen, andi nen he, at Daud en ap Uria agwe telogo waluk wulifikhesik he, Salomo tatik,

ULANGAN 22:29

a'nogo hilingite mene andi faget he, ap andi nen hele a'nogo eisenaba onggo uang perak 50 nen wogosigin. A'nogo woge'luk he hele andi ap omameba inom pailak hilingitama iluk at agweap eraluk herakfigi'lek waganek logolik inom mondok logogun.

IBRANI 13:4

Ap inom, hemi inom, inobabut yanani nilik nikharek mene inom, Allah nen wene inoba fembik weagerinabigin andi nen he, aben hemi iginafarek andi, afuni mondogaren esinet fuluk, hesanggeat fakfisigi'lek hemiap waganek mene lombok inom fano nogo ikhi logogun o.