2 KORINTUS 7:2 - Allah Wene Fano Wene Hupla Inane

² Nit faget he, hiren ninebe wo'ninabu hak hinendawinggen hundik logoino. Niren he, hit ekhe weagethinafik, alomathinafik, lalhinafik, ogo lego.

2 KORINTUS 7:2 ပူးပေါင်းရင်းမြစ်များ

BILANGAN 16:15

A'nogo isukwama re, at Musa a'mage hokho mene lagasikhesik Tuhan oba ane ikhi logolik he, ”Tuhan iren warogo wokhesi weri'lagwi mene andoma re wanu fugo. An nen afuni it mene nen misik iluk ogo ekhe it inanggele'ma nen weaget fisigi mene ekhe werek lek, nen keledai it mene ogo misik ekhe wanhi legat,” isikhe.

MATIUS 10:14

Nen, it andoma nen hinebe wokhinafi'lek logolik hinane wanhi'lek herakfisaga halok he, o andoma herakfisaluk hinambotkwe wulibi waga logolik he, hineisok aling horogo pelakfisaluk wulibi we'no.

MATIUS 10:40

”At sa nen hinebe wokhinabigin halok he, an nebeat wo'nabigin o. Nen, an nebe wo'nabigin andi, an neisena laknobagai wagaikhe mene a'nogo ebeat wanigin o.

LUKAS 10:8

O sili ekhe kugunem, hai warogo wokhinabugun obaat, iren sumburu wokhisogoin mene andiat ninggi logoino.

KISAH PARA RASUL 20:33

An nendawimo nen, hit hinagarek uang emas mene inom, perak mene inom, hinasu inom, namolo e, iluk ekhe anggigi'lek.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

2 KORINTUS 11:16

Afuni hit mene ekhe nen he, ”At Paulus ebe kembu hak,” iluk angganogo iluk, hobuk nane hebelogo yagahisigi andi. A'nogo meneat he, hiren a'nogoat anggikhi lagep halok he, an nebe kembu hak logolik endebat ekhe fogerakhagain yi re, hinesanggo holini o.

2 KORINTUS 11:9

An hit ninom logolik uang legen, hiren ekhe wo'nesuageluk kino hinoba weageti lagi'lego. We, a'nogo were'ma, it ap nagaila'lak o Makedonia mene wagaikhasik elogat wo'nesi wagaikha andi nen, yi mene ti mene faget hit hinoba engginet feinogo iluk, anggasigimo re, kino yagahisigi'lek welagagisik hobuk a'nogoat mondok hilingiti logogin o.

2 KORINTUS 4:2

Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.

FILIPI 2:29

At ebe wagunem he, ninoe Enupogot hinom hundik logolik he, hinendawimo hinagaiyek anggikhi logolik at ebe wanino o. Hiren ninggi'nogo lebetnea heat andi nen, hinobali'mo aren lebetneageluk he: ”Nebe wa'lagi halok fano aro,” iluk, Kristus faget hilingiti logolik wa'la'lep mene andi. It afuni ekhe inobabut at hilingiterek hak hilingiri'lagwi mene halok hinane agaukhogo yagaisikhi logoino o.

KOLOSE 4:10

Aristarkhus an nemberek ninenggi hele warek welago mene nen hai wathinafik, Barnabas agailak Markus a'nogo nen hai wathinafik, aga o. At Markus faget wene attak yagahisasigi hagat, at ebe hinoba waga halok, fanorogo wanino.

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

FILEMON 1:12

Andi nen, at ebe an nendawinggen tulem mene ambotkwe hoba lakfei wagi andi o.

FILEMON 1:17

Andi nen, haren he, ”Paulus ebe an nagailak nemberek hundik welago mene,” iluk, anggikhi lagen andi, Onesimus ambotkwe hoba lakfei wagi andi, an nebe hoba wagunem wo'nabu hak, at ebe a'nogoat ambotkwe wanino.

2 YOHANES 1:10

Afuni ekhe nen wene Kristus nen yaganisasikhe wene lek, we, hunogoat wene yagahisa wagunem, ap sa nen afuni inobabut ariginik mene hai warogo aiba wanhunem he, at obabut weak hilingiterek mene andi obabut helikherek andi nen he, hiren afuni inobabut ariginik mene hai warogo hinaiba woginabugun mondok lego.