Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 PETRUS 1:3 - Allah Wene Fano Wene Hupla Inane

3 At Allah etok mondogat logolik, yi mene ti mene elalinat hilingitunem fogeratu mondok welagaikharek mene a'nogo nen ninayonggo fesikhe andi. Halok, niren at ebe furogo ninelu a'luk, nit ninebe nineluk logolik, at faget higithogo hilingiti logouwageluk, at onggwarek omameba yi mene ti mene wo'nisasikhemo eise agosik welago.

အခန်းကိုကြည့်ပါ။ ကော်ပီ




2 PETRUS 1:3
39 ပူးပေါင်းရင်းမြစ်များ  

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.


Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.


Ap agwe fano mene andi re agun oba wutunem endawinggen oba hundik logolik agaiyek oba welagarek, oba nen, he ekhe nen agun enggali asu mene hilingitu halok, he andi re ou inoagele'ma kuluk hundugurogo lit hikherek hak agun oba a'nogo hilingfikherek.


Helebenggen intan berlian elokhe fano onggo hokho wanharek andi re endebat weak hangge meneat he, ap sa nen agwe obabut fano mene heragaisogo helagain halok he, fano mondok he andi aro.


A'nogo hilingiti logolik, at agun nen he mel yagaterek: ”Hemi ekhe inobabut fano mene inebe hokhorogo weregat meneat he, endebat sebelek hangge, we harenek he, mondok fano esin hangge o,” iluk agaugeraterek.


A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.


At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.


A'nogo anggikherek mene andi, nit afuni Yahudi mene nek wena'ninafikhesik ninayonggo fesikhe fuk. It endakwe mene ninomat wena'ninafikhesik inayonggo fesikhe aro.


At Allah nen amlogo ninoe Enupogot Yesus Kristus hinom hundik logobagaigeluk hinayonggo fesikhe andi. A'nogo, at obabut humbun mene nen hinayonggo fesikhe andi nen he, ebe asigin iluk hinendawinggen menenei ebeti'lek humbunhogo logoni o.


aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.


An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.


Allah nen hinayonggo fikhi logolik he, ”An nen fanothinabigino,” iluk, abok misigat mene yagahisasikhe hak, at ebe misigat mene hinom hunetik, Areagun misigat mene wanhik, isigip andi.


A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.


Nerugwi nagaila'lak. Wene wurep oba yi ekhe yagahisak. Hinendawinggen ebeti logolik he, fanorogo hilingitik, fogerinabu mene hilingitik, ili'lagwi mene oba ebeti logoino. Andi ebe re, wene eberogoat mene oba ebetik, fogerasu mene oba ebetik, inobabut lomborogo logolik hilingitarek mene oba ebetik, inobabut heanerogo hilingitarek mene oba ebetik, inoba liok ugu mene oba ebetik, ebetu mondok logoino o.


Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.


Ninoe Enupogot Yesus Kristus fogeratu mondok welagaikharek hak, hit a'nogo hinom fogethinabuageluk, Allah nen fano wene niren yagahisa wagagu andiba hinayonggo fesikhemo welagep.


Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.


At Allah nen ninebe telninafik, at onggwarek againafuri asuageluk ninayonggo figik, isikhe andi re, niren ekhe hilingituguba ninayonggo fesikhe fuk. Athe, Allah obabut fano nen, attak yi mene ti mene oan elalhi'lek logolik, hobuk Kristus Yesus hilingisigin oba fanotninabigeluk, onggwarek endawimo nen anggaluk ninayonggo fesikhe andi.


Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.


At Allah nen he, ”An nobabut weak hilingiti'lek tegelek mondok welagirek andi nen, hit ogo re, an faget hinobabut tegelek mondok logoino o,” iluk isikhemo lisu palogo fesukwa andi nen, hiren yi mene ti mene hilingiti logolik, hinobabut at Allah hinayonggo fesikhe mene obabut hanggeat tegelek mondok logolik hilingiti logoino o.


Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.


At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.


Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.


Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.


Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.


Andi nen he, nerugwi nagaila'lak. Hinebe Allah nen wenakhinafikhesik, hinayonggo fesikhe andi re, eberogoat hilinglasuageluk, hiren anggilukhogo hinomamerogo hilingiti logoino. A'nogo hilingiti logogun halok, hinendawinggen Allahba himbirik mene herakfisaluk wulibugun lego.


Hiren Allah inom, ninoe Enupogot Yesus inom, emberek inebe furogo hineluat welagep andi nen, it inobabut fano a'nogo nen fano mene wokhisigik, hinendawinggen hambugethinafik, hokhorogo ugu mondogat logouwago.


Andi nen he, hit andi mene eise asubagaigen, hinagaiyekhogo hilingiti logoino. Hinendawinnggen Kristus oba himbirik welagep mene andi oba loukhogo re, inobabut higithogo hilingitarek andi mene eise a'luk hilingiti logoino. Higithogo hilingiti logolik, andi mene oba loukhogo re, Allah ebe inelu agaikharek andi mene eise a'no.


Allah ebe hinelu logolik, andi mene oba loukhogo re, inendawinggen sebelek welagaikharek mene andi, eise a'no. Hinendawinggen sebelek logolik he, andi mene oba loukhogo re, yi mene ti mene faget hilingiti logolik, inafe morogo welagaikharek andi mene, eise a'no. Hinafe morogo logolik he, andi mene oba loukhogo re, Allah awe a'ma logolik, at endawimo amolo anggikherek higithogo hilingitarek mene andi, eise a'no.


Hit he, hinobabut andi mene mondogat eise a'luk, hobugalep hokhorogo eise a'luk logogun andi nen, we tulemat alemarogo welagi'lek, ninoe Enupogot Yesus Kristus furogo hinelu asuguno.


Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.


Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.


Andi nen he, Rut na'logo e. Ninggi'nogo hilingisigin he, iluk hendawi fitun o. Hat hobabut he, fano mondok hilingiti lagen andi nen, afuni o kota yoma mene mondogat inelu o. Ma re, haren yaganeten andi an nen hane hologo mondogat hilingisigin o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ