2 PETRUS 2:3 - Allah Wene Fano Wene Hupla Inane

³ It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.

2 PETRUS 2:3 ပူးပေါင်းရင်းမြစ်များ

AYUB 6:27

Hiren he it yenggerugwi suarek mene a'nogo inom helebenggen walhaluk he, it inelagaik anggigi'lek engge hilingiti lagep, hit hinare hinom hundik meneba nen ogore, hit hinenggi werek asugun iluk henarogo lalhi lagep.

MAZMUR 18:44

It afuni hat hane sagalogo hilingiri'lagwi mene andoma inoba nen Haren fikhalogo nobagakhi lagen. A'nogo nobagaluk it afuni inunggulenu amu mene, an nen ogo nonggot mene andoma, an namingmingengge were'ma, an it inobaget nenu werek logouwageluk hilingnobagakhi lagen.

MAZMUR 66:3

Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

MAZMUR 81:15

An nen weak-weakhogo it inaselei mene omanogo wolelenggenhogo fisigik, nen it inaweim mene omanogo mondogat inomame leget fisigik, hilinginabile o.

YESAYA 5:19

Hiren ikhi logolik, ”It afuni Israel mene ineisena Tuhan Allah Horek Mondok welagarek mene andi nen weak weakhogo nek hilingisuak! Nen, Aren hilingisigin iluk wenggelhe mene andoma hilingitunem he niren nineil higik, ninelu agik, ugun o,” iluk ikhi lagep.

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

YESAYA 60:22

Nen we it afuni ineisok erokwe inebe endebengge hilingik were'ma wenagisikhi logogun oba nen, hobuk inunggulenu hokho mene asimbik inomame mene logogun, Nen inenggi ekhe higit asi wesigin oba re, An Tuhan nen weak-weak hilingisigin o,” iluk ikhe isikhe.

YEREMIA 6:13

It inebe mondogat yenggerugwi magendek mene inom inaluendek mene inom he ineranhogo lalhigik ambisangma saburili'lagwi. Nen it nabi inom imam inom oba nen ogore afuni ineranhogo wene yagaisili'lagwiat.

YEREMIA 8:10

A'nogo hilingiri'lagwi andiba re An nen it ineabu andoma re ap weagerinafarek mene inoba wogisigik, it inagagwi re ap amu mene inoba wogisigik, igin o. It inebe mondogat yenggerugwi inom inaluendek inom inonggwarek inenggi werek agu mene faget ineranhogo weneba lalhigik saburili'lagwi andi. Nen, it imam inom nabi inom oba nen ogore afuni ineranhogo wene yagaisili'lagwiat.

YEHEZKIEL 13:19

Hiren gandum ombo miren mene hakhogo inom nen roti kurik mene inom helouwogeluk, An nagainafuri inelokhoma nenu mondok weagerogo fikhi lagep. Afuni weak hilingitarek lek mene re hiren inoati logolik, weak hilingitarek mene unggum inoba fou mene omanogo re hiren ineluk fisikhi lagep. A'nogo hilingiti logolik hiren An nagainafuri lalinafi lagepma re iren hit hinoba eberogo anggili'lagwi andi o,” iluk ikhe yagaisano, isikhe.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

HABAKUK 3:3

An neilenggen hiugunemen he neisena Allah Hebe Mondok Tegelek welagen mene a'nogo o Teman fikhiren wagik, nen o Paran tom fikhit andoma nen wagik ugunem hiigi o. Nen Hat hebe agaugwet hafarek mene a'nogo pogoroba mondogat sagare'ma re, kweangma yi awi ti awi mondogaren ogore Hat faget wuniba fogethafu welagaikharegat andi.

MALEAKHI 1:10

Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.

MATIUS 23:14

Hit ap Allah ane lisu palek eisewerek mene inom, Farisi mene inom, hinagap oba nek fano logolik hinendawinggen pire mene yi ri! Allah nen weagethinabigin o. Hit he, hemi sogwe mene inawi wurik inom, inagarek inom, sebelikhi logoligat he, afuni nen, inesanggo holiluk, it fano anggoageluk samban uan-awan lithilik laga lagep a'nogo hilingiti'lek logoilepma re, Allah nen wene endebat hinoba feilepsik logoilep. Mene re, a'nogo hilingiti lagep andi nen he, wene enggin mene hinoba fembik weagethinabigin o.

LUKAS 18:8

Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

LUKAS 20:20

Kamo isukwasik hobuk, aren ane igin oba ebe enggin oba fouwogeluk, at gubernur afuni ferinarek logolik wene inoba figik, kotik, ikherek mene eisewerek mene nen wene oba fouwageluk, ap ekhe inobabut fano hangge Yesus ineil wani loageluk lakfisa wagaukwa.

LUKAS 22:47

At Yesus nen a'nogo ugu kwelek aremnogoat, at agoromi inebe 12 omanogo mene ekhe enu Yudas a'nogo, yonggo lagaikhesigen ap hokhorogoat woginarek wagaikhesik he, at tak Yesus hai ambe saluk wasigeluk, oba wagaikhe.

YOHANES 2:16

it afuni sue pel hangge mene onggo wanhi lagaukwa mene omanogo wenagisigik isikhe. A'nogo wenagisikhi logolik he, ”Sue yoma helaluk wulibi lani o. An neisena awi wuri'mo yoma, yi mene ti mene onggo palharek oba hangge palhi lagep yi re, a'nogo hilingiti logogun mondok lego,” iluk wenagisasikhe.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

2 KORINTUS 2:17

It afuni ekhe inebe hokhorogoaren he, yi mene ti mene onggo ha awarik lagaikharek hak, Allah ane a'nogoat waluk lagaikharek. Meneat he, nit enek he, a'nogo lek. We, Allah nen, at ane waluk loageluk ninayonggo fesikhe andi nen, at eilhanemat ninendawinggen misigat Kristus ninom hundigat logolik, yagaisilik laga lago o.

ULANGAN 24:17

Nen, hiren ap pok mene inangge inom, yenggerugwi suarek mene inangge inom hinenggi abisak heligik, nen hemi sogwe mene inasu hobuk wogisogoin iluk aninurogo fisogo welagik ikhi logogun mondok lego.

ULANGAN 32:35

Iren hilingita onggo, wene inoba fembik, inebe inoasigin, Inenggi welagi'lek, inebe alomat lasugun, it weagarinabigin oba, horogat asi waga.

1 TESALONIKA 2:5

Nit he, ninendawimo nen, yi mene ti mene ninalegat ninoba logoilep, iluk anggikhi logolik, ninaneba nen agaukhogo yagaisikhi lago lek mene andi re, hirogo hineluaro. Nen, Allah eluatma re, arenat: ”Andi eberogoat,” iluk igin andi.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

1 TIMOTIUS 3:3

i anggur amusu ninggerek lek mene halok, obabut asialokhogo hilingiti'lek enago liokhogo welagarek mene halok, endawimo nen uang hokhorogo namolo anggikherek lek mene halok,

1 TIMOTIUS 3:8

Andi hagat he, Allah againafuri mene leberisikhi logouwageluk, inobabut yiginik mene menfisogoin. Inoba haro mene halok, inameli pire akhogo agarek lek mene halok, anggur enggen amusu nenggarek lek mene halok, uang, yi mene ti mene fano mene, ”An enek noba logoilep,” anggagarek lek mene halok, menfisogoin o.

TITUS 1:11

A'nogo lalinafi logolik, yi mene ti mene inonggwaregen hunirogoin lek mene hunirouwogeluk yagaisogoin lek meneat yagaisikhi logolik, afuni hokhorogoat inagainafuri inomat lalinabi'lagwi andi, it inane andi sebelogo legetfisano.

TITUS 1:7

Ap Allah againafuri ekhe kwelaginarek logolik he, Allah fagerat hilingiti logogin andi nen he, it ekhe nen wene oba fili'lagwi lek mene halok, menfisogoino. Aren he: ”It ekhe ugunem weak. An igi nek he, fano,” iluk, ikherek lek mene halok, a'mage horok eberi'logo lek mene halok, i anggur amusu ninggerek lek mene halok, obabut lagaksek welagarek lek mene halok, ”Uang yi mene ti mene an enek noba logoilep,” iluk, anggikherek lek mene halok,

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.

1 PETRUS 5:2

Allah nen he, ”An nagainafuri wam domba hangge yi'nogo kwelaginarek logoino,” iluk hinayonggo fesikhe hagat kwelaginarek logoino. Kwelaginarek logolik, hinonggwarek hinabit werek kwelegat, afuni ekhe nen, inane ninghogo yagahisugunem kwelaginarek welagik, nen, hinendawimo nen, ”Onggo ekhe wo nisoak,” iluk anggikhi logolik kwelaginarek welagik, ikhi logogubo. Athe, we, hinendawimo hinagaiyekhogo kwelaginarek logoino o.

2 PETRUS 1:16

Ninoe Enupogot Yesus Kristus omame hokho a'nogo ebe wagaikhe mene faget hinelurogo yagahisikhi lago andi re, suetninung afuni inendawimo kagalogo pilingitarek mene andi oba lirogo yagahisikhi lago lego. We, at ebe Enupogot mene wagaikhemo, ninonggwarek nineilenggen tomok hasugu mene nen yagahisikhi lago o.

2 PETRUS 2:1

Attagat andoma re, ap ekhe it Allah ane yagaisikhi lagaukwa mene inebe higit we'luk ineranen wene ikhi lagaukwa mene, Allah againafuri inanggelekwe menlarik wagaukwa. Andi higit he, hobuk ap ebe wene yagaisagarek mene hangge wesimbik, ineranen ikhi logogun mene hinanggelekwe ekhe weinam arik wesugun aro. Weinam asimbik he, wene afuni inebe weagerinafarek wene yagahisa kwi wesugun. Kwi wesimbik he, ninoe Enupogoren it ninomat telninabigeluk ninonggo palhikhe meneat he, iren he, ”Athe, nit ninoe lego. Ninonggot,” iluk labelhi logogun andi. Labelumo re, inonggwaregen wene weak-weagat inoba fakhaluk weak akhogoin o.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.

YUDAS 1:11

It andi Allah nen weagerinabigin o! Attagat Kain hilingitikhe andi hak ombo'ne lili'lagwi andi. At Bileam weak hilingitikhe andi hak, inonggwaregen uang saburogo heluogeluk, a'nogoat hilingiri'lagwi. At Kora nen Allah faget, ”Anat hilingiti logogin,” iluk it ekhe sebelfisageluk hilingitikhe andi hak hilingiri'lagwi andiba, inebe nong akhili'lagwi andi.

YUDAS 1:15

Pi wesimbik he, afuni mondogat wene inoba figik, kotik, ikhi logolik he, it afuni Allah ebe inabit mene halok inebe mondogat wene inoba fagain o. It Allah ebe inabit logolik, yi weak ti weak hilingiri'lagwi mene lombok wene inoba figik, Allah inabiren weak hilingiti logolik inane puk weak at abok weak pali'lagwi mene andi inebe lombok wene inoba figik, igin o,” iluk isikhe.

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.

YUDAS 1:7

It hilingitukwa higithogoat he, it afuni o Sodom mene inom, Gomora mene inom, o sili inera'lukwe mene inomaren, pailak fakfisigik, ap-ap, hemi-hemi hilingisu lek mene hilingitik, isukwaba unggum he, endu nunggu mondok welagare'ma mondok logouwageluk, lakfisasikhemo andoma werek, iluk, nit afuni mondogat futfikhi logogun.