2 PETRUS 1:8 - Allah Wene Fano Wene Hupla Inane

⁸ Hit he, hinobabut andi mene mondogat eise a'luk, hobugalep hokhorogo eise a'luk logogun andi nen, we tulemat alemarogo welagi'lek, ninoe Enupogot Yesus Kristus furogo hinelu asuguno.

2 PETRUS 1:8 ပူးပေါင်းရင်းမြစ်များ

AMSAL 19:15

Ap yabu korek mene andi re nogo filirogo nogokhi logolik welagarek, andi nen ambisangma re at a'nogo ouwak eberogo hikherek.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MATIUS 20:3

Lakfisaluk he, o mo yegelogo lagai wagaikhemo lagaikhe hak he, it ap ekhe hunogoat mene pasar andoma weat were'ma eilenggen isasikhe.

MATIUS 20:6

Hobuk o hubasigeluk ugu kwelek jam 5 wulifikhesik he, it ekhe weat mendek were'ma eilenggen isasikhesik he, ”Hit hubet enat weat mondok mendek welagep yi nenahalok,” iluk yagaisasikhemo re,

MATIUS 25:26

at oe a'nogo nen he, ”Hat he haberali logolik hobabut mondok weak welagen yi ri! An nen he, it ekhe feik lakfagarek mene enggen paligik, it ekhe yatarek mene enggen foligik, igirek nobabut andi hat heluat anggigi.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 5:42

Hit enek he, Allah hinendawirogo welagep mondok lek andi, an hinobabut nelu o.

ROMA 12:11

Allah Areagun en hinendawimo agaiyegeratu kwelek, nineisena Tuhan faget hinaberali agi'lek, ninghogoat hilingiti logoino o.

1 KORINTUS 15:58

Andi nenat, nerugwi nagaila'lak. Hinebe nendawi e. Hinendawinggen en wurikhogo, hambukhogo logoino. Ninoe Enupogot ninom hundik logolik he, at faget yi mene ti mene hilingitunem alomat lasigin lego, iluk, hundik-handik ninghogo hilingitu mondok logoino o.

2 KORINTUS 13:5

Hiren he, ”Nit ninendawinggen Kristus oba himbiret fesugu a'nogo himbirigat welago a? Lega,” iluk hinonggwaregen hinobabut furogo palano. A'nogo palikhi logolik, elo'lek hilinglagi'lek halok, ”Yesus Kristus ninendawimo werek,” iluk enegat hogoin o.

2 KORINTUS 8:2

It afuni ekhe nen yi enggin ti enggin hokhorogoat weagerinafu kwelegat he, it inendawimo inagaiyek hokhorogo anggili'lagwi andiba inobabut enegat aga. It inagarek mondok lek inelagaik logoligat he, it mene hokhorogoat, lebekhogo it afuni ekhe wogisili'lagwi andi.

2 KORINTUS 8:7

Hit he, yi mene ti mene faget fano mondok hilingiti lagep. Andi re, hinendawinggen Allah oba ninghogo himbiret figik, fano wene fano mondok yagaisigik, ebe wene fano mondok hinelu agik, afuni ekhe leberisouwogeluk anggilukhogo hilingitik, nit ninebe hinendawirogo mondok welagik, ikhi lagep andi hak, hit mene it Allah againafuri ekhe andoma ogo fano mondok hilingfisobagaigen iluk yagahisigi.

2 KORINTUS 9:14

A'nogo fogerati logolik, iren he, ”Allah obabut fano a'nogo nen, iren afuni hokhorogo leberisikhi logouwageluk inobabut andi mene wogisikhemo hilingiri'lagwi,” iluk hinebe inendawi logolik Allah ayonggo hokhorogo fikhi logogun andi.

FILIPI 1:9

An nen samban hit hinobaget ikhi logolik, mel ikhi lagi: ”Yi mene ti mene awi yatunem ero hokho a'luk wuliferek hak, hit ebe wene furogo hinelu agik, fut figik, ikhi logolik, afuni inebe hinendawirogo welagep andi mene hokhorogoat hinendawirinafi logobagaigen,” iluk, samban ikhi lagi aro.

FILIPI 2:5

Hinobabut he, at Kristus Yesus nen endawimo ebeti lagaikhe hagat ebeti logoino o.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

KOLOSE 2:7

e omanggen kweangma ninghogo yaterek andi hak, hinomanggen Yesus oba ninghogo yakfuluk logolik he, o anduli ninghogo pelakfuluk o ebe amboloba wutarek hak, hinendawinggen Kristus oba himbiret fesigip mene a'nogo, hinenggi pukhogo fisogo logolik, Allah hai wato mondok logoino o.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

1 TESALONIKA 3:12

Niren hit hinebe ninendawirogo welago hak, hiren a'nogoat hit-hit hinendawirogo hilingitik, afuni mondogat hinendawirinafik, hokhorogoat hinendawirinafi logobagaigen, ninoe Enupogoren hinobabut inendawirinafarek andi mene oba loukhogo ekhe inomat wokhisikhi logouwak.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

1 TIMOTIUS 5:13

A'nogo hilingiti logolik, inobabut he, inenggi wanhi'lek o kuluk ya kwigik nikherek. A'nogo nikhi logolik he, ekhe weak mondok yi'nogo hilingiri'lagwi. Inane yonggo waluk weak ikhi logolik it ekhe inawene meneat talombogengge igik, wene ekhe u lek mene hunogoat mene igik, ilik nikho andi.

TITUS 3:14

Afuni nit Allah againafuri mene ekhe, e enggen fano mene iti'lek welagarek hak, it andi fano mene eise agi'lek tulemat alemarogo logoinogo iluk, it ekhe yi mene ti mene legen nong a'luk were'ma, it inonggwarek fano hilingiti logolik leberisikhi logouwogeluk, andi mene esinet fuluk yanggulhi logouwago.

FILEMON 1:6

Nit ninendawinggen Allah oba himbiret fuluk, ninerugwi ninagaila'lak Allah againafuri ekhe inom, Kristus ninom hundik were'ma, aren yi mene ti mene fano mene wo'nisugunem futfogorek mene andi, hobuk hokhorogo futfouwogeluk Allah ayonggo fikhi lagi.

IBRANI 6:12

Hit hinaberali weak hilingiti logogun he, ninabiro. It afuni attak inendawinggen Allah oba himbiret fuluk inaberali agi'lek, iren he, ”Eberogoat wanugun,” iluk anggikhi lagaukwaba, Allah nen he, ”Hit wokhisagain,” iluk abok yagaisasikhe mene ebe wanhukwa andi hak, hit a'nogoat it inobabut waganogo hilingiti logoino o.

2 PETRUS 1:2

Hiren Allah inom, ninoe Enupogot Yesus inom, emberek inebe furogo hineluat welagep andi nen, it inobabut fano a'nogo nen fano mene wokhisigik, hinendawinggen hambugethinafik, hokhorogo ugu mondogat logouwago.

2 PETRUS 1:3

At Allah etok mondogat logolik, yi mene ti mene elalinat hilingitunem fogeratu mondok welagaikharek mene a'nogo nen ninayonggo fesikhe andi. Halok, niren at ebe furogo ninelu a'luk, nit ninebe nineluk logolik, at faget higithogo hilingiti logouwageluk, at onggwarek omameba yi mene ti mene wo'nisasikhemo eise agosik welago.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.