1 YOHANES 4:7 - Allah Wene Fano Wene Hupla Inane

⁷ Nerugwi nagaila'lak. Nendawilage. Afuni ekhe inendawirinafarek andi ero at Allah atma re, nit-nit nendawi-hendawirogo logouwogo. Afuni nendawi-hendawirogo logogun mene halok, inebe lombok Allah nen taginafikhemo, at againafuri logolik, at ebe ineluat werego.

1 YOHANES 4:7 ပူးပေါင်းရင်းမြစ်များ

YOHANES 13:34

A'nogo yagaisasikhesik, wene ekhe mel yagaisasikhe: ”Hiren hilingiti logogun mene wene ket mene ekhe yagahisak: An nen hit nendawirogo welagirek andi hak, hiren a'nogoat, hit-hit nendawi-hendawirogo hilingiti logoino o.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

1 KORINTUS 8:3

A'nogo meneat he, at ekhe nen, Allah ebe endawinggen hundik halok he, Allah nen at andi ebe elu o.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

GALATIA 4:9

Mene re, an nen he, ”At Allah hinebe elu welagarek,” iluk uwem, ”Hit yogondagen Allah ebe hinelu agep,” iluk igi andi. Halok he, hit hinonggwaregen munggwarengge obabut weak omame lek mene, eilmo lek mene, andi oba hobuk hinambotkwe awe a'ma kuogeluk ikhi lagep andi, nenahalok.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

ULANGAN 30:6

A'nogo hilinghinabimbik, hit hinebe inom, hiren tagongge mene inom, hinagap hinenggalimo mene palhinabu hak, hinendawinggen tegelogo hinobagaumo, hinendawinggen inom, inobabut inom misik asimbik, nineisena Tuhan Allah hinendawinggen hundik logolik, hinebe hineluk hinaiba andoma logogun o.

2 TIMOTIUS 1:7

Allah nen ninobabut wo'nisikherek andi re, ninailorogo logouwageluk wo'nisikherek fuk. We, ninomamerogo welagik, afuni ekhe ninendawirogo welagik, ninendawinggen sebelek welagik, ikhi logouwageluk wo'nisikherek andi.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

1 YOHANES 2:10

A'nogo meneat he, ap sa nen erugwi agaila'lak endawirogo welagarek halok he, at ebe selek oba mondok logolik, afuni nen it ekhe waroageluk ineranen kwe palharek andi hak, it ekhe weak hilingisuageluk lalinaferek lego.

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.

1 YOHANES 2:3

Wene Allah nen komotninaferek wene andi, hologo higithogo hilingiti lago halok he, at ebe nineluo, iluk andiba nen ninendawinggen wenggelogo futfikhi lago.

1 YOHANES 2:4

Mene re, sa nen, ”An he, Allah ebe nelu,” iluk ikhi logoligat he, aren wene komotninaferek wene andi hologo higithogo hilingiti'lek halok he, at eranenat ikherek andi. Halok he, ebe wene andi endawimo mondok lego.

1 YOHANES 2:7

Nerugwi nagaila'lak. Hinebe nendawi e. Wene ket wene komorogo lisu palogo hinoba lakfei wagi fuk. We, attagat Allah nen komorogo yagahisasikhemo eroba nenat fisogo welagep mene o. Wene andi re, at Allah nen attagat komothinafikhemo holhigip mene a'nogo aro.

1 YOHANES 3:9

Nen, afuni Allah nen taginaferek mene halok inebe lombok, at obabut waluk hilingitarek andi nen, weak hilingitu mondok logogun lek. Inebe Allah againafuri logolik weak hilingitu mondok welagaikharek lego.

1 YOHANES 4:11

Nerugwi nagaila'lak. Nendawilage. At Allah nen nit a'nogo endawitninafikhe andi nen, nit ogo re, nit-nit nendawi-hendawirogo logouwogo.

1 YOHANES 4:12

Nen, Allah ebe andi re, afuni ekhe nen ineilenggen mondok higi'lek. Meneat he, nit-nit nendawi-hendawirogo logogun halok he, Allah ninom hundik mondok logoguno. A'nogo were'ma, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk higithogo hilingninabi'logo andi.

1 YOHANES 4:16

Niren, ”Allah nen endawitninaferek andi futfogosik eberogoat,” iluk anggikhi lago. At obabut he, endawitninafu mondok welagarek andi nen, sa nen obabut he, afuni endawirinafu mondogat welagarek halok he, Allah nen at emberek hundik mondok, nen, aren Allah emberek hundik mondok, welagaikharego.

1 YOHANES 4:20

A'nogo meneat he, afuni nen inerugwi inagaila'lak ineilenggen isagarek mene inendawi lek logoligat he, Allah ineilenggen hagarek lek mene inendawi logogun anggegep? Elo'lego. Halok he, at ekhe erugwi agaila'lak abit welagarek mene nen, ”An Allah nendawi,” iluk ili'logo halok he, eranen ili'logo o.

1 YOHANES 4:8

Nen, at Allah obabut he, nit endawitninafu welagarek andi nen, ap sa nen nendawi-hendawirogo logogin lek halok, at andi re Allah ebe onggot werego.

1 YOHANES 5:1

Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.

2 YOHANES 1:5

Andi nen he, nerei e. Wene ket mene lisu palogo heagwi hinomat were'ma hinoba lakfei wagi fuk. Lego. We, nit ebe wene andi futfesugumo at Allah nen nit-nit nendawi-hendawirogo logouwageluk eroba nenat komotninafikhemo ninelu mene a'nogo lisu palogo hinoba lakfei wagi andi o.