1 YOHANES 3:4 - Allah Wene Fano Wene Hupla Inane

⁴ Nen, afuni nen weak hilingitarek andi Allah aneat sagalharek andi nen he, ap sa nen weak hilingiri'logo halok, Allah aneat sagalogo hilingiri'logo o.

1 YOHANES 3:4 ပူးပေါင်းရင်းမြစ်များ

1RAJA-RAJA 8:47

iren Hat kino yagahetunem, inane hesanggo holhi logoino o, neisena. O it hele warogo woginarek logoin oba andoma logolik, iren he, nit Allah ane sagalogo hilingito andi weagat hilingito, iluk inobabut hebela'luk kino yagahetu halok, inane hesanggo holhi logoino o, Tuhan neisena.

1 TAWARIKH 10:13

Saul ebe wa'lagaikhe andi re, aren Tuhan oba tiphogo hilingiti'lek, Nen Aren awene melalek yi'nogo hilingiti logoin o, ti'nogo hilingiti logoin o, iluk yagatikhe mene a'nogo hologo hilingiti lagaikhe lek andi nen. Nen, ekhe re at Saul en an ninggi'nogo hilingisigin iluk, At Tuhan nen yaganesuageluk, kino igi'legengge re, aren it ap wa'lagaukwa mene inaheimenggeba kino ilaga lagaikhe. Andiba re, at Tuhan nen wene oba fesikhesik he at raja mendek logolik welagaikhe ba obali'mo a'nogo re hun Isai amlogo Daud a'nogoba wogetikhe.

2 TAWARIKH 24:20

A'nogo hilingik welagaukhama re, at Zakharia hun imam Yoyada a'nogo Allah areagun oba asi wagaikhesik, Aren melalhu kwelek, at ebe it afuni omanogo were'ma menlasi lagaikhesik ane ikhi logolik he, ”Hiren ogo An noba ebeti'legengge hilingiti lagepma re, An nen ogo hit hinoba ebesigin lek. An nen nawene melalek yagaisikhi lagi mene a'nogo hologo hilingiti'legengge hinebe hinonggwaregen alomat fakhikhi lagep andoma nenahalok nogo?” iluk yagaisasikhe.

YESAYA 53:8

At ebe hele warogo fagasik ayo wurogo ebe lisogo waluk laga logolik unggum wa'lagu mene oba faga. At ebe ninggi'nogo hilinglasigin iluk kumut haga mene ekhe werek lek, Nit ninunggulenu mene ninaweak faget at ebe wa'laga.

DANIEL 9:11

Nit afuni Israel mene mondogaren he, Haren, Yi'nogo hilingiti logoino, ti'nogo hilingiti logoino, iluk komotninafigin wene andi ninesanggo hologo hilingiti'lek herakfisaluk, hunogo mene hilingiti lagagu o. Hat hane sagalogo weak hilingiti lagagumo, Haren he, Homan hinobagagin o, iluk hombuk palogo yaganisasigin mene andi hamingmingengge Musa nen lisu palogo fesikhe mene a'nogo ninoba fegenma o.

BILANGAN 15:31

andi re aren Tuhan ane sagalhik, nen elu logoligen Tuhan awene melalek taganhogo hilingitik, hilingisigin andiba, ap andi re onggwarek aweak elekwe ebe wa'lasigin.

MATIUS 5:19

Halok he, sa nen Allah nen isikhe wene endep mene misigat halok sebelogo fuluk, it ekhe nen a'nogo hilingiti logouwageluk yagaisugu halok he, Allah awe a'ma fisikherek oba andoma, at andi enu yenggerugwi hak inendawimo seramet fikhi logogun o. Mene re, sa nen Allah ane andi higithogo hilingiti logolik, it afuni ekhe nen a'nogoat hilingiti logouwageluk yagaisikhi logogin halok he, Allah awe a'ma fisikherek oba andoma, at andi enu weregat were'ma esinet fikhi logogun o.

KISAH PARA RASUL 23:3

Yagaisugunem, at Paulus nen, ap Allah eisewerek kain a'nogo yagati logolik, ”O hobat weak meneat he, elokhe fanorogo iluk amusu watarek andi hak, hagap oba nek fano hangge hendawinggen pire welagen andi re, Allah nen hat hoasigin aro. Haren, wene Allah nen komotninafikhe wene a'nogo fisogo logolik, wene andi higithogo hilingiti'lek, wene an noba fegepsik hagoromi nen an noasuageluk yagaisegen andi nenahalok,” iluk yagatikhe.

ROMA 3:20

Wene Allah nen komotninafikhe wene andiba re, nit afuni weak hilingitorek mene fagikherek andi nen he, nit mondogaren wene aren komotninafikhe wene andi hologo logolik, at eilhanem higithogo hilingisugun elo'lego. Hologo hilingiti logoumo, aren hobuk ninom hunisogo ninobagau meneat he, elo'lego.

ROMA 4:15

Wene Allah nen komotninafikhe mene andiba re, Allah a'mage ninoba fikherek. Meneat he, wene komotninabilep le'ma re, wene sebelogo weak hilingiri'lagwi, iluk ilep legaro.

2 KORINTUS 12:21

A'nogo hilingitunem, an wagunem he, neisena Allah nen hit hinobabut hilingiti lagep andi faget hit hineilhanem nenggali warogo nebe horoget nobagagun andi nailo. It afuni hit mene ekhe hokhorogoaren hemi inaguni werek mene, ap inagagwi werek mene nen pailak fakfisigik, helime silerik ap souge nen pailak fakfisigik, inenggali lek weak mondok hilingitik, o attagaren hilingitarek mene herakfisaluk inobabut hebelagi'lek mondok welagaikharek andi faget, le asi wagi hanogoluk nendawinggen firik welagi o.

YAKOBUS 5:15

Iren inendawinggen Allah oba himbiret fuluk, samban ugun andiba, ninoe Enupogoren hinoba ou mene andi se asuageluk fano hilinghinafik, hit ekhe weak hilingitep mene werek halok, sebelogo legetfisigik, igino.

1 SAMUEL 15:24

A'nogo yagatikhemo, at Saul esanggo holhikhesik he, weak hilingitikhe mene fakhogo Samuel mel yagatikhe: ”Nineisena Tuhan nen, yi'nogo hilingi'no, iluk yaganete mene, haren yaganeten a'nogo, sagalogo weagat hilingitimo o. An nagoromi tentara nen kino yaganetama re an it inoba nailo nen, fano iluk eberogoat yagaisigimo aro.