2 PETRUS 1:1 - Allah Wene Fano Wene Hupla Inane

¹ Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

2 PETRUS 1:1 ပူးပေါင်းရင်းမြစ်များ

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YEREMIA 33:16

Ap Yehuda mene inom, o Yerusalem werek mene inom, inagap telinabumo re it ineluk logolik fanorogo logogun. O kota Yerusalem andi enu re, ”Tuhan nit ninagap telherek oba,” ikhi logogun.

MATIUS 10:2

Ap inebe 12 nen andi inenu yi: attak he, Simon enu ekhe Petrus ikhi lagaukwa mene a'nogo agot Andreas inom, Zebedeus amlogo Yakobus a'nogo agot Yohanes inom,

MATIUS 4:18

At Yesus i Galilea yenggele'ma esanggokwe laga logolik he, ap inebe pire, Simon enu ekhe Petrus ikhi lago a'nogo agot Andreas emberek hundik-handik ikan at wanhi lagaukwa andi nen he, andi sambul ikan wanuogeluk, su ikan su ima pelafunem eilenggen yerisasikhe.

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

LUKAS 11:49

A'nogo hilingiti lagep andi nen, at Allah endawimo kagalek mondok a'nogo nen ikhi logolik, An nen he, it ap an nane yagaisagarek mene inom, inayonggo fuluk lakfisa wagirek mene inom, it afuni ekhe inoba lakfisa wagunem he, iren inebe fena inoatik, fena yi enggin ti enggin hilinginafik, ugun o, iluk isikhe higithogoat,

YOHANES 1:42

A'nogo yagatikhesik he, Yesus oba waluk wagaikhemo, at Yesus eilenggen at yethasikhesik he, mel yagatikhe: ”Simon Yona amlogo yi, nagore. hat henu Kepas ikhi logouwageluk salhafi o,” iluk yagatikhe. A'nogo yagatikhe andi re, nit yoma ninaneba enu helep isa u hak, Yunani inaneba Petrus agarek hak, Ibrani inaneba enu Kepas iluk salhikhe andi.

YOHANES 12:26

Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.

YOHANES 20:21

A'nogo inagaiyek agaukwama, at Yesus nen wene ekhe inom hobuk yi'nogo yagaisasikhe ”Nagoromi hinalabok, hina'manggen lagup. An neisena nen laknobagai wagaikhe andi hak, an nen hit a'nogoat lakhinobagagin o,” iluk yagaisasikhe.

KISAH PARA RASUL 15:14

Allah nen it afuni endakwe mene inoba ebet fuluk he, mel isikhe: It ekhe an nagainafuri asuageluk woginabigin o, iluk woginafikhe mene faget, at Simon nen yaganisikhe andi.

ROMA 1:1

Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.

ROMA 1:12

An wokhisa we'le anggikhi lagi andi re, hit inom, an inom, ninendawinggen Yesus Kristus oba eberogoat himbiret fesugu mene andiba, ninendawinggen ago wat-wat uogeluk wesigeluk anggikhi lagi o.

ROMA 1:17

Allah nen mel isikhemo lisu palogo fesukwa mene werek: ”Hinendawinggen an noba himbirik logogun andiba, an nen wene hinoba werek mene a'nogo korogo wokhambik, ninom hobuk hinambotkwe hunogo hinobagagin mene halok hineluk mondok logogun o,” iluk isikhemo lisu palogo fesukwa hagat, Allah ninom hobuk ninambotkwe yi'nogo hunetlasugun, iluk, fano wene andiba sele'matfesikhe. Allah ninom hobuk ninambotkwe hunetlasugun wene andi ebe re, hunogoat mene ekhe hilingisugun oba nen fuk. We, ninendawinggen at oba eberogoat himbiret fuluk eroba nen pikhit huli erembul oba logogun andiba, Allah ninom hobuk ninambotkwe hunetlasimbik logogun o.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

1 KORINTUS 15:9

Nit Yesus nen ninayonggo fuluk lakninobagasikhe mene ekhe inenuwerek meneat he, an enek he, nenu lego. An nen Allah againafuri andogotarek mene yi enggin ti enggin hilinginafi lagagi andi nen, an nen, ”Nebe Yesus nen nayonggo fuluk laknobagai wagaikhe mene,” iluk, igin he elo'lego.

1 KORINTUS 9:1

An nale'ma welagirek lek nogo? At Allah nen nayonggo fuluk laknobagai wagaikhe lek nogo? Ninoe Enupogot Yesus ebe an neilenggen higi'lek nogo? Ninoe Enupogot nemberek hundik logolik hilingiti mene, hinebe welagep andi lek nogo?

2 KORINTUS 4:13

At Allah aneba lisu palogo fikhi logolik he, mel isukwa: ”Nendawinggen at oba eberogoat himbirik logolik nane igio,” iluk isikhemo lisu palogo fesukwa higithogoat, nit he, ninendawinggen at oba eberogoat himbiret fuluk wene yagaisikhi lago andi.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

EFESUS 3:5

Fageat he, wene andi afuni ekhe fakhogo yagaisigi'le'ma, inonggorat welagaukwama re, yogondagen Allah Areagun en, it ap Allah againafuri Yesus nen inayonggo fuluk lakfisasikhe mene omanogo inom, Allah ane yagaisili'lagwi mene omanogo inom, fakhogo yagaisasikhemo inelu agaukwa andi, wene ebe re, yi'nogo.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

EFESUS 4:5

Tuhan ebe misigaro. Ninendawinggen at oba himbiret fogorek mene andi misigat. Ninebe ima pelakninafarek mene misigat.

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 1:29

At Allah obabut fano nen, hit hinendawinggen Kristus oba himbiret fouwageluk enek hinayonggo fesikhe fuk. Lego. At faget yi enggin ti enggin hikhi logouwageluk hinayonggo fesikhe aro.

2 TIMOTIUS 1:5

Logolik, hendawinggen Allahba eberogoat himbirik welagen iluk nendawimo eberegat welagi. Attak hombalo Lois inom, hagaisa Eunike inom, inendawinggen Allah oba himbirik welagaukwa hak, hat hendawinggen a'nogoat welagen iluk futhobagakhi lagi aro.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

TITUS 1:4

Titus namlogo e. Hendawinggen nit ninom higithogoat Allah oba himbiret fuluk welagen andiba, an nonggwarek namlogo harat agagin andi. Nineisena Allah inom, ninoe Kristus Yesus telninaferek mene inom, emberek inobabut fano a'nogo nen, fano mene wokhetik, hendawinggen hambugethafik, ikhi logouwago.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

1 PETRUS 1:1

Nerugwi nagaila'lak. An Petrus, Yesus Kristus nen na yonggo fesikhesik laknobagai wagaikhe mene a'nogo nen, wene yi lisu palogo hit nineisena Allah nen, hinebe attagat wenakhinafikhe mene, yogondak ya elama faget o yi awi ti awi pugulogo lagepsik, o propinsi Pontus inom, Galatia inom, Kapadokia inom, Asia inom, Bitinia inom, afuni inanggelekwe lombok welagepsek mene a'nogo hinoba lakfei wagio. Hinebe Allah nenat endawimo anggaluk wenakhinafikhesik, Yesus Kristus ane hologo hilingiti logouwageluk awe a'ma hinobagagik, amep oba hothinafik, igeluk he ”An nonggwarek nagainafuri asubagaigeluk wokhinafio,” iluk at Areagun en wokhinafikhe andi. Allah obabut fano a'nogo nen fano mene wokhisigik, hinendawinggen hobugalep hambugethinafik, hokhorogo ikhi logouwago.

1 PETRUS 1:7

Emas onggo hokho palharek mene andi, ’Fano a? Weaga,’ iluk endu oba obabut palharek andi hak, Allah nen he, ”It inendawinggen an noba eberogoat himbirik werega? Lega,” iluk, enegat asuageluk anggugunem hinoba yi enggin ti enggin hikhi lagep andi. Emas andi re, we tulemat lek asigin meneat he, ebe esin he, hinendawinggen Allah oba eberogoat himbirik welagep andi aro. Hit hinendawinggen at oba himbirik logogun halok he, aren hinobabut palhi logombik Yesus Kristus weinamhogo lakfei wesigin andi sambul, fogethinafik, agaugwethinafik, esinethinafik, igino.

1 PETRUS 2:7

Hit hinendawinggen at oba eberogoat himbirik werek mene nen he, ”At fano mondok,” iluk futfikhi lagep andi. Meneat he, it ekhe inendawinggen at oba himbiret figi'lek mene faget enek he, mel isikhe: ”It ap tukang o helep mene wutarek mene nen, o ebe wuti logolik he, Helep yi weak, iluk herakfisasukwa mene andi obuleat ya'lagama o,” iluk isikhe.

1 PETRUS 5:1

Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.

2 PETRUS 1:4

It afuni kweangma yoma yi mene ti mene inamolo nen, inendawinggen en nunggunem inobabut weak hilingi'luk weak agaikharek mene andi herakfisaluk heise wulibi we'luk he, Allah obabut wanuageluk, fano mene wo'nisili'logo andi. Aren elalinat hilingitunem fogeratu mondok welagaikharek mene a'nogo nen he, ”Yi mene ti mene onggoba wanu elo'lek mene, mondok hokho fano mene wokhisagain werego,” iluk abok yaganisasikhe mene andi, ebe wo'nisili'logo andi.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.