2 SAMUEL 10:18 - Allah Wene Fano Wene Hupla Inane

¹⁸ Oba nen it Israel mene nen he it Siria inap omanogo inoarik-inoarik wulaginabi lagaukwa. At Daud agoromi tentara omanogo nen he, kereta ba lisogo laga logolik weim yabi lagaukwa mene omanogo re inebe 700 nen inoatukwa, nen it wam kuda amboloba lagaluk weim yabi lagaukwa mene re inebe 40.000 nen inoatukwa. Nen ekhe alek mene re at Sobakh it sikhe fisogo mene inoe panglima a'nogo re ebene tok watukwa mene nen enggin tunghogo hilinglagaikhesik he weim yafukwaba omanogo nen ebe pinggi wa'lagaikhe.

2 SAMUEL 10:18 ပူးပေါင်းရင်းမြစ်များ

2 SAMUEL 10:17

A'nogo wagaukwa mene a'nogo at Daud esanggo holhikhesik agoromi Israel mene weim yafarek mene omanogo weak-weak andogerinafikhesik he, i Yordan palogo o Helam omanogo kwi lagaukwa. Andoma nen he it Siria inaben sikhe fisogo mene ogo inagoromi erarogo hilingfisasukwasik he, it Daud mel a'nogo inoba weim yabi kwi wagaukwa.

2 SAMUEL 8:4

At Daud en he ap sikhe fisogo mene wam kuda amboloba lagaluk weim yabi lagaikharek mene re inebe 1.700 nen inom, nen it ap sikhe fisogo mene ineisok oba kweangwe lagu mene inebe 20.000 nen sen fisasikhesik hele warinafikhe. Aren he inanggo kuda againanggen tegisilik lagaikheba nen he, we kereta kuda nen li'luk lagunem weim yabik lagaikharek mene ebe 100 nen omanogo nek he herakfisasikhe.

1RAJA-RAJA 11:24

Raja Daud en he Hadadezer andi re omame leget fisasikhesik he Hadadezer at agaila'lak omanogo re o Siria nen inoatukwa. A'nogo hilingitukwa sambul andi re Rezon he Hadadezer oba nen heise lagaikhesik aren ap hokhorogo kabogerinafikhesik he endakwe nikhi logolik ap inoatu mene faget inoe kepala menfesukwa. A'nogo hilingitukwasik at inom agoromi inom he o Damsyik lagaukwasik o kota andiba andoma welagaukwa. Andoma logolik at agoromi nen he at ebe afuni Siria mene faget raja logouwageluk menfesukwa.

1 TAWARIKH 19:18

At Daud agoromi inomen he, it kereta wurik mene amboloba lagaluk laga logolik halik laga lagaukwa mene a'nogo re inebe 7.000 nen inoatukwa, nen it tentara weim yabuogeluk ineisok oba laga lagaukwa mene a'nogo re inebe 40.000 nen inoatukwa. Nen at Sobakh ap Siria mene inoe panglima a'nogo watukwaat.

MAZMUR 18:38

An nebe nailo nen endep ekhe iget figi'lek it naselei mene omanogo muginarek lagu-lagu re inomame legetfisaluk, inebe mondogat lek agunem enek he herakfisikhi lagi.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

MAZMUR 68:2

At Tuhan he feisakhogo menla'luk At aselei mene telfol isikherek, it afuni At oba inabit anggagarek mene re At elokhoma nen heise wulifarek.

HAKIM–HAKIM 4:2

A'nogo hilingiti lagaukwama, Tuhan nen afuni o Kanaan mene inoe raja enu Yabin o kota Hazot welagaikhe mene nen mabenet fisoageluk, it Israel mene herakfisasikhe. At kain Yabin agot weim anini weak mene enu re, Sisera. Ebe o kota Haroset-Hagoyim andoma welagaikhe.

HAKIM–HAKIM 4:22

A'nogo watikhesik were'ma, at Barak Sisera herarik wagaikhemo re, ebe wanhikhesik mel yagatikhe: ”Ap hat herarik wagen andi ebe yagahesigen he, eme o,” iluk yagatikhe. A'nogo yagatikhemo, at Barak Yael emberek kwisukwa re, Sisera arat wa'lagaikhesik, e kabelek a'nogo augal fena nen fena furulhogo kweangma hundik were'ma hasukwa.

HAKIM–HAKIM 5:26

At he Yael en he, e kabuksek mene inom, posiemanggen telhu meneba inom Sisera tungethasikhemo, ungguloak halokhogo wate.