2 SAMUEL 1:2 - Allah Wene Fano Wene Hupla Inane

² A'nogo were'ma, ohealekwe re ap alage mene misik ekhere at Saul awi tenda wurogo welagaikheba omanogo nen he, Inoatama waga, iluk futfouwagaluk he asu tiliphogo lakfisigik, fesi unggul oba yugulhik, isikhesik he, at Daud elokhoma omanogo wagaikhesik eindep awi yagaisogo fogeratikhe.

2 SAMUEL 1:2 ပူးပေါင်းရင်းမြစ်များ

KEJADIAN 22:4

Andoma louwogeluk, o inenggi henaganek meneba laga logolik, Abraham eilenggen yethasikhe re, o Allah nen, ”Andoma lan o,” iluk yagatikheba a'nogo yatmaat were'ma yethasikhe.

KEJADIAN 37:29

Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe.

KEJADIAN 37:34

A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe.

KEJADIAN 43:28

Iren onggo yagati logolik, ”Noe, hagot nit nineisena a'nogo re ebe fano werek,” iluk yagatukwasik iren ineilenggen yethasukwasik at a'ma sebe isukwa.

2 SAMUEL 1:3

A'nogo hilingitikhemo, at Daud en he, ”Hat hebe koma nen wagen?” iluk heinok wokhasikhemo, aren he, ”An hamingmingengge yi nebe re, ap Israel mene inawi tenda wuri'mo omanogo nen poloksek wulibi wagarik wagi o,” iluk yagatikhe.

2 SAMUEL 13:19

At hele Tamar a'nogo re asu jubah a'nogo tilip-talaphogo lakfisasikhesik he wul unggul oba yugul fesikhesik, enggi pire nen elokhe salogo le mondok weakhogo le arik lagaikhe.

2 SAMUEL 14:4

A'nogo yagatikhemo he a'nogo raja were'ma lagaikhesik aren eindep awi yagaisogo raja fogerati logolik he yi'nogo isikhe, ”Noe hat mondok lego mene nen an hamingmingengge yi lebetnabin o!” iluk yagatikhe.

2 SAMUEL 15:32

A'nogo yaga'luk, Daud ebe tom punu ebeba afuni nen samban nineisena Tuhan fogerati logolik hilingitarek oba andoma lagasikhe hak he, ap ekhe Daud oba lombokhogo welagaikhe mene ap unggulenu Ariki mene enu Husai andi asu libilogo lakfisasikhesik, wul unggul ebene yugulogo oba wagaikhe.

2 SAMUEL 24:20

At a'nogo lagagunem a'nogo re, at Arauna a'nogo eil filik-filik pelakhasikhe re at raja a'nogo agoromi eiso'marogo lagagunem pelagisasikhesik, at Arauna a'nogo eindep awi yagaisogo at Daud heinok wokhikhi logolik,

2 SAMUEL 4:10

An o Ziklag were'ma ap ekhe nen hun Saul wa'lagama iluk wene waluk wagaikhemo re, an nen ebeti logolik fano wene waluk weri'lago iluk anggasigi. Oba nen he hilingik kwelek an nen ap a'nogo fakfigirik ebe pinggi watigi. Aren wene a'nogo waluk wagaikhe mene andi faget onggo wogosu hak he ebe pinggi watigi andi.

ESTER 4:16

”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.

ESTER 5:1

At Ester ambe heang welagaikhesik linggene henaganek mene a'nogoba re asu raja inagagwi nen labetarek asu a'nogo laberogo re, o hun raja ebe were'ma a'nogo nen elokhoma omanogo lagaikhesik he kwe hun raja kwikherek kwe a'nogo mendek logolik welagaikhe. Nen at raja re hu'lagungge takhta a'nogoba kwe sou esanggo fikhit hurek welagaikhe.

MAZMUR 66:3

Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

YEHEZKIEL 27:30

Wilibimbik iren hat hobaget le asugun, iren inendawimo sinurogo logolik ineil amusu lilhigik pelafi logogun. Iren fong warogo iluk enegenggerogo fesi inunggul oba yugulogo kweanggwe limbilhi logogun.

HOSEA 6:2

Ninenggi pire henagan yaba re ninoba ou welago mene Aren fano hilingninabigin o. Nen nit ninebe nineluk At awe a'ma ninobagaumo logogun.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

MATIUS 12:40

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

YOSUA 7:6

Yosua inom it afuni a'nogo melalinafu mene inogogwi omanogo inom inendawimo mondok weak agaukwasik he, inasu mondok tilip-talap isasukwasik, fong warogo pelagi logolik wul yalelogo inunggul oba fesukwasik, lingge hundik hup hundik he Tuhan nen Peti Wene Warek a'nogo era'lu inelokhe sagaum logolik inendawi warikhi lagaukwa.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.

1 SAMUEL 20:41

Abo a'nogo arat lagaikhemo re, at Daud ebe helep hokhorogo kabokse'ma ambotma aremnogo nen Yonatan oba wulibi wagaikhesik he, enggi henagan oba eindep awi yagaisogo hai watikhe. A'nogo hai watikhesik, emberegat inambe saluk-saluk ikhi logolik, le agaukwa. Le a'nogo aga logolik, at Yonatan endawimo endebat heiselhikhe meneat he, at Daud enek he, endawimo mondok hokhorogoat heiselhikhe.

1 SAMUEL 25:23

At he Abigail a'nogo nen Daud wagunem eilenggen hasikhesik he at ebe weak-weak wam keledai amboloba nen pi wagaikhesik hun Daud eiso'ma endep awi yagaisogo hai wati logolik,

1 SAMUEL 4:12

A'nogo hilingitukwama, ap ekhe unggulenu Benyamin mene, weim yafukwaba nen humusek o Silo hari andibaat wagaikhe. A'nogo waga logolik, inoatama nen endawimo weak agasik waga higi, iluk futfouwagaluk asu laberek mene libik-labakhogo nen he, fesi ungguloba yugulogo wagaikhe.

1 SAMUEL 4:16

Were'ma, ap a'nogo nen ikhi logolik, ”An he, weim yafaba nen humusek yogondak yaat wagarigo,” iluk yagatikhemo, at Eli nen he, mel yagatikhe: ”Namlogo wene re ninggi'nogo,” iluk heinok wokhasikhe.