1 YOHANES 4:8 - Allah Wene Fano Wene Hupla Inane

⁸ Nen, at Allah obabut he, nit endawitninafu welagarek andi nen, ap sa nen nendawi-hendawirogo logogin lek halok, at andi re Allah ebe onggot werego.

1 YOHANES 4:8 ပူးပေါင်းရင်းမြစ်များ

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

EFESUS 2:4

A'nogo welagaikhe meneat he, hobuk at obabut fano enago mondogen, hokhorogoat endawitninafikhe.

1 YOHANES 1:5

Allah amlogo nen yaganisikhi logolik he: ”Allah ebe re, selek andi atma re, o mum he at oba welagarek mondok lek,” iluk yaganisasikhe mene, nit ninesanggo arat holhugu mene yagahisikhi lago andi.

1 YOHANES 2:4

Mene re, sa nen, ”An he, Allah ebe nelu,” iluk ikhi logoligat he, aren wene komotninaferek wene andi hologo higithogo hilingiti'lek halok he, at eranenat ikherek andi. Halok he, ebe wene andi endawimo mondok lego.

1 YOHANES 2:9

Nen, ap sa nen, ”An nebe selek oba welagi,” iluk ikhi logoligat he, erugwi agaila'lak abit halok he, o fagearen pikhit yogondak ya, at ebe mum oba werego.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.

1 YOHANES 3:6

Andi nenat, nirat ninom hundik mondok welago mene halok, ninebe lombok weak hilingitu mondok welagorek lek. Mene re, it afuni ekhe weak enek hilingitu mondok welagaikharek mene inebe lombok he, at ebe ineilenggen higi'lek inonggorat werego.

1 YOHANES 4:16

Niren, ”Allah nen endawitninaferek andi futfogosik eberogoat,” iluk anggikhi lago. At obabut he, endawitninafu mondok welagarek andi nen, sa nen obabut he, afuni endawirinafu mondogat welagarek halok he, Allah nen at emberek hundik mondok, nen, aren Allah emberek hundik mondok, welagaikharego.

1 YOHANES 4:7

Nerugwi nagaila'lak. Nendawilage. Afuni ekhe inendawirinafarek andi ero at Allah atma re, nit-nit nendawi-hendawirogo logouwogo. Afuni nendawi-hendawirogo logogun mene halok, inebe lombok Allah nen taginafikhemo, at againafuri logolik, at ebe ineluat werego.