2 SAMUEL 11:1 - Allah Wene Fano Wene Hupla Inane

¹ It ap kaindek inenupogot andoma mo lagagunem weim yafaresi'mo re, tahun andiba mo lagagunem, at Daud en agot kain Yoab inom, agoromi kabelek mene ekhe inom, ap tentara Israel mene mondogat inom, selei mene inom weim yabi loagaluk lakfisasikhemo lagaukwasik, ap Amon mene inebe mabenetfisaluk inoati logolik, o kota Raba latukwa. A'nogo meneat he, at Daud ebe weim oba inom lagi'lek kamo isikhesik o Yerusalem welagaikhe.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

A'nogo wulifunem it Amon mene omanogo nen yerisasukwasik he, it omanogo ogore at Abisai a'nogo oba nen herakfuluk inambothan inawi kota elonggoma kwi lagaukwa. At Yoab a'nogo it Amon mene inom weim mondogat yakfuluk a'nogo re ambotkwe inaiba o Yerusalem wagaikhe.

1RAJA-RAJA 20:22

Andi nen he, nabi a'nogo raja Ahab ambit wagaikhesik yagati logolik he, ”At raja Siria mene andi re tahun hobuk meneba o salim asigin sambul e ilit sabelhu kwelek andem aren nekhengge weim sineli kwi wesigin enggere, neisena hat he haiba lambik hawi eroma a'nogo omamet figik, nen wene hilingisugun mene faget mondok fanorogo hinane matik ino, haren a'nogo hilingisigin andi re mondok fano,” iluk yagatikhe.

1RAJA-RAJA 20:26

A'nogo hilingitikhesik he, tahun hobuk meneba o salim wela'luk engga sabelherek mene a'nogoba, aren agoromi sikhe fisogo mene woginafikhesik he, afuni Israel mene inom weim yabugun iluk he, o kota Afek oba asi wagaukwa.

1 TAWARIKH 20:1

Tahun ekhe wela'luk kobokhogo tahun ekhe kwi lagunem andoma re, it inetokhogo raja-raja weim yabi laga lagaukwangge a'nogo re, tahun ekhe ket kwi lagunem he, at Yoab a'nogo agoromi sikhe fisogo mene omanogo lirisasikhesik woginarek wulibi lagaikhesik, o it ap inunggulenu Amon mene were'ma andoma sebela kwisikhe. Andem oba re at raja Daud a'nogo re it inom lagi'lek o Yerusalem kamo isikhesik welagaikhe. At Yoab agoromi inom a'nogo re o kota Raba a'nogo pin kwikhi logolik inawi kota a'nogo halik-halokhogo hilingfesukwa.

2 TAWARIKH 36:10

Tahun ket mene kugu kwelek he, at raja Nebukadnezar en he Yoyakhin a'nogo hele warogo waluk o Babel laga logolik he, o Tuhan Awi wuri'mo yi mene ti mene onggo mondok hokho mene welagaikhe mene omanogo inom mondogat waluk lagaikhe. At Nebukadnezar en he Zedekia Yoyakhin oe a'nogo it afuni Yehuda mene inom, Yerusalem mene inom, inobaget raja menfesikhe.

MAZMUR 60:9

Gilead inom Manasye inom he an nonggwarek nangge mene, Efraim he an nunggulasu baja meneba puksek welagi mene o, nen Yehuda re An nebe raja mendek logolik melalinafi lagiba andoma narige tomuk higit werek.

PENGKHOTBAH 3:8

Nen, o ti sambul he inebe inendawirinbuak, nen, ti sambul inabiret fisoak, nen, o ti sambul weim yabuak, nen, ti sambul lambuluak, iluk Aren anggikherek oba nek hilingitarek.

YEREMIA 49:2

Oba nen he inenggi ekhe asi wesigin meneba re An nen afuni o Moab mene inawi kota Raba andi nen weim abolok firirip fararap ugunem holuageluk hilingisigin o. O kota andiba wolelenggenhogo pelafi logolik o andi esanggokwe desa-desa welagaikharek mene omanogo re endu nen felelenghogo nagain. A'nogo hilingfoumo re it Israel mene nen kweang andi attak aben telogo helasukwa mene a'nogo it inenggimo nen nekhengge telogo wanugun.

YEREMIA 49:3

Yago hit afuni Hesybon mene yoma re, hinawi kota Ai a'nogo re mondogat wolelenggen etemo re le aga logoni o! Yago hit hemi o Raba hemi yoma re le hinane kwi kwerogo yakhikhi logoni o! Fong warogo logolik he hinasu karung su ikfahaluk logoni. Hit hinanggembu Dewa Milkom a'nogo inom ap imam-imam omanogo inom, nen it pemerintah ineabu legoma hilingiri'lagwi mene omanogo inom he hele warogo huginabi lagaikharek oba omanogo huginabi lagaikhanggere hit he hinebene hinagambut palogo hinendawi ou hilik laga logoni!

AMOS 1:14

A'nogo hilingita andiba re, An nen endu o kota Raba leget pa'leget waganek meneba lakfei wagik, iren himbirengge wurik mene andoma endu fatik igin o. Andem sambul he, ap weim yafi logolik inane hokhorogo sup ugunem inane inesanggo holhik, weim sogoi hokhorogo funha wagarek andi hak anini weak mondok yafunem isigik, ugun o.

ZAKHARIA 14:3

A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.

ULANGAN 3:11

(Hun raja Og andire it afuni Refaim mene omanogo wurep kobokhogo re hun andi welagaikhe. At ebe wa'lagaikhemo re ebe kwelafu mene peti re helep mene wurep uanhogo 4 meter en, nen elonggo wogologo re 2 meter ilirengge waleti logogun iluk werek meneba waletukwa. At ebe warek kwelafukwa mene andi re yogondak huli nen o Raba it afuni Amon mene inaiba andoma were'ma ineil hili'lagwi.)

1 SAMUEL 18:30

A'nogo werek kwelek, ap Filistin mene nen, ap Israel mene inoasuogeluk hup ebe lombok wagunem, at Saul agoromi tentara mene ekhe nen inebe endebat hangge inoati lagaukwa meneat he, at Daud enek he, inebe mondok hokhorogo inoati lagaikhe. A'nogo inoatunem Daud enu hokho arik laga lagaikhe.