2 SAMUEL 1:16 - Allah Wene Fano Wene Hupla Inane

¹⁶ A'nogo wa'lagaikhemo, at Daud en warek mene a'nogoba ikhi logolik he, ”Hat honggwaregen he, An nen kain raja Tuhan nen wenagaisogo menfesikhe mene wati, iluk egenma, honggwaregen wene hoba fakhegenma hoato o,” iluk yagatikhe.

2 SAMUEL 1:16 ပူးပေါင်းရင်းမြစ်များ

2 SAMUEL 1:10

A'nogo yaganetemo nebe horokhogo lagarik kwelakhigi re, ebe hu'la'luk hobuk menlasu re mondok elo'lek were'ma higirik he, welagi'legat wa'lasigin omare iluk futfigirik ebe wati o. Watirik, kware-kware it raja lak pugetarek mene unggul oba ugu mene a'nogo inom, senggan enggiba ugu mene a'nogo inom, korogo wanhi mene hoba waluk wagi yi o, noe,” iluk yagatikhe.

2 SAMUEL 16:8

Haren at Saul en ferinarek welagaikhe mene andi telogo wanhigindik, ap Saul oe agot inebe mondok hokhorogo inoatigin andi nen, nineisena Tuhan nen afuni haren ferinarek welagen mene andi hamlogo Absalom en ferinarek logouwagaluk arat wogetemo o. Ma re, yogondak hat arat nongagen o. I'hii! Afuni inoare mene yi. Nongagen,” iluk wenagetikhe.

1RAJA-RAJA 2:37

Nen haren hailo legengge wulibi lambik i endep mene enu Kidron andi palogo lagain halok he hat hebe hoasugun o, Nen a'nogo hilingisugun mene andi re hat honggwaregen enek ambisangma saburagain o,” iluk yagatikhe.

AYUB 15:6

Hat honggwarek hane ambisangma wene hoba fakhikhi lagenma re Hat weak hilingiten iluk andi re an nen yagahesigin lek.

AMSAL 6:2

hat honggwarek hane egen andiba hele webet fakhegen andi o, nen wene wareten andi nen alomarogo fakhegen.

YEHEZKIEL 18:13

Aren angge ap amu mene inoba hobuk to'mongge inom wo'nesubagaigen iluk wogisikherek. Ap a'nogo hilingiterek mene andi re eluk logou hak nogo? Lego! Aren he mondok weak inabit mene andoma hilingitunem he at andi re wa'lasigin o. At ebe wa'lasigin andi re onggwarek aweak hilingiti laga mene omanogo onggo wa'lasigin.

IMAMAT 20:16

Hele misik ekhe nen wam inom a, athe mene inom a sebetu halok he, wam andi ogo nen hele andi ogo pinggi inoasugun. Nen, it wa'lasugun mene andi re inonggwarek inaweagen wa'lasugun.

IMAMAT 20:27

Aben ogo hemi nen ogo afuni wa'lagaikha mene inagaimengge inendawimo kuluk hilingitu halok he, it andi huk helep oba pinggi wa'no. Nen, at wa'lasigin andi re at onggwarek aweak oba, ikhe yagaisano iluk,” yagatikhe.

IMAMAT 20:9

Tuhan nen wene melalek yi Musa oba fikhi logolik, ”Ap ekhe nen eisena ogo agaisa ogo homan fisugu halok wene oba fuluk pinggi wasugun fano. Nen, at wa'lasigin mene andi re onggwarek aweak onggo.

MATIUS 27:25

it omanogo inane ninghogoat ikhi logolik he, ”At amep andi re, nit ninagainafuri ninomat ninoba logouwago!” iluk yagatukwama re,

LUKAS 19:22

A'nogo yagatikhemo, at kain a'nogo nen he, Nagot. Hat hobabut weak mondogat hilingiti lagenma o. Hat hane egen andibaat wene hoba fembik weagethabigin o. An nobabut ningsek logolik he, an nen figi'lek mene heligik, awi an nen yati'lek meneat he, enggen paligik, igire'ma, nobabut hat helu halok he,

KISAH PARA RASUL 18:6

A'nogo yagaisugunem iren he, ”Weak ikhi lagen o,” iluk abok weak palhi lagaukwama re, at Paulus nen he, ”An wene noba lego,” iluk u hak, asu endakwe mene ololong horogo pelakfisikhi logolik he, mel yagaisasikhe: ”Hit hinonggwaregen nong akhegep halok he, hinoba lombogo. An noba lego. Huli yogondak huli nen, an afuni endakwe mene wene yagaisa lagain o,” iluk yagaisasikhesik,

KISAH PARA RASUL 20:26

A'nogo Allah endawimo anggasikhe wene andi, an nendawimo kamo igi'lek mondogat fakhogo yagahisigi andi nen, hit ekhe hobuk nongagep halok he, wene an noba lego, iluk yagahisigi.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

ULANGAN 19:10

Wene yagahisigi mene andi hilingisugun lek halok he ap weak hilingitu lek mene o kweang hineisena Tuhan Allah nen wokhisasikhe ba andi nen warek logogun enggere wene andi furogo hilingi'no,” iluk yagaisasikhe.

YOSUA 2:19

Logolik, it mene ekhe endakwe wulibumo wesugun halok he, nit weak lek. At onggwarek weak oba o. Ma re, at faget niren yi'nogo ti'nogo ekhe ugun mondok lego. A'nogo meneat he, oloba yoma were'ma weak asigin halok enek he, nit ninoba lombok ugun o.

HAKIM–HAKIM 9:24

A'nogo agaikhe andi re Abimelekh inom afuni Sikhem mene inom Gideon againafuri inebe 70 nen inoasuageluk inendawimo kagalhikhe mene a'nogo onggo hilingitikhe.

1 SAMUEL 25:39

Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.

1 SAMUEL 26:9

Oba nen he Daud en ikhi logolik, ”Haren at oba yi'nogo ti'nogo ekhe hilingfou fuk! Afuni nen ap raja Tuhan nen wenagaisogo menfikhe meneba weak mene hilingfisugu halok he Tuhan nen unggum wogisikherek enggere.