2 KORINTUS 7:1 - Allah Wene Fano Wene Hupla Inane

¹ Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

2 KORINTUS 7:1 ပူးပေါင်းရင်းမြစ်များ

1 TESALONIKA 4:7

Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.

1 PETRUS 2:11

Nerugwi nagaila'lak. Hinebe nendawi e. Hit hinebe ap pogat afuni inawilokwe pugulogo laluk andoma logolik he, yi mene ti mene hinendawimo nen kagalogo lagai wagunem, hinendawinggen en nunggunem namolo anggikhi lagep mene andi re, selei mene nen inoatarek andi hak hinebe weagethinabigeluk, hinendawimo nen kagalogo lagai wagarek mene andi herakfisikhi logobagaigeluk yagahisikhi lagi andi o.

AMSAL 8:13

Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.

MAZMUR 51:10

Haren nendawimo weak hilingisogo fegen mene andi, hobuk fanotnafunem nendawimo nagaiyek asimbik, fano wene andi nesanggo holigen he Harenat yagane'no o.

1 YOHANES 3:3

Nit ninendawimo nen, ”A'nogo hilinglasugun,” iluk, oba eberek welagorek mene ninebe lombogen, at onggwarek ebe tegelek welagarek andi hak, nit a'nogoat tegelikhi logoguno.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

1 KORINTUS 6:20

Allah nen he, hinebe onggo arat katokhogo palogo wokhinafikhemo welagep andi nen he, hinebe abirengge Allah faget fisaluk at enek fogerati logoni o.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

IBRANI 4:1

Andi halok he, Allah nen againafuri set waloageluk abok yagaisasikhe mene andi lek agi'lek werek kwelek hobuk nit set waloageluk wo'nisagain oba andoma hit ekhe kwigi'lek kamo inogo iluk hinailorogo logolik higithogo hilingiti logoino o.

AMSAL 16:6

Ap Allah ba nek eberek werek mene halok he inaweak legaphogo fisagain, nen ap inendawinggen Tuhan oba tibetfuluk werek mene re weak mene anggele'ma nen inagap telogo fisagain.

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

MATIUS 5:8

Nen, afuni inendawinggen fano tegelek welagaikharek mene andi, hobuk Allah ebe ineilenggen hogoin andi nen he, inendawimo inagaiyek hikhi logouwak.

MAZMUR 119:9

Ap souge mene re Hat Hawene melalegen ugu mene a'nogo hologo higithogo hilingitu halok he, at ebeba weak mene ekhe agi'lek logou hago.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.

EFESUS 2:3

Attagat nit mondogat it hilingiri'lagwi hagat hilingiti lagagu. Ninobabut afuni inobabut inetogat logolik hilingitarek hak hilingiti logolik, ninoba aigage lagagunem weak hilingitik, ninendawimo anggaluk weak hilingitik, ikhi lagagu. Andem sambul he, afuni inobabut inetogat logolik hilingitarek ninom higirat were'ma, Allah a'mage lagaluk he, weagetninabigeluk welagaikhe.

ROMA 5:20

Mene re, at ekhe weak hilingitikhesik oba Allah ane sebelogo weak hilingitarek mene enggin asuageluk, Allah nen wene komotninafikhe wene hobuk wo'nisasikhe. Weak hilingitarek andi wialarik lagu kwelegat he, Allah obabut fano nen endawitninaferek andi, yi mene ti mene oba heilarogo nenggarek hak, endawitninafunem hokhorogo wialarik lagarek andi.

YESAYA 1:16

Weak mene hinoba werek halok he fanorogo sobalikhi logoino. Hit hinobabut An neilhanem weak hilingiti lagep mene andi herakfisaluk hobuk weak hilingiti logou fuk.

AMSAL 30:12

Nen it ekhe nen he inendawimo mondok weak hokhorogo logoligenat he, inonggwaregen an he nendawimo horek welagi iluk anggaregat.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

IBRANI 12:28

A'nogo abologet hagain meneat he, nit enek he, Allah awe a'ma ninobagaikherek oba abolok igin mondok lek mene wo'nisasikhemo eise agosik welago andi nen he, ”Allah neisena,” iluk hai wati logouwogo. Nen, at Allah ebe re, endu nen yi mene ti mene ninggerek andi hagatma, nit a'nogo weagetninabinogo iluk, at ebe ninailorogo hilingitik, agaukhogo hilingitik, ikhi logolik, at ane hologo endawimo amolo mene hilingiti logolik, fogerati logouwogo.

IBRANI 12:23

Allah againafuri manggusa mene, inenu pogoroba lisu palek were'ma, andogorek logolik inendawimo inagaiyegetarek mene inom, it afuni fano hilingiti lagaukwama, Allah nen katokhogo fanorinafikhe mene inareagun inom, Allah ebe afuni mondogat wene inoba figik, kotik, ikherek mene a'nogo inom were'ma oba wagebo.

1 TESALONIKA 3:13

A'nogo hilinghinafi logombik he, ninoe Enupogot Yesus onggwarek agoromi inom at wagunem he, hinebe nineisena Allah onggwarek faget fisaluk, at eilhanem wene hinoba lek fano tegelek were'ma hisa wesuagen, hinendawinggen wurigethinafi logouwago.

2 KORINTUS 1:20

At Allah nen yi mene ti mene abok yaganisasikhe andi mondogat he, ”Io, wokhisagain,” iluk u hak, Yesus ebe wo'nisasikhemo werek andi nen, nit at ninom hundik logolik Allah fogerati logolik he: ”Ebe asuak,” iluk u hak, ”Amin,” iluk ikhi lago andi.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

MATIUS 12:33

A'nogo yagaisasikhesik ekhe mel yagaisasikhe: ”E ero fano mene nen enggen fano meneat iterek. Nen, ero weak mene andi, enggen weak meneat iterek. A'nogo iterek andiba, e enggen yi fano mene enggen igik, yi weak mene enggen igik, enegat futfikhi lagebo.

YEREMIA 13:27

An nen neilenggen hisugunem he hit he An nabit anggigirek mene omanogo hilingitunem hisikhi lagi. Hiren he ilah amu mene omanogo punukwe inom, yabukwe inom murok laga logolik, aben inagaila'lak inagagwi faget inendawinggen naluk inamururuweak muginapluk nikharek hak, at he wam kuda ai mene nen kuda holou meneba amol-moletunen hilingiterek hak, hiren a'nogo hilingitunem hisikhi lagi. Hit afuni o Yerusalem welagep mene re alomat laga logoni! Hit he ki huli nen weak mondok hilingitu welagep mene andomaba nen fikhalogo wulibi wesugun nogo?”

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

AMSAL 20:9

Afuni nen ikhi logolik, ”An he weak oba nen fikhalogo wulibi wagiri'more nendawinggenma mondok horek welagi,” iluk ikherek mene ekhe werek nogo?

MAZMUR 19:9

Tuhan nen wene melalek hilingitu mene fesikhe andoma re higithogo nek fesikhe, nen iren higithogo hilingitunem he inendawimo inagaiget fikherek. At Tuhan nen yi'nogo hilingiti logoino iluk isikhe mene andoma re higithogo nek fesikhe, afuni futfouwageluk hilinginaferek mene fesikhe.

2 TAWARIKH 19:9

It andi menfisilik lagaikhe andiba re, at Yosafat en yagaisikhi logolik he, yi'nogo yagaisasikhe, ”Hit hineabu wokhisigirik menhinobagagi mene andi re At hineisena Tuhan oba hinailorogo logolik, hiren yi aple ti aple hilingiti logolik at awene melalek yagaisugu mene andoma higithogo hilingitik, hinendawinggen sakhorek oba hilingitik, ikhi logoino.

PENGKHOTBAH 11:10

Hat hebe souge logolik welagen oba andem he we eil misigat logombik legasigin, enggere hendawi fiti lagen mene andi inom, hoba enggin hikhi lagen mene andoma inom mugusogo wulak fisikhi logoino o, namlogo.

IBRANI 6:9

A'nogo igi meneat he, nerugwi nagaila'lak. Hinebe nendawi e. Allah nen weagethinabigin iluk ninendawimo anggikhi lago lek. Athe, fanothinabigin iluk futfikhi lago o.

1 PETRUS 1:15

At Allah nen he, ”An nobabut weak hilingiti'lek tegelek mondok welagirek andi nen, hit ogo re, an faget hinobabut tegelek mondok logoino o,” iluk isikhemo lisu palogo fesukwa andi nen, hiren yi mene ti mene hilingiti logolik, hinobabut at Allah hinayonggo fesikhe mene obabut hanggeat tegelek mondok logolik hilingiti logoino o.

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.

IMAMAT 13:58

Nen, yi mene ti mene oba fili agu mene omanogo sobalhunem elokhe terogo lagu halok he, no a'nogo hobuk inenggi pirebaat sobaluk enek he, arat emerek lek mene aga anggikhi logogun.