2 SAMUEL 1:10 - Allah Wene Fano Wene Hupla Inane

¹⁰ A'nogo yaganetemo nebe horokhogo lagarik kwelakhigi re, ebe hu'la'luk hobuk menlasu re mondok elo'lek were'ma higirik he, welagi'legat wa'lasigin omare iluk futfigirik ebe wati o. Watirik, kware-kware it raja lak pugetarek mene unggul oba ugu mene a'nogo inom, senggan enggiba ugu mene a'nogo inom, korogo wanhi mene hoba waluk wagi yi o, noe,” iluk yagatikhe.

2 SAMUEL 1:10 ပူးပေါင်းရင်းမြစ်များ

2 SAMUEL 1:16

A'nogo wa'lagaikhemo, at Daud en warek mene a'nogoba ikhi logolik he, ”Hat honggwaregen he, An nen kain raja Tuhan nen wenagaisogo menfesikhe mene wati, iluk egenma, honggwaregen wene hoba fakhegenma hoato o,” iluk yagatikhe.

2 SAMUEL 1:9

A'nogo yagatimo, aren he, ”An tok noata mene mondok enggin agama nebe wa'lasu hak welagi, hilingi'mo re, noasi me o!” iluk yaganete.

2 SAMUEL 12:30

At Daud en he at raja o andi mene inoe agun a'nogo nen unggulasu makhota sebelek welagaikhe mene a'nogo unggulmo nen wanhikhesik he at Daud ungguloba sebelfesikhe. Makhota andi enggin he 35 kilo nen hilingi'mo re no permata mondok fano meneba saplirogo pugunhogo hilingik welagaikhe. Nen, o kota andi nen he at Daud en yi mene ti mene hokhorogo hogougeraluk lagaikhe.

2 RAJA-RAJA 11:12

A'nogo mondogat hilingfesikhesik Yoyada wulibi wagaikhesik he Yoas unggul oba mahkota kware-kware hak mene a'nogo ungguloba fuget fesike, nen buku Tuhan awene melalek a'nogo enggin figik isikhe. A'nogo hilingfuluk he at imam Yoyada inom at againafuri inomen he linggene at raja menfesukwa sambul a'nogo re amusu oba kweisal fesukwama, it afuni mondogat a'nogo nen inagaiyegen inenggi taphogo inane a'mit sup ikhi logolik ”Nineisena hat raja logogin o!” ikhi lagaukwa. At Yoas raja logouwageluk iren a'nogo menfesukwa andi.

RATAPAN 5:16

Nit ninamolo hikhi lago mene omanogo re mondogat lek aga, nit weak hilingitoba re mondogat alomat lago.

MATIUS 7:2

Hiren wene it ekhe inoba fikhi lagep andi hak, at Allah nen a'nogoat wene hinoba fagain aro. Nen, hiren ilirengge walfuluk it ekhe wogisikhi lagep andi hak, at Allah nen ilirengge andibaat walhaluk wokhisagain aro.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.

HAKIM–HAKIM 9:54

Ariginhikhemo at Abimelekh en weak-weak ap alage mene nen at asikhe waluk laga-lagaikhe mene a'nogo woletikhe. Woletikhesik yagati logolik, ”An he, he mene nen wate ikhi logogun andi re nabiro, henggarok andi lisogo an nebe pinggi noasin” iluk isikhemo re, ap souge mene a'nogo nen at Abimelekh a'nogo talogo watikhemo ebe pinggi wa'lagaikhe.

1 SAMUEL 22:18

Andiba re, Saul en hun Doeg oba yagati logolik he, ”Weak-weak haren it inoasin!” iluk yagatikhemo, at Doeg a'nogo weak-weak siakhogo menla'luk laga logolik he, it imam omanogo mondogat inoatikhe. Linggene andi sambul he aren it imam mene inami'mo walimo hak mene enu efod elok isu hak mene inebe lambulogore 85 nen inoatikhe.