1 YOHANES 3:9 - Allah Wene Fano Wene Hupla Inane

⁹ Nen, afuni Allah nen taginaferek mene halok inebe lombok, at obabut waluk hilingitarek andi nen, weak hilingitu mondok logogun lek. Inebe Allah againafuri logolik weak hilingitu mondok welagaikharek lego.

1 YOHANES 3:9 ပူးပေါင်းရင်းမြစ်များ

AYUB 19:28

Hiren he, Niren ninggi'nogo wene halogo oba fogoin he, iluk egep andi nen an nendawinggen mondok weak aga o. Hiren wene pilingisugun iluk wene ero herati lagep andi.

MAZMUR 119:3

It afuni At Tuhan endawimo anggikherek mene higithogo welagik, nen weak mene ekhe hilingiti'lek welagik, hilingiri'lagwi mene andoma re inagaiyek hikhi logouwak.

IMAMAT 11:37

Warek fili andi re, enggen awi folugun mene iluk werek meneba pugu halok enggen andi re emetlasigin lek, we fano horek logogin.

MATIUS 7:18

E ero fano mene nen he, enggen he, weak mene enggen isigin lek. Nen, andi hak he, e ero weak mene andi, enggen he, fano mene enggen isigin legat.

YOHANES 1:13

Migininafikhemo, at againafuri agaukwa andi re, afuni inagainafuri takha inamolo nen taginafik mep mene andogorogo taginafarek andi hak fuk. We at Allah nenat taginafikhe o.

YOHANES 3:3

A'nogo yagatikhemo, at Yesus nen he, mel yagatikhe: ”Afuni Allah nen inebe hobuk inambotkwe taginafi'lek halok he, at awe a'ma fisikherek oba andoma ineilenggen hogoin mondok lego, iluk nane eberogoat yagaheti lagi,” iluk yagatikhemo,

ROMA 6:2

Mondok elo'lego. Nit weak hilingiti lagagu andi faget he, arat wa'lagagusigat he, hobuk weak hilingiti logogun nogo? Elo'lego.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

1 PETRUS 1:23

Allah nen hobuk takhinafikhe andi, afuni wa'lagaikharek mene nen taginafarek andi hak takhinafikhe fuk. We, Allah eluk mondok logolik ane lek agi'lek logogin meneba takhinafikhe o.

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.

1 YOHANES 3:6

Andi nenat, nirat ninom hundik mondok welago mene halok, ninebe lombok weak hilingitu mondok welagorek lek. Mene re, it afuni ekhe weak enek hilingitu mondok welagaikharek mene inebe lombok he, at ebe ineilenggen higi'lek inonggorat werego.

1 YOHANES 4:7

Nerugwi nagaila'lak. Nendawilage. Afuni ekhe inendawirinafarek andi ero at Allah atma re, nit-nit nendawi-hendawirogo logouwogo. Afuni nendawi-hendawirogo logogun mene halok, inebe lombok Allah nen taginafikhemo, at againafuri logolik, at ebe ineluat werego.

1 YOHANES 5:1

Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.

1 YOHANES 5:18

Nit Allah againafuri ta'ninafe mene at amlogo manggusa tatikhe mene a'nogo nen kwelakninarek were'ma, at obabut weak mene a'nogo nen enggi fa'nisagain lego. Halok he, nit weak hundik mondok hilingiti logogun lek, iluk nineluo.

3 YOHANES 1:11

Nagailage, hebe nendawi. Haren he, it afuni inobabut weak hilingitarek mene andi, inobabut wanhuno. We, it inobabut fano hilingitarek mene halok, inobabut wanhi logoino o. Sa nen obabut fano nek hilingiterek mene andi ebe Allah againafuri meneat he, sa nen obabut weak enek hilingiterek mene halok, aren Allah ebe eilenggen hikherek lek, onggoraro.