2 KORINTUS 4:4 - Allah Wene Fano Wene Hupla Inane

⁴ A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 KORINTUS 4:4 ပူးပေါင်းရင်းမြစ်များ

1RAJA-RAJA 22:22

A'nogo ugunem, Tuhan nen heinok wokhikhi logolik he, ninggi'nogo hilingiti logoligen, endawimo kagaligin, iluk heinok wokhikhemo, munggwarengge a'nogo nen he, ap nabi-nabi Hat hane yagaisagarek mene andoma nen, ap Ahab wene ineranen wene yagasuagaluk an nebe nenat inendawimo kagali lagain o, iluk yagatemo, Aren he, fano mondok. Haren a'nogoat hilinginabimbik, ap Ahab endawimo kagalhunem ebe asiginmo re, lan o, iluk yagati laga o,” iluk yagatikhe.

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:18

Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.

YOHANES 12:31

Yogondak Allah nen, afuni kweangma mene wene inoba figik, kotik, ikhi logolik, ap enupogot kweangma mene a'nogo mugusogo wulakfisigik, igin oba arat horogasi waga o.

YOHANES 12:35

A'nogo yagatukwama, at Yesus nen he, mel yagaisasikhe: ”An nebe selegerinafirek mene a'nogo we endebat ninom logogun o. Halok, at sa nen o hubanggo o mum oba laga halok he, o koma laga lagi he, onggorat lili'logo andi nen he, hit lagunem o mum asinogo iluk, an selegerinafirek mene ninom werek kwelek yaat selek oba laga logoni o.

YOHANES 12:40

”At Allah nen he, it ineilenggen en furogo haluk, inendawimo ebetfuluk inobabut hebela'luk he, an nawe a'ma wagunem, an nen it fano hilinginafi hanogoluk, an nenat it ineilenggen mumet fisigik, endawimo puget fisigik isigi o,” iluk isikhemo, Yesaya nen lisu palogo fesikhemo werek andi.

YOHANES 12:45

Nen, at sa nen eilenggen an niikhe halok he, an lak nobagai wagaikhe mene a'nogoat eilenggen hikhe o.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

YOHANES 15:24

It afuni fenakwe nen hilingitarek mondok lek mene, yi wene ti wene ineilhanem hilingiti lagagi a'nogo hilingiti logoile le'ma re, it weak, iluk ile lego. A'nogo meneat he, an nen wene andi mondogat hilingitunem ineilenggen neasukwasigen, an neisena nemberek inabiret ninobagali'lagwi o.

YOHANES 16:11

Nen, ekhe re, Allah nen afuni kweangma mene inoe kain a'nogo wene oba fikhesik mabenet fikhemo werek andi nen, at lebethisikhi logogin mene andi wesimbik he, Allah nen wene inoba figik, kotik, ikherek mene andi faget fakhogo yagahisa wesigin aro.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

KISAH PARA RASUL 26:23

Iren he, Kristus telinaferek mene a'nogo ebe wa'lasimbik At tak eluk asimbik he wene selegerinabigin wene andi, afuni Yahudi mene yagaisigik, endakwe mene yagaisigik, igin o, iluk isukwasik lisu palogo fesukwa andi hagat an nen ikhi lagi o,” iluk yagatikhe.

1 KORINTUS 10:20

Wene andi re, ebe yi faget igi. It andi Allah faget waretarek fuk. We, munggwarengge obabut weak mene faget waretarek. Halok he, hit munggwarengge obabut weak mene andi hinom hundik logogun he, an nabit.

2 KORINTUS 2:12

An o Troas andoma wagagi hak he, fano wene Kristus hilingitikhe wene a'nogo, afuni andoma mene fano asuak yagaisoageluk ninoe Enupogoren yaganetikhemo yagaisugu welagagi.

2 KORINTUS 3:11

Wene attak mene lek asigin werek kwelegat fogeratukwa andi nen he, mondok logogin mene andi hokhorogoat fogerasuguno.

2 KORINTUS 3:14

Mene re, it andi inendawinggen nonget fesikhemo welagaukwa. Yogondak ogo re, Allah nen, ”Yi'nogo hilinghinabigin,” iluk wene inom watukwa mene lisu palek mene andi, iren enu salhunem he, inendawinggen wenggelagi'lek nong agaikhesik inendawimo kwe palek werek. A'nogo kwe palek mene andi, at Kristus inom hunetunem enek he, inendawinggen kwe palek mene andi elok hu'lagarek andi.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

GALATIA 1:4

Nit weak hilingitorek andi nen nineisena Allah endawimo nen he, ”Yi'nogo hilingisuak,” iluk endawimo anggasikheba, at Yesus Kristus nen nit afuni kweangma mene telninabigeluk, endawimo nenat nit ninobabut weak mondok hilingitorek mene andi wene at onggwaregen oba fakhaluk wa'lagaikhe andi.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

EFESUS 6:12

Nit weim hak yafi lago andi re, afuni mene ninom yafi lago fuk. Lego. Athe, kain mene, inane werek mene, o mum oba kweangma yoma ferinarek welagaikharek mene, munggwarengge inobabut weak mene pogoroba honggolek kweangma honggolek were'ma ninom yafi lago.

FILIPI 2:6

At ebe re, Allah meneat logolik, endawimo nen he: ”An Allah ninom higithogo welagi yi, yi higirat mondok logogin,” iluk anggigi'lek,

KOLOSE 1:15

Allah ebe nineilenggen hogorek lek meneat he at ebe higit he Yesus andi aro. At Allah nen, yi mene ti mene pogoroba mene inom, kweangma mene inom, nineilenggen hogorek mene inom, hogorek lek mene inom, elalhikhe andi. Nineilenggen hogorek lek mene ekhere, malaikat inomame hokho logolik inawe a'ma ferinarek were'ma inane hologo welagaikharek mene andiat. Allah nen a'nogo mondogat elalhikhe andi ebere, at Kristus nenat, onggwarek fagerat elalhikhe andi nen, yi mene ti mene mondogat andi, esanggoma hak werek kwelek, esin he, Allah amlogo manggusa mene Kristus andi aro.

KOLOSE 1:27

At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.

1 TIMOTIUS 1:11

Nen, wene andi higithogo, fano wene a'nogo an nen yagaisilik nikhi logouwageluk noba fesikhe. Fano wene andi re, Allah fogeratik, hai watik, ogorek mene a'nogo ane aro.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 6:4

It afuni ekhe, Allah nen inendawimo selegerinafu kwelek, yi mene ti mene enduk mikhaluk fano mene wanharek andi hak, Allah pogoroba nen onggo lek weat wo'nisikherek mene andi wanhik, Areagun sumbu'nisikherek mene andi ekhe wanhik, Allah ane andi fano mondok iluk ineluat welagik, Allah obabut fano nen hobuk omamerogo fano mondok hilingninabigin andi oan hilingninafi'lek werek kwelek, yogondak ya yi mene ti mene lilu nenggarek hak, wogisugunem heligik, agaresigenat he, hobuk iren he, ”Allah ninabit,” iluk ane herakfisaluk inambotkwe wulibi laluk logolik, Yesus Allah amlogo ebe eba menfesukwasik wati logolik inane asegen wokhasukwa andi hagat hobuk hilingiri'lagwi andi. A'nogo mondok hilingirik laga logolik, hobuk iren he, ”Nit weak hilingito,” iluk inobabut hebeluageluk inambotkwe ninggi'nogo woginarek wesu he, elo'lego.

2 PETRUS 1:19

A'nogo holhugu andi nenat, Ninendawimo nen he, ”It ap Allah ane yagaisikhi lagaukwa mene nen isukwa mene andi eberogoat,” iluk attak endebat hak anggikhi lagagu mene, hobuk ninesanggo holhugu andiba nen, mondok furogo futfesugu andi. Halok he, o mumat were'ma, afuni nen esage ibilogo fugunem, selekhogo mondok welagaikharek andi hak, wene andi hinendawinggenma eberogo mondok wanhi logoino. A'nogo wanhu were'ma, hobuk o mum mene wei ugu kwelek, hesagal wap liabi wagarek andi hak, at Kristus hinendawinggenma selegethinabi wesigino.

1 YOHANES 2:11

A'nogo meneat he, ap sa nen erugwi agaila'lak abit welagarek halok he, at ebe o mum oba werego. A'nogo were'ma, mum en eilenggen mumetfikhemo ebe o mum oba nikhi logolik, ”Koma laga lagi heat,” onggot obakhe palek werego.

1 YOHANES 2:8

A'nogo meneat he, o mum were'ma selek arik lagarek andi hak, selek ebe mene ya'nisa wagaikhemo yari'logo andi nen he, wene ket wene komorogo hinoba lakfei wagi andi. At Yesus nen wene andi higithogo hilingitunem ebe agaikhe andi hak, hiren ogo re, a'nogoat, wene andi higithogo hilingitunem ebe ari'logo andi.

1 YOHANES 5:19

It afuni kweangma mene inobabut inetok mene andi mondogat he, at obabut weak mene a'nogo enggiba welagaikharek. A'nogo meneat he, nit enek he, Allah ebe againafuri mene welago, iluk ninelu o.