2 SAMUEL 10:12 - Allah Wene Fano Wene Hupla Inane

¹² Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

2 SAMUEL 10:12 ပူးပေါင်းရင်းမြစ်များ

2 SAMUEL 10:11

At Yoab en agot oba ikhi logolik he, ”An ambi it Siria mene ninom walhugunemen nomame lek agu halok he hat weak-weak an lebetnea we'no. Nen harogo it Amon mene hinom walhugunemen homame lek agu halok he an nen weak-weagat lebethea wesigin.

2 SAMUEL 15:26

A'nogo meneat he, At Tuhan nen an nebe endawit nafi'lek halok he, an nebe faget andi re At endawimo anggagain mene higithogo hilinglasuak anggikhi lagi o,” iluk yagatikhe.

1 TAWARIKH 19:13

Hebere hambuget hano! Nit he nit ninunggulenu mene faget inom, o Allah aiba kota-kota andoma faget inom weim yi yabugun enggere. We At Tuhan endawimo anggikhe mene nek hilingisuak,” iluk yagatikhe.

2 TAWARIKH 32:7

”At raja Asyur mene andi ebikhit he omame we mabet hak oba nen he, nit ninebikhit enek he ninomame hokhorogo hilingik enggere, at raja Asyur mene andi inom, agoromi tentara esa logalek andi inoba inom hinailo su fuk. Hit he hinendawinggen hambuget haluk he, hinailo legengge lano.

NEHEMIA 4:14

A'nogo fi sasigi meneat he, it ap omanogo inendawinggen inailo were'ma isasigisik he, it inom, inogogwi inom, kaindek ferinarek welagaukwa mene inom, inebe mondogat inoba mel yagaisasigi: ”Ap nit ninom selei mene andi inoba hinailo asu fugo. Nineisena Tuhan Omame Mondok Hokho logolik inailo mene hilingiterek a'nogo hinendawimo ebe'ni o. Eberek logolik, hiren hit hinagaila'lak inom, hinagainafuri inom, hinagagwi inom, hinawi wurik inom, mondogat telinabubagaigen hinomamerogo yabino o,” iluk yagaisasigi.

NEHEMIA 4:8

Ina'mage a'nogo het-perisukwasik, it inebe mondogen he, weak asuageluk nit afuni Yerusalem mene ninoasuogeluk isukwa.

ESTER 4:16

”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.

AYUB 1:21

”An nagaisa alabutmo nen yi mene ti mene ekhe waluk ta'lagagi lek andi hak, nebe wa'lasimbik ogore nangge yi mene ti mene ekhe waluk lagain legaro. Neisena Tuhan nen wo'netendik hobuk Tuhan honggwarek hambotkwe helegen andi re, fano. Andi nen he, Tuhan henu nek lego mondok logouwak,” iluk fogeratikhe.

BILANGAN 13:20

Hinendawinggen hambuget hambik kweang he mulirega, e hokhorogo wilibiga, iluk fura'no. A'nogo fura'luk he e wulibik mene andoma enggen ugu mene ekhe palogo waluk wesugun mene hinonggorasu fuk. Andem oba re anggur enggen iterek mene eroratunem.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

ULANGAN 31:6

Andi nen he, hit hinendawinggen hambukhogo logolik, hinailo lekhogo logoino o. At nineisena Tuhan Allah ebe nen hit lebethisagain andi nen he, it faget hinailo asu fugo. Aren he, hit obokhogo herakhinobagagik, hinaberalit figik, igin mondok lego o,” iluk yagaisasikhe.

ULANGAN 31:7

A'nogo yagaisasikhesik, at Yosua woletikhemo wagaikhemo re, afuni Israel mene mondogat ineilhanem mel yagatikhe: ”Yosua, namlogo e. Hendawinggen hambukhogo logolik, hailo lekhogo logoino o. Haren afuni yi inoe asimbik, woginarek o nineisena Tuhan Allah nen ninombalak wogisagaluk wene warisasikheba andoma sebeli kwigin o.

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,

IBRANI 13:6

A'nogo anggikhi logolik, hinendawimo nen, Allah nen he, ”Henggi obokhogo herakhobagagin lego,” isikhe andi nen he, ninendawinggen hambukhogo logolik mel ikhi logogun, ”Neisena Enupogot he, an lebetniikherek mene o. Halok he, afuni nen an ninggi'nogo hilingnabugun nogo, An nailo lego,” iluk ikhi logogun andi.

YOSUA 1:18

Afuni ekhe haren fetninarek were'ma hawe a'ma soma imbik hane hologo hilingisu inabit mene halok, inebe mondogat inoasugun o. Ma re, hat he hendawinggen hambukhogo hailo lekhogo logoino o,” iluk yagatukwa.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

HAKIM–HAKIM 10:15

Oba nen he it afuni Israel mene nen Tuhan oba ikhi logolik he, ”Tuhan, nit mondogat weak hilingitoma re, Hat hendawimo hilingisigin hamolo anggegen mene andiat hilingisin. We nit he yogondak yi sambul haren lebetninabigin andiaro,” iluk isukwa.

1 SAMUEL 14:12

A'nogo isukwasik, Yonatan amingmingengge a'nogo emberek inane hokhorogo wolisikhi logolik mel yagaisasukwa: ”Niren ekhe yagahisogoin enggere, wulibi wesimbik lagai we'ni o,” iluk yagaisasukwa. A'nogo yagaisasukwama, at Yonatan nen agot alage mene a'nogoba mel yagatikhe: ”Nineisena Tuhan nen it inebe nit Israel mene ninenggiba fikhemo andi nen he, nombo'ne eme o,” iluk yagatikhe.

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

1 SAMUEL 17:32

A'nogo woletikhemo, at Daud Saul oba wagaikhesik he, mel yagatikhe: ”Neisena, niren ap Filistin mene andi faget ninailo sugun lego. An hamingmingengge nen at nemberek elok walhogoin iluk yagaheti o,” iluk yagatikhe.

1 SAMUEL 3:18

A'nogo yagatikhemo, at Samuel en he, wene Allah nen yagatikhe mene omanogo ekhe hinati'lek mondok felelenghogo yagatikhe. A'nogo yagatikhemo, at Eli nen he, ”Andi re Tuhan nenat yagahetemo re, Aren yi fano anggikhe mene andi nek hilingisuago,” iluk isikhe.

1 SAMUEL 4:9

Andi halok he, nagoromi Filistin mene yi. Hinendawinggen hambukhogo logoni o. Hinebe ap mondok logolik, weim yabino o. A'nogo hilinglasugun lek halok, afuni Ibrani mene attagat hiren hinamingmingengge higit ferinarek welagagip a'nogo hak, yogondak hit iren inamingmingenggge higit fethinarek logogun o. Andi nen he, hit hinendawinggen hambukhogo hinailo'lek logolik, weim yabino o,” iluk yagaisasukwa.