2 PETRUS 2:8 - Allah Wene Fano Wene Hupla Inane

⁸ It andi inobabut hilingisu lek mene weagat hilingitu weregen, at Lot obabut higit mene inanggele'ma logolik, eilenggen isigik, esanggo holhik, ikhi logolik he, hundik-handigat endawimo weak ago mondok welagaikhe.

2 PETRUS 2:8 ပူးပေါင်းရင်းမြစ်များ

KEJADIAN 13:13

O kota Sodom andoma re, afuni Allah elokhoma inobabut mondok weak hilingiti lagaukwa mene welagaukwa.

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

MAZMUR 119:139

It naselei mene omanogo nen wene Haren yaganisikhi lagen mene omanogo inonggot a'luk hilingitunem he, an nobaharo a'luk na'mage hokho mene lagali'lago.

MAZMUR 119:158

It ap inawene weak inap andi isaluk he Hat hawene yaganisikhi lagen mene andi mu'luk lili'lagwi le'ma re, an nen mondok nabit isikhi lagi.

AMSAL 25:26

Ap fano hilingitarek mene andi inomame lega'luk it weak hilingitarek mene inoba sebesugun halok he, i elesi ekhe pogole mondok eil sing meneba nen wiliferek mene inom, nen i mogo yenggele'ma eil weak andi inom emberek higit.

AMSAL 28:12

Ap fano hilingitu mene nen melalinafu werek halok he afuni mondogaren inagaiyek inoba welagaikharek, oba nen ap weak mene nen melalinafu halok he, afuni koma kwe lagaikha heat hina'lagaikharek.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

YEHEZKIEL 9:6

Hiren he, ap inom, hemi inom, inaluendek inom, yenggerugwi inom, souge mene inom, yaman mene inom mondogat inoa'no. Oba nen he, it afuni inelhaba enek engge hilingik mene andoma misik iluk ogo ekhe inagap senisa fuk. Ero An Nawi wuri'mo yoma nen tak erora'ni,” iluk yagaisikhemo, it ineabu a'nogo eroratasik he ap Israel mene inogogwi melalinafarek mene o Tuhan Awi wuri'mo welagaikha mene aremnogo tak inoatunem isigi.

1 TIMOTIUS 1:9

Eberogoat he, wene Allah nen komotninafikhe wene andi, afuni higithogo hilingitarek mene faget isikhe fuk. We, afuni komore'lek inesanggo holhi'lek hilingitarek mene inom, Allah inabit logolik weak hilingitarek mene inom, inebe Allah faget fisigi'lek Allah ane sebelogo hilingitarek mene inom, ineisena inagaisalak inebe mondok inoatarek mene inom, afuni ekhe hesanggeat inebe mondok inoatarek mene inom,

IBRANI 11:4

At ap enu Kain en, we mene Allah wogetikhe meneat he, at Habel andi nek he, endawinggen Allah oba himbiret fuluk fano mene Allah wogetikhemo, aren he, ”Habel enek he, obabut higit fano higi,” iluk isikhe. A'nogo isikhesi'mo nen, at Habel ebe wa'lagaikhe meneat he, endawinggen Allah oba himbirik logolik hilingitikhe andi, aren, ”An yi'nogo hilingiti,” iluk yaganisili'logo hangge mondok werego.

YAKOBUS 5:16

A'nogo hilingisigin andi nen, hit ekhe hinoba ou mene se asubagaigen he, weak hilingitep mene hit-hit fageti logolik samban ikhi logoino o. It afuni Allah endawimo amolo anggikherek mene higithogo hilingitarek mene nen samban eberogoat ninghogo ugun andi, omame hokho were'ma re, Allah nen hilinghinabigin werego.