A'nogo yagatikhemo, at Ahab en he, ap Allah ane yagaisikhi lagaukwa mene inebe 400 hangge andogorogo fisasikhesik he, mel yagaisasikhe: ”An nen o Ramot sebeligen he, elok inoasi lagain anggikhi lageba? Elo'lega,” iluk heinok wogisasikhe. A'nogo yagaisasikhemo, iren he, ”Elogo. Nineisena Tuhan nen afuni o kota andoma mene inebe henggiba fagain werego,” iluk yagatukwa.
2 PETRUS 2:1 - Allah Wene Fano Wene Hupla Inane1 Attagat andoma re, ap ekhe it Allah ane yagaisikhi lagaukwa mene inebe higit we'luk ineranen wene ikhi lagaukwa mene, Allah againafuri inanggelekwe menlarik wagaukwa. Andi higit he, hobuk ap ebe wene yagaisagarek mene hangge wesimbik, ineranen ikhi logogun mene hinanggelekwe ekhe weinam arik wesugun aro. Weinam asimbik he, wene afuni inebe weagerinafarek wene yagahisa kwi wesugun. Kwi wesimbik he, ninoe Enupogoren it ninomat telninabigeluk ninonggo palhikhe meneat he, iren he, ”Athe, nit ninoe lego. Ninonggot,” iluk labelhi logogun andi. Labelumo re, inonggwaregen wene weak-weagat inoba fakhaluk weak akhogoin o. အခန်းကိုကြည့်ပါ။ |
2 PETRUS 2:1
73 ပူးပေါင်းရင်းမြစ်များ
Tuhan Omame Mondok Hokho mene, Allah Israel mene ineisena a'nogo nen he hun Kolaya amlogo Ahap andi inom, Maaseya amlogo Zedekia andi inomen Tuhan enu igisogo hit hinoba inane ineranhogo wene yagahisili'lagwi mene andi faget ane ikhe. Tuhan ane ikhi logolik he, Aren it inebe Nebukadnezar raja Babel mene enggiba fisamo re hit hineilhanem it inebe pinggi inoasugun.
It ap nabi nen hat yagaheti lagaukwa mene omanogo re, we ineranhogo wene inom lalogo wene inom enek yagaheti lagaukwa. Iren he hat haweak werek mene a'nogo weinamet fikhi lagaukwa lek, andiba re hat hobabut agaum eti lagagin lek andi o. Hebekhogore iren hat hoba yagaheti logolik inane nen lalek wene inom hendawinggen wanhu mene inom enek yagaheti lagaikha.
An he, nebe nabi logolik hit Tuhan againafuri hineluet hinobagakhi logouwageluk Allah nen la'nobagai wagaikhe, oba nen an o ekhema-ekhema laga lagikwe omanogo re, sue faget hakhogo an nobaget hele webet nobagakhi lagep. O kweang Allah onggwarek anggweangma a'nogoba nen afuni nit nabi ninap omanogo eil ninabi'lagwi.
Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.
Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,
At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.
A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.
It afuni ekhe ineranenat ikhi logolik he, Kristus a'nogo nebe an aro, igik, nen, it ekhe nen he, Allah ane yagaisigirek mene re an aro, igik, i wesugun o. Wesimbik he, ”Afuni Allah nen wenaginafikhe mene omanogo lalinabugun hea? Lek hea,” iluk lalinabuogeluk he inane eberogoat anggoageluk elalin hilingisu lek mene hilingirik wesugun o.
at Yesus nen he, mel yagaisasikhe: ”Afuni nen lalhinabinogo nen he, hinobabut hebelogo logoino o. Afuni inebe hokhorogo nen, inenu an nenu mene salogo nen mel ilik wesugun: At wesigin isukwa a'nogo an nebe wagi yi aro, igik, hilinglasigin a'nogo arat horogasi waga o, igik, ilik wesugun a'naga, it andi inane hinesanggo holfuluk inombo'ne lagubo.
A'nogo meneat he, it ekhe meneat he, ninagaila'lak Allah againafuri mene hak hilinglagaukwasik hinagaisogo kwi wagaukwasik he, agap enggalimo mene paluageluk isukwaat. A'nogo hinagaisogo kwi wagaukwasik he, nit Kristus ninom misigat a'luk ninale'ma logolik ninobabut hilingitorek mene andi, iren he, ”Ero ninggi'nogo nen hilingiri'lagwi,” iluk ero herasuogeluk kwi wagaukwa andi. A'nogo herakfuluk inawe a'ma ninobagasukwasik it hilingitarek mene andi hilingiti logouwageluk ineilenggen nisa kwi wagaukwa andi.
Allah aneba lisu palogo fikhi logolik he, mel isukwa: ”Inebe eba menfisaluk inoasumo, it inebe wa'lasugun mene andi, Allah nen homan inobagagin werego,” iluk, lisu palogo fesukwa hagat, wene Allah nen komotninafikhe wene andiba re, homan inoba feigiluk were'ma, at Kristus nen ninonggo palogo telninabigeluk wene nit ninoba mene korogo at oba fakhasikhe andi.
A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.
Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?
It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.
Nen, it ekhe nen he, inobabut inetogat logolik tulemat fogerakhikhi logoligat he, mel agarek andi: ”Nit afuni ninebe kembu. We kaindek he, malaikat Allah nen yonggo pelak fisa wagarek mene andiat. Halok he, inawe a'ma logolik fogerinafi logogun, iluk an nabikanggo higirek mene nen yagahisikhi lagi andi,” iluk ineranhogoat Kristus hinom hundik mene wulak hinobagauwogeluk yagahisili'lagwi andi re, ”Eberogoat,” iluk hinendawimo anggagubo.
A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.
It ap ekhe nen Allah ane eberogoat iluk wanhukwasik logoligat he, inonggwarek inagainafuri andiat esinet fuluk leberisigik, afuni ero it mene halok ekhe inomat leberisigik, igi'lek halok he, Allah ane herakfisaluk wulifasik hanggeat werego. It afuni endakwe mene nen wene wanhi'lek logolik, weak endebat hak hilingiri'lagwi meneat he, it andi mek he wene wanhukwasigen afuni it mene leberisigi'lek hilingiri'lagwi andi nen, weak hokho hak hilingiri'lagwio.
Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.
Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.
It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.
Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.
A'nogo ekhe hilingiti laga andi, at mene olomene hangge hokho attak mene a'nogo nen, elalin mene at eilhanem hilingiti logouwageluk eisewerek fikhe mene a'nogo ebe hilingiti logolik, afuni kweangma welagaikharek mene eranenat lalinafi laga. A'nogo lalinafi logolik, it afuni omanogo nen, mene olo mene hangge hokho karok oba watukwama ebe wa'lasu hak mene ambotkwe fano agaikhe mene a'nogo ebe hangge hilingisogo ilirengge ekhe wusuageluk yagaisasikhemo ebe wutama yethigi.
Hit he, Iblis ebe kain logolik afuni ekhe awe a'ma ferinarek welagarek oba welagep andi an nelu o. A'nogo Iblis awibaat logolik, an namlogo Antipas nen nabok aberali agi'lek, obabut humbunhogo yagaisilik nugunem, it ekhe nen ebe hinendawimo nen watunem, hiren he, nit ninendawinggen Yesus oba eberogoat himbirik welagorek andi lek, ninabit, iluk kobokhogo heraknobagagi'lek, ninom hundigat mondok welagep andi, hinobabut an nelu o.
A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.
ကြော်ငြာတွေ