1 YOHANES 5:1 - Allah Wene Fano Wene Hupla Inane

¹ Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.

1 YOHANES 5:1 ပူးပေါင်းရင်းမြစ်များ

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

YOHANES 1:3

Allah nen yi mene ti mene mondogat elalik wagaikhe andi ebe re, at Ebe Wene nenat elalhikhe. At ebe lek logoilepma re, misigat ekhe elalilep legat.

YOHANES 15:23

At sa nen an apsiri niikhe halok, an neisena ebeat apsirit fikhe o.

YOHANES 3:3

A'nogo yagatikhemo, at Yesus nen he, mel yagatikhe: ”Afuni Allah nen inebe hobuk inambotkwe taginafi'lek halok he, at awe a'ma fisikherek oba andoma ineilenggen hogoin mondok lego, iluk nane eberogoat yagaheti lagi,” iluk yagatikhemo,

YOHANES 6:69

Niren he, ninoe hat Allah onggwarek faget menhobagaluk, eberogoat aren lakfagai wagaikhemo iluk, fut hobagagosik ninendawinggen hat hoba himbiret fogo o,” iluk a'nogo yagatikhemo.

YOHANES 8:42

aren he, mel yagaisasikhe: ”Hit he, eberogoat hineisena Allah logoilepma re, an nerabisak nendawimo nen anggaluk wagi fuk. We, nebe nero Allah mene, aren laknobagai wagama wagarik welagi mene andi nebe hinendawirogo logoilebo.

KISAH PARA RASUL 8:36

Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”

KISAH PARA RASUL 8:37

[iluk yagatikhemo, at Filipus nen he, ”Noe. Hendawinggen misigat logolik, Yesus oba himbiret fegendik egen halok he, ima pelakhabigin aro,” iluk yagatikhemo, at ap a'nogo nen he, ”At Yesus Kristus andi, eberogoat Allah amlogo aro, iluk nendawimo anggigi,” iluk yagatikhe.]

YAKOBUS 1:18

Yi mene ti mene elalhikhe mene mondogat manggusa hangge re, nirat logouwageluk, at onggwarek endawimo anggaluk ane ebe wene andibaat ta'ninafikhemo welago.

1 PETRUS 1:3

Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.

1 YOHANES 2:10

A'nogo meneat he, ap sa nen erugwi agaila'lak endawirogo welagarek halok he, at ebe selek oba mondok logolik, afuni nen it ekhe waroageluk ineranen kwe palharek andi hak, it ekhe weak hilingisuageluk lalinaferek lego.

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.

1 YOHANES 3:14

Allah nen ninebe wa'lagaikhare'ma nen wo'ninafikhesik, ineluk welagaikhare'ma ninobagaikhemo welago iluk, nit-nit ninerugwi ninagaila'lak ninom nendawi-hendawirogo welago andi nen futfikhi lago o. Halok he, sa nen afuni ekhe endawirogo welagi'lek, abit welagarek mene andi ebe wa'lagaikhare'ma andomaat werego.

1 YOHANES 3:17

Mene re, sa nen at agarek yi mene ti mene kweangma mene fuluk logolik, erei agailak ekhe yi mene ti mene elagaik were'ma eilenggen halugat he, ekhe wogeti'lek endawimo nen anggikhi logolik, nonggwarek enek anggikhe halok, at andi obabut he, Allah nen endawitninaferek andi hangge werek anggegep? Mondok lego.

1 YOHANES 3:9

Nen, afuni Allah nen taginaferek mene halok inebe lombok, at obabut waluk hilingitarek andi nen, weak hilingitu mondok logogun lek. Inebe Allah againafuri logolik weak hilingitu mondok welagaikharek lego.

1 YOHANES 4:2

Hiren he, ”At andi Allah Areagun endawimo werega? Hunogoat mene werega,” iluk inobabut tak palhi logogun andi re, yi'nogo. It ekhe wesimbik he, ”At Yesus Kristus andi, Allah nen lakfei wagaikhemo eberogoat abat ta'lasi wagaikhe,” iluk fakhogo agarek mene nen ugu halok, hiren he, ”It andi Allah Areagun inendawimo logolik ili'lagwi,” iluk, futfisikhi logoguno.

1 YOHANES 4:20

A'nogo meneat he, afuni nen inerugwi inagaila'lak ineilenggen isagarek mene inendawi lek logoligat he, Allah ineilenggen hagarek lek mene inendawi logogun anggegep? Elo'lego. Halok he, at ekhe erugwi agaila'lak abit welagarek mene nen, ”An Allah nendawi,” iluk ili'logo halok he, eranen ili'logo o.

1 YOHANES 4:7

Nerugwi nagaila'lak. Nendawilage. Afuni ekhe inendawirinafarek andi ero at Allah atma re, nit-nit nendawi-hendawirogo logouwogo. Afuni nendawi-hendawirogo logogun mene halok, inebe lombok Allah nen taginafikhemo, at againafuri logolik, at ebe ineluat werego.

1 YOHANES 5:18

Nit Allah againafuri ta'ninafe mene at amlogo manggusa tatikhe mene a'nogo nen kwelakninarek were'ma, at obabut weak mene a'nogo nen enggi fa'nisagain lego. Halok he, nit weak hundik mondok hilingiti logogun lek, iluk nineluo.

1 YOHANES 5:5

Afuni inobabut inetogat logolik weak hilingitarek mene mabenetfisaluk inomame agaikharek andi sani nen nogo? Andi re, niren, ”At Yesus andi Allah amlogo,” iluk ninendawinggen at oba himbiret fogorek mene nen aro.