1 YOHANES 4:4 - Allah Wene Fano Wene Hupla Inane

⁴ Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.

1 YOHANES 4:4 ပူးပေါင်းရင်းမြစ်များ

YOHANES 12:31

Yogondak Allah nen, afuni kweangma mene wene inoba figik, kotik, ikhi logolik, ap enupogot kweangma mene a'nogo mugusogo wulakfisigik, igin oba arat horogasi waga o.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

YOHANES 16:11

Nen, ekhe re, Allah nen afuni kweangma mene inoe kain a'nogo wene oba fikhesik mabenet fikhemo werek andi nen, at lebethisikhi logogin mene andi wesimbik he, Allah nen wene inoba figik, kotik, ikherek mene andi faget fakhogo yagahisa wesigin aro.

YOHANES 17:23

It eberogoat inebe misigat logouwagen he, it he an ninom hundik, nen hat he an ninom hundik logouwogo. A'nogo logogun halok, it afuni kweangma mene nen ikhi logolik he, At andi re, eisena nen lakfei wagaikhesik ebe endawinggen hundik welagarek andi hak, it inebe at, faget tegelek were'ma endawi hundik hilinginaferego, iluk inelu asimbik futfogoin o.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

ROMA 8:37

A'nogo meneat he, Allah ninebe endawi nen ninoe Enupogot Kristus Yesus wo'nisasikhemo ebe wa'lagaikhe andiba ninom hundik were'ma ninebe wa'lasumo inom, nineluk logoumo inom, andi nen minggilogo ninobagagin elo'lego. Malaikat pogoroba yonggo nikhirek mene andi inom, pogoroba inomame werek mene ekhe andi inomen, minggilogo ninobagagin elo'lego. Yi mene ti mene yogondak hilinglagarek mene inom, hobuk hilinglasigin mene inom, andi nen minggilogo ninobagagin elo'lego. Nen, omame werek mene ekhe nen minggilogo ninobagagin elo'lego. Nen, Allah nen walhasikhe mene hunigat mene ekhe nen minggilogo ninobagagin elo'lego. At Allah nen ninebe endawitninafikhemo, Kristus Yesus hilingitikhe andiba, mondogat a'nogo weak hilingninafunem nit minggilogo ninobagagin elo'lego. We, afuni wulil tagalogo inoa'luk inomame agaikharek hak ninomame agorek iluk futfikhi lagi.

1 KORINTUS 2:12

Niren he, afuni kweangma mene yoma inareagun wanhugu fuk. We, at Allah obabut fano nen wo'nisasikhe mene ninelu asuageluk he, at Areagun pelabi wagaikhemo helasugu o.

1 KORINTUS 6:13

It ekhe nen yi'nogo agaregat: ”Nenggarek mene andi ninalabut faget. Nen, ninalabut andi nenggarek mene faget,” iluk agarek. A'nogo agarek meneat he, pireat he, at Allah nen hobuk legetfagain werego. Allah nen, ninebe yi re, pailak fakfisikhi logouwageluk weinamet ninafikhe fuk. Athe, ninoe Enupogot fagerat weinamet ninafikhe andi. Ninebe yi eisewerek he, ninoe Enupogot werego.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

1 YOHANES 2:1

Nen, nagainafuri e. Hit weak hilingiti logoinogo iluk, wene yi lisu palogo hinoba lakfei wagi o. A'nogo meneat he, sa nen weak hilingite halok, nineisena Allah were'ma nit lebetnisikherek mene ap ekhe hulisanem werek. At andi ebe re Yesus Kristus obabut higithogo hilingiterek mene a'nogo aro.

1 YOHANES 2:13

Neisenalage. At ebe o attak eroba nen welagarek mene a'nogo hinelu agagipsik welagep andi nen he, lisu palogo hinoba lakfei wagi. Nen, hit ap alage nagoromi e. Hiren at obabut weak mene a'nogo arat mabenet fisasigipsik welagep andi nen, lisu palogo hinoba lakfei wagi o.

1 YOHANES 3:24

Nit Allah nen wene komotninafikhe wene andi hologo higithogo hilingiti lago halok he, at Areagun wo'nisasikhemo ninendawimo werek, andiba, nit at ninom hundik, nen, at nit ninom hundik welago, iluk futfikhi lago.

1 YOHANES 4:13

Allah nen Areagun wo'nisasikhe andiba, niren anggikhi logolik, ”At nit ninom hundik werek. Nen, nit at ninom hundik welago,” iluk futfikhi lago o.

1 YOHANES 4:16

Niren, ”Allah nen endawitninaferek andi futfogosik eberogoat,” iluk anggikhi lago. At obabut he, endawitninafu mondok welagarek andi nen, sa nen obabut he, afuni endawirinafu mondogat welagarek halok he, Allah nen at emberek hundik mondok, nen, aren Allah emberek hundik mondok, welagaikharego.

1 YOHANES 4:6

Mene re, nit he, ninebe Allah againafuri mene logolik ninane ugunem, it ekhe Allah ebe inelu mene halok, inesanggo holhik, nen, it ekhe inebe Allah againafuri mene fuk, hunogoat mene halok he, inesanggo holhi'lek herakfisigik, agarego. A'nogo ugunem niren he, ”Allah ebe mene Areagun it andi inendawimo werek, nen it ekhe andi munggwarengge lalinaferek mene inendawimo werek,” iluk enegat futfisogorek andi.

1 YOHANES 5:19

It afuni kweangma mene inobabut inetok mene andi mondogat he, at obabut weak mene a'nogo enggiba welagaikharek. A'nogo meneat he, nit enek he, Allah ebe againafuri mene welago, iluk ninelu o.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.