2 KORINTUS 1:4 - Allah Wene Fano Wene Hupla Inane

⁴ Afuni ekhe yi enggin ti enggin hikhi logolik inendawimo weak were'ma, niren it inendawimo fano asuageluk inendawinggen sebeluageluk he, at Allah nen nit a'nogo yi enggin ti enggin hikhi logolik ninendawimo weak agunem, ninendawinggen sebeli'logo.

2 KORINTUS 1:4 ပူးပေါင်းရင်းမြစ်များ

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

MAZMUR 32:7

An nebe hinak lagirek oba re, hat hebe aro. An weak were'ma re, telnafendek andi nen, nane hokhorogo hai wathafi lagi o.

MAZMUR 66:16

Yago, hit afuni wene melalek futfuluk hilingiti lagep mene yi sani, At Allah nen an nobaget hilingitikhe aple tindelogo yagahisagain enggere, hinebe we'luk he hinesanggo fanorogo holi we'ni o.

MAZMUR 86:17

It afuni an noba inabiret nobagali'lagwi mene andoma re, Haren lebetnafunem ineilenggen nealuk inenggali asuakhogo re, neisena Tuhan Haren enegengge ekhe wo'nomo, iluk samban isikhe.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 40:1

Heisena Allah nen ikhi logolik he, ”An nunggulenu mene andoma re inendawinggen serogo logouwak serogo logouwak, ili'logo!

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YESAYA 51:3

Yerusalem, An nen hat konhobagakhi logogin, meisalhigik pikhe kwe welagep mene andoma mondogat konhinafi logogin o. Lei pirimsekwe andoma re an neabu Eden yabumo mondok fano heiselek welagaikhe a'nogo hak hilingisogo fagain o. Andoma ap inagaiyekhogo logolik inanggilukhogo hilingiti logogun, wuni wulagaisogo hai warogo hilingiti logogun.

YESAYA 52:9

Tuhan nen againafuri inendawinggen kon fisikhi logolik Yesusalem mene fikhalogo hinobagagin andi nen he, Hit afuni Yerusalem mene o meisalekwe welagep mene omanogo nen hinagaiyegen hinanggiluge'ni o,” igin.

YOHANES 14:16

A'nogo hilingitunem, hit lebethisikhi logolik, hinom mondok logobagaigen iluk, an nen neisena kino yagasumo, aren ap ekhe pelakhisa wesigin o. At andi ebe re, Allah Areagun ebe wene yagahisikhi logogin mene. A'nogo hinoba pelakhisa wesumo, it afuni kweangma mene nen, at andi ebe inonggorat. Nen, ebe ineilenggen hogoin legat, andi nen he, ebe wanugun elo'lego. A'nogo meneat he, hit enek he, at ebe hinom logolik, hinendawimo mondok logogin andi nen he, at ebe hinelu logogun o.

YOHANES 14:18

An ogo re, hit hinebe yenggerugwi suarek mene hak herakhinobagaluk lagain lego. We, hobuk nambotkwe hisa wesigin aro.

2 KORINTUS 7:13

A'nogo lakfei wagimo hilingitep andi nen nit ninendawimo fano aga. Andi inom ninendawimo ekhe fano aga re, at Titus hit mondogaren ebe wanhepsik fano hilingitunem endawimo fano aga mene pilingisogo yaganisugunem, ninendawimo ninagaiyek mondok anggogo aro.

2 KORINTUS 7:4

An nendawimo nen, hit fano hilingisugun, iluk nendawinggen hambukhogo logolik agaugwethinafu mondok welagirego. A'nogo logolik, it afuni ekhe nen weagetninabuogeluk yi enggin ti enggin hilingninafu kwelegat he, an nendawinggen mondok fano agik, hokhorogoat nagaiyek agik, ikhi lagio.

FILIPI 1:14

An nenggi hele warogo nobagagama welagi yi nen, Allah againafuri ekhe inebe hokhorogo inendawinggen ninoe Enupogot oba himbiret fuluk wurik a'luk he, wene Kristus faget inaneba fakhogo yagaisikhi logou inailo lek ari'logo andi.

1 TESALONIKA 4:18

Andi nenat, wene andiba hit-hit hinendawinggen fanorogo, hinendawimo ago wat-wat ikhi logoino o.

1 TESALONIKA 5:11

Andi nen, hit yogondak ya hilingiti lagep hagat, hit-hit komo-komo igik, hinendawinggen ago wat-wat igik, ikhi logoino o.

IBRANI 12:12

Andi nen he, hinenggi omame lek mene omamet figik, hineindep abolok ili'logo mene hambuget figik, ino o.