2 SAMUEL 11:16 - Allah Wene Fano Wene Hupla Inane

¹⁶ A'nogo yagatikhemo, at Yoab o kota a'nogo o lasigiluk ikhi logolik, selei mene inomamerogo kagalek welagaikharek elumo a'luk he, aremnogoat higit, Uria loagaluk yagatikhe.

2 SAMUEL 11:16 ပူးပေါင်းရင်းမြစ်များ

2 SAMUEL 11:15

At Daud surat andi Yoab oba palogo lakfikhi logolik, mel yagatikhe: ”Ap Uria andi ebe selei mene nen wasuakhogo re weim mondok aninirogo weri'lagwi fikhit andoma elokhoma feino, fuluk he aren yethiigi'lek werek kwelek he nabel-habel herakfuluk wulibi we'no,” iluk palogo lakfesikhe.

2 SAMUEL 11:17

A'nogo yagatikhesik, afuni o kota a'nogo o larinabuogoluk kugunem it ap tentara selei mene wulibi waga logolik, ap Yoab agoromi tentara kabelek mene inebe miren mene hakhogo inoati logolik he, at Uria a'nogo inomat inoatukwa.

2 SAMUEL 11:21

Attagat o Tebes andoma nen, he mene helep tepung sagalharek meneba ebe leget pa'leget esia'leba nen pelabemangge ap Gideon amlogo Abimelekh watikhemo, ebe wa'lagaikhe a'nogo hinonggot agama leget pak leget andiba horok-horok kwegeba? iluk heinok a'nogo wokhiikhe halok, haren he, hat hagot kabelek mene Uria a'nogo wata aro, iluk yaga'no,” iluk yagatikhe.

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

1RAJA-RAJA 2:5

Nen, wene ekhe yi yagahesik. At Yoab en an nenu weak hilingisogo ap tentara Israel mene inogogwi, inebe woginarek nikhi lagaukwa mene inebe pire ekhe ap Ner amlogo Abner nen ekhe re ap Yeter amlogo Amasa, inebe hobugalep inoatikhe andi. It inebe pire andi nen weim yafi logolik ap ekhe inoatukwa mene enggen filik inunggulmo re weim yafi'lek, we, lioksek logoligat inoatikhe andi. It emberek andi weak ekhe hilingiti'lek meneat inebe inoatikhemo, aren inoatikhe mene andi, inamep an noba fesikhesi'mo re, an noba enggin welagi andi, hendawimo eberek mondok logoino.

2 RAJA-RAJA 10:6

Andi iluk lakfesukwama at Yehu nen it inoba nekhengge lisu yi'nogo palogo lakfesikhe, ”Hit hinebe an nebikhit welagep halok, nen an nane hologo hilingiti logogun hinamolo halok he, hiren hun Ahab againafuri inom, iren tagongge mene inom andoma mondogagat inebe pinggi inoa'no. Nen inoasimbik he hobit o mo ya higit werek kwelek he it inunggul palek andoma an nambit o Yizreel waluk we'no o,” iluk palogo lakfesikhe. Nen, hun Ahab againafuri inom iren tagongge mene inom inebe 70 nen aremnogore o kota Samaria ba andoma it afuni inogogwi kaindek mene inom were'ma halinafi lagaukwa.

AMSAL 29:12

Ferinarek logogin agun a'nogo nen lalinaferek wene omanogo nek futfuluk hilingirik lagu halok he, at agoromi pegawai omanogo re lalinafarek mene nek agaikharek.

HOSEA 5:11

Hit afuni Israel mene nen it ekhe telhinabu lek meneat he telhinabuageluk ninghogo inayonggo fikhi lagep andi nen he, it ekhe nen wene hinoba fagasik weagethinafi logolik hinawi mondogat sebelaga andi.

KISAH PARA RASUL 5:29

A'nogo yagaisikhi lagaukwama re, it Petrus lak, Yesus nen inayonggo fuluk lakfisasikhe mene omanogo nen he, ”Nit he, afuni mene inane hologo hilingiti'lek, Allah ane andiat hologo hilingisugun o.