Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 PETRUS 3:3 - Allah Wene Fano Wene Hupla Inane

3 Wene ebe yi tak futfogoin. O wurep oba re, afuni ekhe inane asegen weak mene inendawinggen en nunggunem inendawimo nen kagalogo weak hilingiti logolik, hinoba wesimbik, inane asegen wokhisikhi logolik he,

အခန်းကိုကြည့်ပါ။ ကော်ပီ




2 PETRUS 3:3
17 ပူးပေါင်းရင်းမြစ်များ  

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?


Ap wonoget fakhagarek mene andi re hebelagaikharek mene ekhe werek lek, oba nen ap hebelek mene re siserogo yanggulherek.


At Tuhan he ap leget fakhagarek mene inoba re abit isikherek oba nen he ap sebelfakhagarek mene inoba re fanot fisikherek.


Hit afuni o Yerusalem oba ferinarek logolik puliarinafi lagep hinap yoma sani! Tuhan ane ikhe mene andi holini o!


Andi re afuni ap amu mene sebel fisigik, Allah li'noratik, hilingiri'lagwi mene andoma ineluk logogun mene a'nogo wurep kobokhogo asigin mene re andi. Nen Allah nen he it ap weak hilingiri'lagwi mene mondogat inom,


Hiren ikhi logolik, ”It afuni Israel mene ineisena Tuhan Allah Horek Mondok welagarek mene andi nen weak weakhogo nek hilingisuak! Nen, Aren hilingisigin iluk wenggelhe mene andoma hilingitunem he niren nineil higik, ninelu agik, ugun o,” iluk ikhi lagep.


Linggene raja nen pesta hilingitu sambul he, afuni omanogo nen raja inom agoromi at a'ma yabu hilingiri'lagwi mene inom i anggur agai lugulugwit inabuageluk wogisaluk mondok kemburogo hilingiri'lagwi. A'nogo hilingitunem ambisangma re raja a'nogo it ap weagerinafarek mene omanogo inom inagaiyek-pinagaiyekhogo hilingitarek.


Athe, at andi an nebe wo'nabu abirat, nen nane furogo wanu abirat andi nen wene oba fagain mene werego. Wene oba fagain andi re, o wurep oba tegelinabigin andiba, an nen wene yagahisikhi lagi andibaat wene oba asigin o, iluk a'nogo yagahisikhi lagi andi re,


Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.


Wene yi hendawimo eberek logoino o. O wurep oba enggin-fenggin asi wesigin mene werego.


Meneat he, o wurep oba, nit yogondak welago yaba re, Allah nen wene andi amlogo yagatikhemo, aren nit yaganisa wagaikhe. Amlogo andi re, eroba Allah nen yi mene ti mene mondogat elalhikhe andi, ebe at amlogo nenat elalhikhemo, eisewerek logouwageluk menfesikhemo welagarek andi.


Wene Allah ane andi re, it afuni inendawimo kagalogo ekhe isukwa lego. We, inebe afuni meneat he, Allah Areagun en inendawimo kagalogo yagaisugu kwelek, Allah nen isikhe wene andi yagaisikhi lagaukwa andi nen, wene Allah ane lisu palogo fesukwa mene werek andi, Allah Areagun en ninendawimo kagalhi'le'ma, ninonggwarek ninalegaren furogo futfogoin elo'lego.


It andi esin hangge re, Allah inendawimo sebelfuluk, yi mene ti mene inendawinggen en nunggunem weak hilingirik nikho andi, Allah nen wene inoba fagaino. Inailo lek inobabut weak hilingiti logolik, pogoroba mene fogerinafu welagaikharek mene andoma, it inailo legat inabok weak palhi logogun andi.


Nagainafuri e. O yogondak he, wurep oba welago o. Afuni ekhe nen he, ”Hobuk ap ekhe Kristus inom weim palek mene wesigin,” iluk yagahisasukwama, hinesanggo holhigip andi hak, o yogondak he, Kristus inom selei mene inebe hokhorogo arat weinam agaikhasik werek andi nen he, niren, ”O yogondak eberogoat wurep oba welago,” iluk ninendawinggen wenggelfuluk futfikhi lago.


It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.


Iren he, wene mel iluk yagahisasukwa andi: ”O wurep kobokhogo logolik he, it afuni ekhe Allah ebe inabit logolik inendawimo nen, yi mene ti mene inendawinggen en nunggunem, namolo, iluk andi meneat weak mondok hilingiti logolik, inane asegen wokhisa wesugun o,” iluk yagahisasukwa andi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ