Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 YOHANES 3:1 - Allah Wene Fano Wene Hupla Inane

1 At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.

အခန်းကိုကြည့်ပါ။ ကော်ပီ




1 YOHANES 3:1
33 ပူးပေါင်းရင်းမြစ်များ  

Neisena Tuhan nen, nit fetninarek welagen mene andi esin meneat he, andi endebat hangge. Oba nen he, hobuk afuni an nen tagongge mene fano hilinginafi logogiluk wene wa'neten andi nek he mondok esin hokho mene o, neisena. An nebe afuni meneat, hat hebe Tuhan Allah nen wene nit hobuk hilingninafi logogin mene faget yaganeten andi, neisena.


Afuni higithogo hilingiri'lagwi mene faget, iren foget fakhikhi logolik inobabut haferogo wene pali'lagwi mene andoma inambe to'mot fisan o.


Tuhan nen ikhi logolik, ”Israel, hat he An nen nomalik tago logoinogeluk wokhabimbik he, kweang hat hamolore'ma hat eise asimbik logogin oba o kweangma mondogat oma nen he mondok fani fanore'ma wokhesigin o. Haren An faget. hunai ilen, nen An were'ma nen heise lelen lek iluk nendawimo anggikhi lagi o,” ikhe isikhe.


A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.


Afuni wa'lagunem Allah nen inelugerinabigin andi nen he, inebe Allah againafuri, it malaikat pogoroba yonggo nikharek mene inom higit logolik, hobuk wa'laga logogun mondok lego.


A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.


Mene re, it afuni Yahudi mene faget enek isikhe fuk. Afuni mondogat Allah againafuri mene nek o yi awi ti awi pugulogo lagaukwasik welagaikharek mene inom lambukhogo inobagaigeluk, Yesus wa'lasigin mene faget isikhe.


A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.


Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.


Allah higithogo nek hilingiti lagen mene, neisena. It afuni kweangma mene hat hebe inonggot meneat he, an enek he, hat nelu o. Nen, it haren wo'netigin mene nek he, Aren lakfei wagaikhe iluk, inelu aro.


Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.


A'nogo meneat he, at Allah ninebe endawi nen hilingiterek andi enegat asuageluk, nit weak hilingitu were'ma, Kristus ebe wo'nisasikhemo ninobali'mo wa'lagaikhe andi.


Pogot kweang yi mene ti mene Allah nen elalhikhe mene yoma nen he, ”Allah againafuri inebe hunogoat hilinginafunem sele'ma fogerinabugun andi mera hilinglasigin,” iluk, alik wari'lagwi.


A'nogo werek meneat he, hobuk Allah nen fanot fagain oba weregaro. Andi sambul he, afuni hele warek weak were'ma, hele fikhalogo telinafarek hak, pogot kweang yi mene ti mene mondogat alomat fisikherek mene nen omameba ferinarek were'ma, Allah nen hele fikhalogo telogo fisagain o. A'nogo fisagain andi, at againafuri inebe hunogoat hilingisogo fisugunem fogerinabugun andi hak, pogot kweang yi mene ti mene a'nogoat hunogoat hilingisogo fisugunem fogerasugun aro.


At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.


An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.


Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.


Hit hinebe Kristus mene halok he, hinebe Abraham en tagongge mene welagep. Halok, Allah nen Abraham abok yagatikhe mene a'nogo, hit wokhisagain higiraro.


Ekhe yagaisikhi logolik, ”Hit he hineisena Tuhan Allah againafuri welagep. A'nogo fong wati logolik halok he afuni wa'lagunem iren fong wati logolik, afuni inuggulenu amu mene nen hilingitarek hakhogo hinagap oba ekhe palfigik, hinesi hinelokhe fikhit hogologo palhik, hilingiti logogun mondok lego.


Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.


Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.


At Kristus welagarek andi hak, nit kweangma a'nogo welago andi nen, hobuk Allah nen nit ninanema waganogo wene ninoba figik, kotik, igin andi sambul ninenggali lek logogun. Ninenggali lekhogo logouwageluk he, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk katokhogo hilingninabi'logo andi.


At sa nen omame asigin mene halok, wene mondogat igi mene andi at eisewerek logogin o. A'nogo eisewerek logolik, an Allah at eisena endawinggen noba himbirik mene logogin, nen at an namlogoat logogin o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ