2 PETRUS 3:7 - Allah Wene Fano Wene Hupla Inane

⁷ Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.

2 PETRUS 3:7 ပူးပေါင်းရင်းမြစ်များ

MAZMUR 102:26

o attak he Haren kweang tik warogo fesigin, nen pogot he Hat henggi nenat talogo fesigin.

MAZMUR 50:3

Nit nineisena Allah andi ebe waga logolik he At ane legengge wagarek lek, At waga logolik elokhoma re endu amulok kulung-kulung wagarek, nen sogoi sielu hokho mene re At ebe huli'liphogo wagarek.

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

YESAYA 66:15

Ibi eberogo nen, Tuhan hobuk endu inom wesigin. At he angge kereta andi sogoi sielu nen hilingiterek hak, Nen At a'mage endu amulok hak lagakhi logogin mene a'nogo At ebe waga logolik anini afuni inoba filik wesigin.

DANIEL 7:9

A'nogo yethigirik neilenggen oba mondok were'ma, e kursi inogogwi raja hurek welagaikharek mene ekhe fugunem higi. A'nogo fagama, At eluk mondok welagarek mene andi ebe kursi aremnogo ekheba hu'lagunem yethigi. Ap andi asu inom, esi inom, elokhonggen inom he mondok fano pogot anggulok hangge welaga. Nen, e kursi hurek welaga mene andi re eisok abampol hilingik meneba re, endu amulok kulung ugunem higi.

ZEFANYA 3:8

Oba nen he hinelurogo! An nebe menlasimbik hinabusakwe sagal-fagal hinabigin sambul andi yerogo logoni. An nen anggikhi logolik yi afuni ti afuni inuggulenu lombok inom o kerajaan andoma inom andoget fisambik, An anini a'nogo it inoba kweisaligiluk hilingiti lagi. Ma re, o kweangma yoma mondogat he An nanini nen endu fasigin mene a'nogoba endu nagain.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

MATIUS 10:15

Yogondak he, an nane eberogoat yagahisak. Hobuk Nineisena Allah pogoroba mene nen wene inoba figik, kotik, igin andi sambul he, it afuni o Sodom Gomora mene andoma re, wene inoba fembik weagerinabigin meneat he, se hangge aro. Meneat he, it afuni o sili hit wokhinafi'lek herakhinobagagun mene andi nek he, wene enggin mene inoba fembik mondok weagerinabigin o,” iluk yagaisasikhe.

MATIUS 11:22

Meneat he, an nane eberogoat yagahisak. Hobuk o wurep oba Allah nen wene hinoba figik, kotik igin andi sambul he, it afuni o Tirus Sidon andoma wene inoba fembik serogo hak inoasigin meneat he, hit enek he, mondok engginhogo hak hinoasigin o, iluk yagahisigi.

MATIUS 11:24

Hobuk Allah nen wene inoba figik, kotik igin andi sambul he, it afuni o Sodom welagaukwa mene wene inoba fembik serogo hak inoasigin meneat he, hit enek he, mondok engginhogo hinoasigin andi nen he futfeni o,” iluk yagaisasikhe.

MATIUS 12:36

Halok he, an wene yagahisagain mene yi eberek logoino. Hobuk Allah nen inanema waganogo wene inoba figik, kotik, igin andi sambul he, afuni inane we tulemat agarek mene andi faget wene inoba fagain aro.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MARKUS 6:11

It afuni o ekhe nen hinebe wokhinafik, hinane holhik, igi'lek halok he, o andi nen wulibi waga logolik he, it o andoma mene inendawimo futfouwageluk he, hineisok a'makwe kweang ogoilong terogo herakfisaluk wulibi we'no,” iluk komorogo lakfisasikhe.

YOHANES 12:48

Athe, at andi an nebe wo'nabu abirat, nen nane furogo wanu abirat andi nen wene oba fagain mene werego. Wene oba fagain andi re, o wurep oba tegelinabigin andiba, an nen wene yagahisikhi lagi andibaat wene oba asigin o, iluk a'nogo yagahisikhi lagi andi re,

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

1 KORINTUS 3:13

A'nogo wutu were'ma, at Kristus hobuk wesigin andi sambul, afuni nen o wuta mene lombok. Fano a? Weaga, iluk, endumo walhugunem, fakhogo enegat agunem hogoin o.

FILIPI 1:28

It ekhe nen he: ”Wene andi ninabit,” iluk, ugu kwelegat he, hit enek he, hinailo agi'lek ninghogo mondok fisogo logoino o. A'nogo fisogo logogun andiba, it andi nongasugun iluk enegat hilinglagik, hit telhinabigin iluk enegat hilinglagik, Allah nenat hilingisigin werego.

2 TESALONIKA 2:3

Afuni ekhe nen: ”Allah ninabit,” iluk, herakfisaluk wulipluk at obabut mondok weak mene hobuk Allah nen endumo lakfisagain mene a'nogo weinam agik, a'nogo tak hilingisugun andi nen he, it ekhe nen yi'nogo igik, ti'nogo igik, ikhi logolik, lalhinabugun he, nabit.

1 TIMOTIUS 6:9

A'nogo meneat he, afuni nen he, ”Esin uang andiat,” iluk inendawinggen tulemet fuluk he, o wurep oba yi weak ti weak hilingiri'lagwi andi, ero andi aro. It ekhe nen uang andi mene herasuogeluk, inendawinggen Allah oba himbirik welagaikharesigenat he, herakfisaluk hobuk eba salukhogo waragarek hak, it inonggwarek inendawimo wiik-weakhogo hilingiri'lagwi andi. Andi nen he, afuni ekhe nen, ”Yi mene ti mene hokhorogo helaluk ninebe kain logoilo e,” iluk anggili'lagwi andi re, paik hele fugunem ke'nokhogo wa'lagarek hak, Iblis nen inendawimo kagalhunem, yi mene ti mene inamolo anggogoin lek meneat he, weagerinabigin mene inamolo iluk anggili'lagwi andi nen he, inebe weaget fakhigik, nonget fakhigik, agarek andi.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.

1 YOHANES 4:17

At Kristus welagarek andi hak, nit kweangma a'nogo welago andi nen, hobuk Allah nen nit ninanema waganogo wene ninoba figik, kotik, igin andi sambul ninenggali lek logogun. Ninenggali lekhogo logouwageluk he, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk katokhogo hilingninabi'logo andi.

YUDAS 1:7

It hilingitukwa higithogoat he, it afuni o Sodom mene inom, Gomora mene inom, o sili inera'lukwe mene inomaren, pailak fakfisigik, ap-ap, hemi-hemi hilingisu lek mene hilingitik, isukwaba unggum he, endu nunggu mondok welagare'ma mondok logouwageluk, lakfisasikhemo andoma werek, iluk, nit afuni mondogat futfikhi logogun.

WAHYU 17:11

Mene olomene hangge attak welagaikhe meneat he, elokhe lek andi ebe re, kaindek inebe 7 nen omanogo arat kobokhogo pilik-pilik waga lagaikhasik, it 7 nen andi mene ekhe hobuk ambotkwe kain a'luk, inenggi wenagaisogo 8 hangge hilinglasimbik, hobuk Allah nen weagetfagain, mene hegen o.

WAHYU 17:8

Mene olomene hangge hegen andi attak welagaikhe meneat he, yogondak elokhe lek hegen andi re, kweang a'ma nen lagai wesigin o. Lagai waga halok, Allah nen alomat fagain o. Nen, Allah nen kweang pogot oan elalhi'lek logolik, suesingga it afuni ineluk mondok logouwageluk fanorinabigin mene halok inenu lisu palek andiba, it ekhe inenu lisu palek lek mene nen, mene olomene hangge andi ineilenggen hasukwasik, iren he, mene olomene hangge yi, attak welagaikhesigen, elokhe lek agaikhe meneat he, hobuk weinam aga yi, nailo e, iluk fogerasugun o.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 21:1

A'nogo higiri'mo nen ombo'ne re, Allah nen pogot inom kweang inom attak mene legetfigik, i laut yenggelek legetfigik, ikhesik obali'mo re pogot inom kweang inom ket mene hilingisogo fikhemo were'ma higi.