1 YOHANES 3:2 - Allah Wene Fano Wene Hupla Inane

² Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.

1 YOHANES 3:2 ပူးပေါင်းရင်းမြစ်များ

AYUB 19:26

An nagap arat weaget nobagagin meneat he, hobuk wurep oba nareagun selokhogo Allah elokhoma lamo eilenggen hagain werego.

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

MAZMUR 31:19

Afuni higithogo hilingiri'lagwi mene faget, iren foget fakhikhi logolik inobabut haferogo wene pali'lagwi mene andoma inambe to'mot fisan o.

YESAYA 56:5

hilingiti logogun halok, hit hinenu re, An nawi wuri'mo elonggoma andoma nen inom, An nunggulenu mene inanggele'ma andoma nen inom ebethisikhi logogin o. Hinagainafuri ap mene inom helime mene inom hokhorogo werek mene re, we harek oba nen, ebethisikhi logogin mene andi re mondok esin o. An nen hit hinenu fano mene hobuk nonggorasigin lek mene wokhisagain o,” iluk ikhe.

MALEAKHI 3:2

Oba nen he ap sa hagen linggene Tuhan weinam asi wesigin oba andi hambuget haluk logou hak nogo? At ebere ap posiemanggen endu oba weragaisogo wurik asuageluk fano pugunhogo obabut palharek andi hakhogo inom, nen it sabun wurikhogo hilingitarek andi hakhogo inom hilingik logogin.

MATIUS 5:8

Nen, afuni inendawinggen fano tegelek welagaikharek mene andi, hobuk Allah ebe ineilenggen hogoin andi nen he, inendawimo inagaiyek hikhi logouwak.

LUKAS 17:30

Andi hak he, an abat ta'lasi wagagi a'nogo hobuk weinamhogo wesigin andi sambul he, a'nogoat hilinglasigin o.

LUKAS 20:36

Afuni wa'lagunem Allah nen inelugerinabigin andi nen he, inebe Allah againafuri, it malaikat pogoroba yonggo nikharek mene inom higit logolik, hobuk wa'laga logogun mondok lego.

YOHANES 1:12

A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.

YOHANES 11:52

Mene re, it afuni Yahudi mene faget enek isikhe fuk. Afuni mondogat Allah againafuri mene nek o yi awi ti awi pugulogo lagaukwasik welagaikharek mene inom lambukhogo inobagaigeluk, Yesus wa'lasigin mene faget isikhe.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

ROMA 8:16

A'nogo ikhi lago andi re, at Allah Areagun nenat, ”Hinebe Allah againafuri o,” iluk yaganisugunem, nit ninendawinggen oba nen ogorek andi.

ROMA 8:18

Nit o yogondak welago yaba re, yi enggin ti enggin hikhi lago andi, endebat hak. Mene re, hobuk, Allah nen ninebe hunogoat mene hilingninafunem fogetninabugun andi nek he, hokho aro. Halok, emberek walhamo re, emberek higit lek iluk, nendawimo anggikhi lagi o.

ROMA 8:19

Pogot kweang yi mene ti mene Allah nen elalhikhe mene yoma nen he, ”Allah againafuri inebe hunogoat hilinginafunem sele'ma fogerinabugun andi mera hilinglasigin,” iluk, alik wari'lagwi.

ROMA 8:29

Attagat, at Allah nen nit ninebe elu logolik, at amlogo higit asuageluk wenagaisogo ninobagasikhe. At Yesus ebe manggusa mene, agoromi hokhorogoat at inom logouwageluk wena'ninafikhe andi.

1 KORINTUS 13:12

Yogondak ya re, inafumak mum werek kwelek ineilenggen yethagarek hak, afumak enek mene yethikhi lago. Meneat he, hobuk ebe mene furogo yethogoin o. Yogondak he, wene ando fena nek ninelu welago. Meneat he, hobuk at Allah nen an nebe furogo elu andi hak, an nen at Ebe furogo nelu asigin o.

1 KORINTUS 15:49

Nit yogondak, at Allah nen Adam ebe kweang abu'ne mene elalhikhe mene andi ninom higit welago hak, hobuk at pogoroba mene andi ninom higirat logogun o.

1 KORINTUS 2:9

Wene andi faget he, Allah ane afuni nen ineilenggen higi'lek. Inesanggo holhi'lek. Inendawimo nen ebeti'lek welagaikharek mene, mondogat nit afuni at ebe ninendawirogo welagorek mene nek ninobagaikhemo werego,” iluk lisu palogo fesukwama werek.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

GALATIA 3:26

Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.

GALATIA 4:6

A'nogo hele fikhalogo ninobagasikhemo, ninebe Allah againafuri welago andi nen he, at amlogo Areagun ninendawinggenma ninobagai wagaikhemo logolik, at Allah faget he, niren, ”Neisena, neisena e,” ikhi logouwageluk ikherek andi.

FILIPI 3:21

Andi ebe wesimbik he, nit ninebe ninomame lek logolik, ninagap fili agarek mene yi herakfisaluk obali'mo re at onggwarek agap hak fogeratarek mene a'nogo nirogo a'nogoat ninagap ket mene hilingninobagagin. At omameba yi mene ti mene mondogat at awe a'ma fisagain andi nen he, at ebe fogeratarek hak, nit ninebe fogetninabugun mene hilingisogo ninobagagino.

KOLOSE 3:4

Ebetu were'ma, at Kristus ninebe hobuk nineluk mondok logouwageluk hilingninaferek mene a'nogo weinamhogo wagunem he, hit at hinomat weinam asumo foget hinabugun andi.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

2 PETRUS 1:4

It afuni kweangma yoma yi mene ti mene inamolo nen, inendawinggen en nunggunem inobabut weak hilingi'luk weak agaikharek mene andi herakfisaluk heise wulibi we'luk he, Allah obabut wanuageluk, fano mene wo'nisili'logo andi. Aren elalinat hilingitunem fogeratu mondok welagaikharek mene a'nogo nen he, ”Yi mene ti mene onggoba wanu elo'lek mene, mondok hokho fano mene wokhisagain werego,” iluk abok yaganisasikhe mene andi, ebe wo'nisili'logo andi.

1 YOHANES 2:28

Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.

1 YOHANES 2:7

Nerugwi nagaila'lak. Hinebe nendawi e. Wene ket wene komorogo lisu palogo hinoba lakfei wagi fuk. We, attagat Allah nen komorogo yagahisasikhemo eroba nenat fisogo welagep mene o. Wene andi re, at Allah nen attagat komothinafikhemo holhigip mene a'nogo aro.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.

1 YOHANES 3:21

Halok he, nerugwi nagaila'lak. Hinebe nendawi e. Nit ninendawimo nen, ”An weak ekhe hilingiti,” iluk menenei ebeti'lek, ninendawimo serogo welago halok he, at elokhoma ninailo lekhogo logolik,

1 YOHANES 5:1

Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.

WAHYU 2:28

Nen, hesagal wap o mo lagai wagarek higiren liabi wagarek mene a'nogo wogosigin aro, iluk yagahisigi andi,

WAHYU 22:4

A'nogo logolik, Allah enu it inelhaba lisu pale'ma re, iren at elokhonggen ineilenggen hikhi logogun.