2 SAMUEL 1:21 - Allah Wene Fano Wene Hupla Inane

²¹ Hat tom Gilboa nen, an nane ikhi lagi mene yi hesanggo holin o: Meiso nen inom, henanggalugen inom hoasi wesi nogo. Heabukwe inom, hawi leikwe inom, mondogat iringisogo puk logouwak. O andoma re hun ilil-mulil en aselei mene inandok inoasi wesinogoluk ma'murogo laga lagaikhengge a'nogore andem salenggare'ma o. Nen hun Saul en tok ma'mungge a'nogo amusu warek le'ma ibeti logolik werek oba o.

2 SAMUEL 1:21 ပူးပေါင်းရင်းမြစ်များ

1 TAWARIKH 10:1

Afuni Israel mene inom it ap Filistin mene inom he o Gilboa tomkwe omanogo weim yafukwa. Andoma weim yafi logolik he, it Israel mene hokhorogo inoatukwama wa'lagaukwa, nen, fena re at raja Saul a'nogo inom at onggwarek againafuri omanogo inom he heise wilifukwa.

1 TAWARIKH 10:8

Ohealekwe weirogo re it ap Filistin mene nen it Israel mene inebe warek omanogo helogoin iluk wagunemen he, at Saul inom amlogomi inebe henagan aremnogo inom o Gilboa tom oba andoma warek were'ma heraginafukwa.

KIDUNG AGUNG 4:4

Halonggop he hun Daud en asikhe fakhuguba faget, helep huguloak wurik lagasikhe mene a'nogo hak hilingik welagen. Hasiong he tok kwe palengge seribu nen hangge, nen ap sikhe fisogo mene inogogwi inarige tomuk hak hilingik welagen.

YESAYA 21:5

An nen ekhe hugunemen he pesta perjamuan hilingisuogeluk he ap pok mene hu'lasugun oba foukhogo hilingik were'ma higi. Andi nen he iren inagai inom, inamburu inom, ninggi logolik were'ma nen he ferekhogo aremnogoat wene ekhe yi'nogo ikhi laga, ”Yago, hit ap weim yafi lagep mene yoma sani! Hiren tok peigengge omanogo fik-foukhogo hilingi'ni o!” iluk ikhi laga.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YEHEZKIEL 31:15

Tuhan Lego Mondok welagarek mene a'nogo ane yi'nogo ikhe, ”E andi kweangma ap wa'lagaikharek mene were'ma pigin sambul fong warogo iluk enegenggerogo re, An nen i kweang a'ma werek mene omanogo yenggel fagain. An nen i elesi wiliferek mene inom tereng uageluk hilingfigik, i endep-endep agai lagarek mene omanogo yagat figik, igin. E andi mondogat wa'lagama iluk he An nen tom Libanon ebene andoma o mum mene lakfei wagik, yi agayo ti agayo engga ogoikwe werek agayo omanogo puget fisigik, igin.

YOEL 1:9

Gandum inom, anggur inom, nineisena Tuhan awi wuri'mo fisugu mene mondogat leg aga. Andi nen he it ap Allah eisewerek logolik, At faget hilingiri'lagwi mene omanogo le yagaisogo werek.

YOEL 2:14

Hineisena Tuhan Allah nen he, wene hinoba feigeluk endawimo ebete mene andi sebelogo fuluk, hobuk endawimo hunogoat mene ebesimbik, hokhorogo fanothinabigin logou hago. A'nogo fanothinafe halok, hiren anggur inom, gandum inom, hineisena Tuhan Allah faget elok fisikhi logogun aro.

HAKIM–HAKIM 5:23

It ap Meros mene andi inom, ap Tuhan obaget inamurururogo weim yafarek mene nen hilingitarek hakhogo weim yafunem leberisa wagaikha lek andi nen he, malaikat Tuhan nen ikhi logolik, o andi inom afuni o andiba werek mene inom Allah nen homan fisoago, iluk ikhe.

1 SAMUEL 10:1

A'nogo yagatikhemo, kamo isikhemo re, at Samuel en minyak zaitun amusu i oak oba hinago mene wanhikhesik he, Saul unggul oba kweisalogo watfesikhesik, hai ambe saluk wati logolik mel yagatikhe: ”Nineisena Tuhan nen At againafuri inoe raja logouwageluk menhobagaikhe o. Andi nen he, hat At againafuri inoe raja logolik he, afuni it inaselei mene nen ferinarek logoinogo iluk haren ferinarek logogin o. Haren he, Neisena Tuhan nen at againafuri inoe raja logolik ferinarek logouwagaluk eberogoat mennobagaikhemo, iluk enegat asuagaluk yi'nogo hilinglagunem hagain a'naga.

1 SAMUEL 31:1

A'nogo hilingitu kwelek, ap Filistin mene nen it Israel mene inoasuogeluk o Gilboa andoma wagaukwa. Wagaukwasik, inom weim yafi logolik, ap Israel mene inebe hokhorogoat andoma inoatukwa. A'nogo inoatu kwelek, it ap fena Saul againafuri inom heise poloksek wulifukwa.

1 SAMUEL 31:8

A'nogo inoatukwasik nogo iluk ohealekkwe re, ap Filistin mene nen ap warek mene inangge helouwogeluk waga logolik, Saul ebe inom, againafuri inebe henagan aremnogo inom, o Gilboa tom oba andoma warek were'ma hasukwa.